Центарот за истражување и информирање за животната средина Еко-свест од Скопје, има потреба од ангажирање на агенција за спроведување на медиумска кампања, со цел информирање на населението за правилно собирање и рециклирање на отпад. Оваа агенција е потребно да биде во постојана комуникација со Еко-свест за создавање на соодветни содржини, наменети за дигитални медиуми (Facebook, Instagram, Twitter, Youtube,…).
Основни информации
Центарот за истражување и информирање за животната средина Еко-свест истражува, информира и делува кон унапредување на јавните политики и навиките за одржливо живеење и заштита на животната средина. Нашата визија е праведно, одговорно и совесно општество каде здрави граѓани одржливо живеат во благосостојба и хармонија со животната средина. Своите мисија и визија ги остваруваме преку различни иницијативи кои вклучуваат поддршка и поттик на граѓанската свесност и активно учество на локалните заедници. Промовирањето на практични решенија во соработка со организации и институции, дополнително допринесуваат кон исполнување на нашата визија и мисија. За нашиот успех, доказ се јавните кампањи за подигнување на свеста за климатските промени, заштитата на природата и водите, аерозагадувањето, енергетската транзиција и зелената трансформација кои ги спроведуваме повеќе од две децении и имаат допрено до над 1 милион граѓани.
Еко-свест преку локалната канцеларија во Вевчани во партнерство со Јавното претпријатие за комунални дејности и облагодарување на природните ресурси Еремја – Вевчани го спроведува проектот „Собери, рециклирај, креирај – Од рециклирана пластика до иновација“ со цел унапредување на управувањето со отпадот во општина Вевчани. Во овој проект се предвидува ангажман на агенција за односи со јавност кој има цел едукација и подигнување на јавната свест на населението за правилно собирање и рециклирање на отпад.
Цел на услугата
Активностите што вклучуваат ангажман на компанија за односи со јавност имаат цел да информираат, едуцираат и да ја подигнуваат јавната свест кај населението за правилно собирање и рециклирање на отпадот од пластика. Во рамки на кампањата ќе се споделуваат информации со цел подигнување на свеста за важноста на водата и штетите од фрлање на отпад во реките, како и можноста за користење на 3Д печатар за рециклирање на пластичниот отпад.
Кампањата ќе биде насочена кон локалното население на општина Вевчани, но и на национално ниво при што ќе бидат креирани посебно насочени пораки кон различни целни групи.
Особено внимание ќе биде посветено на ангажирање на младата популација како двигател на промените во општеството.
Кампањата треба да придонесе кон подобра примена на селекцијата на отпадот и намалување на загадувањето на околината и да резултира со подигната свест кај населението за важноста на водата и штетите од фрлање на отпад во реките.
Обем и детален опис на услугата
За успешна реализација на планираните активности на организацијата во договорениот временски рок, ангажираната агенција е потребно да ги спроведе следниве активности:
Да изработи комуникациска стратегија (за дигитални медиуми); креативен визуелен индетитет и пораки на кампањата во согласност со насоките од нарачателот и да направи концепт на активности, во договор со нарачателот;
Да ја презентира комуникациска стратегија и визуелен идентитет на кампањата пред нарачателот и да го модифицира во согласност со дадените насоки од нарачателот;
Да спроведе медиумска кампања согласно темата и договорот во времетраење од 2 месеци;
За секој организиран настан од страна на нарачателот во рамки на проектот, да спреми најмалку 1 промотивно видео (по реализација на настанот) со цел зголемување на интересот на пошироката јавност;
Да соработува и да ги следи насоките за изработка и спроведување на кампањата од лицето назначено за комуникација од Еко-свест;
Да изработи детален извештај, најдоцна до крајниот рок (30.09.2024 година) за постигнатите резултати и да го достави до нарачателот.
Одржување консултативни состаноци со лицето назначено за контакт од страна на нарачателот, во термини меѓусебно и однапред договорени (најмалку еднаш месечно);
Извршување на работните задачи во согласност со политиките на Еко-свест и насоките дадени од страна на назначените лица за контакт.
Сите активности кои ќе бидат предмет на договори и ќе се спроведат треба да се претходно консултирани и одобрени од страна на лицето за контакт за проектот.
Временска рамка
Рокот за доставување на понуди ќе биде отворен од 10.07.2024 година до 17.07.2024 година во 23:59 часот.
Периодот на имплементација е помеѓу 1 aвгуст и 30 септември 2024 година. По склучување на договорот, избраната страна ќе има период од 8 (осум) недели за реализација на договорените активности, почнувајќи од 01.08.2024 година.
