Опис: 

Биолошката разновидност нема висок степен на заштита и сè уште не е приоритет во политиките, пред се поради економскиот аспект во одредени сектори. Следење на биолошката разновидност се врши нередовно и тоа за избрани видови како проектна активност, или, како обврска од меѓународни договори. Се забележува дека има неусогласеност на податоците за биолошката разновидност и не се следат причините за загуба на биолошката разновидност.

Вториот приоритет на Предлог Патоказот за заштита на природата предлага воспоставување на национална еколошка мрежа, унапредување на процедурата за нови заштитени подрачја и нивно интегрирано управување, вработување на квалификуван кадар кој ќе врши мониторинг врз биолошката и пределската разновидност во блиска соработка со локалното население.