Буџет
Вредноста на договорот нема да надмине повеќе од 171.210 денари, без вклучен ДДВ износ.
Временска рамка
Рокот за доставување на понуди ќе биде отворен од 10.07.2024 година до 17.07.2024 година во 23:59 часот.
Периодот на имплементација е помеѓу 1 aвгуст и 30 септември 2024 година. По склучување на договорот, избраната страна ќе има период од 8 (осум) недели за реализација на договорените активности, почнувајќи од 01.08.2024 година.
Буџет
Вредноста на договорот нема да надмине повеќе од 171.210 денари, без вклучен ДДВ износ.
Потребна документација за аплицирање
Предлог комуникациска стратегија;
Краток опис на компанијата;
Портфолио со сработени медиумски кампањи;
Професионални биографии (CV-а) на членови од тимот со искуство во изработка и спроведување на кампањи, односи со јавност, маркетинг и работа на социјални медиуми, кои би биле ангжирани на активноста;
Тековна состојба не постара од 6 месеци;
Финансиска понуда по ставки изразена во денари без ДДВ;
Пополнета и потпишана изјава дека понудувачот не запаѓа во ситуација која е основа за исклучување од учество во набавката (Анекс 1).
Компанијата која аплицира мора да ги исполнува следниве критериуми:
Активна компанија која е формирана со согласно Законите во Република С. Македонија, и постои најмалку 2 години.
Целокупната документација треба да биде доставена на македонски јазик во електронска форма.
Доставените материјали остануваат во архивата на Еко-свест.
Евалуација на кандидатите
По истекот на рокот за пријавување, ќе се креира Комисија од 3 члена, која ќе изврши бодување на пристигнатите понуди.
Кандидатите ќе бидат оценувани по следните критериуми:
Портфолио и искуство на предложените членови на тимот: 20 бодови;
Предлог нацрт стратегија – релевантност и иновативност на пристапот: 50 бодови;
Финансиска понуда: 30 бодови.
Еко-свест ќе ги контактира сите понудувачи, не подоцна од 7 работни дена од истекот на периодот за доставување на понуда, за да ги извести за резултатот од постапката.
Сите понудувачи кои не биле избрани на повикот имаат можност во рок од 5 календарски дена да поднесат Приговори по однос на постапката.
Еко-свест ќе подготви одговор по евентуалните приговори до понудувачите-жалители.
По истекот на рокот за приговори, од избраниот понудувач, освен горенаведените податоци, ќе се побара да достави дополнителна документација која вклучува:
Тековна состојба/потврда за регистрирана дејност на добавувачот;
Потврда за солвентност/бонитет;
Завршна сметка за 2023;
Потврда/информација од Централен Регистар за забрана за вршење дејност и регистар за казни на правни лица;
Уверение за платени даноци и придонеси;
Изјави за доверливост и непостоење на конфликт на интереси.
Договор со избраниот понудувач ќе се склучи најдоцна во рок од 7 работни дена.
Услови за поднесување
Комплетната понуда апликантите треба да ја испратат на email: [email protected], со назнака „Понуда за медиумска кампања“.
Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот.
Рокот за доставување на понуди ќе биде отворен од 10.07.2024 година до 17.07.2024 година во 23:59 часот.
Пoнудите кои ќе пристигнат по наведениот рок или без целосна документација, нема да бидат разгледувани.
Надзор на проектот
Еко-свест ќе биде одговорен за надзорот на спроведувањето на активноста и почитување на договорите и договорните задачи.
Еко-свест Вевчани и Велосипедско друштво Рупикапра MТБ Струга овој викенд на 7.7.2024 година, беа организатори на Планинската вело тура Вевчанска Голина – Локва.
Над 130 учесници од целата држава, се запознаа и уживаа во убавините на Вевчани, планината Јабланица и Споменикот на природа Вевчански Извори.
Целта на оваа вело тура е да ги промовира можностите за развивање на велосипедскиот туризам на ова подрачје и убавините на планината Јабланица и Споменикот на Природа Вевчански Извори.
Турата започна од Центарот на Вевчани со крајна цел Вевчанска Голина (локва). Патеката од Центарот на Вевчани продолжува по следниот редослед Вевчански Извори – Есејнца – Смолејца – Јанков Камен – Манастир Св. Климент – Горна Белица – Вевчанска Голина (Видиковец), па назад кон Вевчани преку Средни рид. Патеката е со должина од 30км и елевација од 1100м. Секој од учесниците имаше можност со кратко планинарење до Вевчанска Локва да ужива во бисерот на Јабланица.
Еко-свест преку својата работа ќе продолжи со напорите за зачувување и промоција на заштитеното подрачје Вевчански Извори и планината Јабланица.
Вело турата е поддржана како дел од проектот “Поддршка на одржливо управување со Споменикот на природа Вевчански Извори ” финансиран од Prespa Ohrid Nature Trust – PONT.
Центарот за истражување и информирање за животната средина „Еко-свест“ во рамки на проектот „Поддршка на одржливо управување со Споменикот на природа Вевчански Извори “ финансиран од Prespa Ohrid Nature Trust – PONT, објавува повик за изразување на интерес за развој и брендирање на шумски производи.
Повикот е отворен за физички и правни лица со адреса или седиште во Вевчани.
На лицата кои ќе изразат интерес Еко-свест им нуди брендирање на производот или производите.
Креирање на идентитет на производот, се однесува на уникатниот знак или обележје кој се користи за да се идентификува производот;
Визуелно присуство на производот, начинот на кој производот изгледа и се претставува пред потрошувачите. Ова вклучува аспекти како дизајнот, боите, формата, текстурата, логоата, и други визуелни елементи кои може да влијаат на внатрешната и надворешната привлечност на производот;
Маркетинг на производот, активности што ќе се користат за да се промовира производот на пазарот.
Услов за изразување на интерес на овој повик е лицето да биде со седиште/место на живеење во Вевчани.
Критериуми за избор:
Производот за кој се бара поддршка мора да биде производ од природата
Неговото собирање, обработка и пласирање мора да биде одржливо и еколошко, без употреба на пластика и нееколошки материјали и во согласност со принципите на заштита на животната средина
Производот треба да се смета за здрав и природен производ
Производот треба да потекнува од подрачјето на Вевчани, односно од заштитеното подрачје
Оценка на предложените производи:
За претставителност на подрачјето – 30 бодови
За еколошки природно потекло – 30 бодови
За мотивација на предлагачот и капацитет за изведба – 30 бодови
За уникатност – 10 бодови
Повикот е отворен до 08.07.2024 година.
Потребна документација за пријава:
писмо за интерес, во кое ќе се содржат основни информации за предлагачот, производот кој ќе биде предмет на подршката и изворот и потеклото на ресурси/плодови кои се потребни за изработка на продуктот, како и потребата од поддршка за која се изразува интерес, и
пополнета Потврда за посветеност и Декларација за судир на интереси за индивидуални/физички лица (Анекс 1) или Изјава од понудувач (Анекс 2) за правни лица.
Потребната документација се доставува во електронска форма на следниот е-маил [email protected] или можете да ја доставите во писмена форма во канцеларијата на Еко-свест во Вевчани.
Со сите предлагачи Еко-свест ќе организира посебни средби за презентирање на производот.
Пријавите за изразување интерес кои ќе пристигнат по наведениот рок или без целосна документација, нема да бидат разгледувани.
Повеќе информации можете да добиете на телефон 078 449 209, на е-маил [email protected] или во локалната канцеларија на Еко-свест во Вевчани, најдоцна до 05.07.2024 година. Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб-страницата на Еко-свест под објавата за повикот.
Секој кандидат кој има изразено интерес ќе биде поканет на консултативен состанок во неделата после 15.07.2024 година. На тој состанок кандидатите ќе имаат можност подетално да го презентираат производот и потребата од поддршка на производот.
Еко-свест ќе формира Комисија за селекција која ќе изврши избор на најдобриот кандидат.
Избраниот кандидат ќе биде известен не подоцна од 21.07.2024 година. Договор со избраниот кандидат ќе биде потпишан не подоцна од 31.07.2024 година.
Еко-свест ќе ги извести сите кандидати за изборот.
Опис на услугата Задачата во рамки на повикот е набавка и достава на два 3Д печатари (FDM технологија) кои што може да печатат со ПЕТ пластика.
Основни информации Центарот за истражување и информирање на животната средина Еко-свест преку локалната канцеларија во Вевчани во партнерство со Јавното претпријатие за комунални дејности и облагодарување на природните ресурси Еремја – Вевчани го спроведува проектот „Собери, рециклирај, креирај – Од рециклирана пластика до иновација“ со цел унапредување на управувањето со отпадот во општина Вевчани. Повеќе информации на www.ekosvest.com.mk
Цел на услугата Главна цел на оваа задача е воведување на 3Д печатањето како начин на рециклирање и реупотреба на отпадот од пластика. Еко-свест, како дел од проектот ќе донира два 3Д печатари во локалните основни училишта. Младите ќе имаат можност да се запознаат со иновативен третман на отпадот од пластика и да научат како да ракуваат со 3Д печатар.
Обем и детален опис на услугата Избраниот понудувач ќе биде задолжен за:
Набавка на два 3Д печатари; · 3Д печатарите треба да работат на методот Fused Deposition Modelling (FDM); · 3Д печатарите треба да имаат можност да печатат со ПЕТ пластика, односно на температура од 220-260⁰C · 3Д печатарите да можат да се испорачаат 10 дена од склучувањето на договорот.
Достава на 3Д печатарите до локалната канцеларија во Вевчани
Временска рамка Задачата за набавка на два 3Д печатари ќе биде финализирана 15 дена од склучување на договорот, но не покасно од 10.06.2024 година.
Буџет Вредноста на договорот не може да надмине 2150 САД$, односно 122.700 денари, според курсот на проектот „Собери, рециклирај, креирај – Од рециклирана пластика до иновација“.
Потребна документација за аплицирање · Краток опис на компанијата (портфолио); · Тековна состојба не постара од 6 месеци; · Финансиска понуда; · Техничка спецификација за уредот и информација за гарантни услови; · Пополнета и потпишана изјава дека понудувачот не запаѓа во ситуација која е основа за исклучување од учество во набавката (Анекс 1).
Компанијата која аплицира мора да ги исполнува следниве критериуми: · Активна компанија која е формирана со согласно Законите во Република С.Македонија, и постои најмалку 2 години.
Целокупната документација треба да биде доставена на македонски јазик во електронска форма.
Во понудата задолжително: · Да се наведе единечната цена за производот без ДДВ; · Временски рок за извршување на набавката; · Начин на плаќање.
Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2023 (за правни лица); потврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси, изјава за неосудуваност од страна на избраниот кандидат (физичко лице) или изјава дека ги исполнува критериумите за учество (правно лице); биографии (CV) на консултантите; листа на референци/портфолио.
Евалуација на кандидатите Кандидатите ќе бидат оценувани по следните критериуми: · Краток опис на компанијата (портфолио): 20 бодови; · Време потребно за достава на 3Д печатарите: 20 бодови; · Техничка спецификација и гаранција: 20 бодови; · Понудена цена за 3Д печатарите: 40 бодови.
Евалуационата комисија ќе ја извести само онаа компанија чија понуда ќе биде избрана. Договор ќе биде склучен само со онаа компанија чија понуда ќе биде оценета како најповолна, однодно освоила најголем број бодови во сооднос квалитет на понуда и цена.
Услови за поднесување
Комплетната понуда апликантите треба да ја испратат на email: [email protected] , со назнака „Понуда за набавка на 3Д печатари“. Пристигнатите прашања од кој било од заинтересираните понудувачи ќе бидат одговорени и објавени на веб страницата на Еко-свест под објавата за повикот. Краен рок за достава на понуди е 27/05/2024 година. Некомплетни понуди нема да бидат земени предвид.
Надзор на проектот Еко-свест ќе биде одговорен за надзорот на спроведувањето на активноста и почитување на договорите и договорните задачи. Контакт лице Леонора Велкоска, [email protected]
Контакт лице За повеќе информации, ве молам контактисрајте со Леонора Велкоска, [email protected] или на +389 78 300 219
Анекс 1: Изјава од понудувач
ИЗЈАВА
Јас, долупотпишаниот ____________________________________(име и презиме) во функција на овластен застапник на__________________________(име на правното лице) со целосна морална и материјална одговорност изјавувам дека правното лице кое го застапувам нема ограничувања да биде понудувач во овој повик и дека поконкретно
→ Правното лице не се наоѓа во стечајна постапка, банкрот или судски спор, правното лице нема склучено договор со доверители без можност да ги сервисира обврските кон кредиторите, и истото нема суспендирање на деловните активности на правниот субјект, односно активностите на правното лице не се предмет на постапка во врска со овие прашања или не се во било каква аналогна ситуација што произлегува од слична постапка предвидена во националното законодавство и регулативи;
→ Правното лице и овластениот застапник не се осудени за прекршок по основ на непрофесионално однесување, со пресуда која има сила на res judicata;
→ Правното или физичко лице застапник не е обвинето за тежок прекршок и/или недолично професионално однесување, по било кој основ докажано како праведно обвинето;
→ Правното или физичкото лице застапоник не се утврдени за виновни со правосилна пресуда или со правосилна административна одлука за тешко недолично професионално однесување прекршувајќи ги важечките закони и прописи или етичките стандарди апликативни за професионалната област во рамки на која субјектот делува, или соучествувајќи во било какво несоодветно однесување кое има влијание врз неговиот професионален кредибилитет и кога таквото однесување укажува на погрешна намера или груба небрежност, вклучително и особено кое било од следното: измама или небрежно погрешно прикажување на информации потребни за проверка на отсуството на основи за исклучување или исполнување на критериумите за избор или спроведување на договорот, вршење притисок или влијание при процесот на донесување одлука, или обид да се добијат доверливи информации за предности во постапката на набавка;
→ Правното лице ги исполнува обврските за плаќање на придонеси за социјално осигурување на вработените или плаќање даноци согласно законските одредби на земјата во која правниот субјект е основан или со одредбите важечки за земјата каде треба да се спроведе договорот;
→ Правното лице не е предмет на пресуда која има сила на res judicata за измама, корупција, инволвираност во криминални дејствија или која било друга незаконска активност штетна за финансиските интереси на организацијата и донаторите.
На ден________________година Име и презиме на застапникот
Центарот за истражување и информирање за животната средина „Еко-свест“ во рамки на проектот „Поддршка на одржливо управување со Споменикот на природа Вевчански Извори “ финансиран од Prespa Ohrid Nature Trust – PONT, објавува повик за ангажирање на експерт/и за подготовка на истражување за состојбата на питомиот костен во Споменикот на природа Вевчански Извори.
Цел на истражувањето
Со истражувањето треба да се обезбеди преглед на постоечката состојба на костеновата популација во заштитеното подрачје Споменик на природа Вевчански Извори, преку анализа на теренски и лабораториски резултати.
Покрај документирање на постоечката состојба, врз база на идентификуваните закани и ризици, истражувањето треба да содржи препораки и мерки за надминување на состојбите кои би користеле во идното успешно управување со популацијата на питом костен во заштитеното подрачје, во насока на негова трајна заштита.
Квалификации на кандидатите
Сите експерти (поединечни или како дел од експертските тимови) треба да ги исполнуваат следниве квалификации:
Научно искуство од најмалку 10 години во областа која е предмет на овој повик,
Биографија/Портфолио со најмалку 3 (претходно) изработени анализи и/или трудови/активности во бараната област,
Развиени истражувачки способности.
Солидни капацитети за писмено елаборирање на наодите и формулирање препораки насочени кон Управителот со заштитеното подрачје.
Способност да изготви видео материјал за промоција на наодите од истражувањето
Услови на повикот
На повикот може да аплицираат поединечни експерти и/или тимови на експерти. Заинтересираните кандидати или тимови, кои ги исполнуваат условите, документите треба да ги достават во електронска верзија на е-пошта до [email protected] со назнака „Пријава за изработка на истражување за состојбата на питом костен во СП Вевчански Извори“.
Начин на пријавување
Заинтересираните кандидати кои ги исполнуваат условите треба да достават:
Понуда за изработка на истражување
Биографија (CV) со информација за најмалку 3 претходни изработени извештаи или трудови од оваа проблематика за секој кандидат кој ќе учествува во изработка на истражувањето, односно секој член на тимот, да има проектно искуство
Финансиска понуда со преглед на трошоци по ставки
За сите прашања, контактирајте не на [email protected], најдоцна до 23.04.2024 година. Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб-страницата на Еко-свест под објавата за повикот.
Доставените материјали остануваат во архивата на Еко-свест.
Пoнудите кои ќе пристигнат по наведениот рок или без целосна документација, нема да бидат разгледувани.
Рокови и временска рамка
Повикот е отворен до 25.04.2024 година.
Периодот за изработка на извештајот е 6 месеци од склучување на договорот.
Критериум за избор на најсоодветна понуда
По истекот на рокот за пријавување, ќе се креира Комисија од 3 члена, која ќе изврши бодување на пристигнатите понуди.
Кандидатите за секоја тематска област ќе бидат оценувани според следните критериуми:
1. Портфолио на кандидатот (60 бодови);
2. Финансиска понуда (40 бодови).
Вкупно 100 бодови.
Еко-свест ќе ги контактира избраните понудувачи, не подоцна од 7 дена од истекот на периодот за доставување на понуда
Договор ќе биде склучен со кандидатите кои освоиле најголем број бодови во сооднос квалитет на понуда и цена.
Анекс 1: Детален опис на работната задача
Опис на услугата
Со Истражување на здравствената состојба на питомиот костен треба да се обезбеди преглед на постоечките состојби и да се идентификуваат, документираат заканите врз популацијата на питомиот костен на територијата на заштитеното подрачје Споменик на природа Вевчански Извори.
Покрај документирање на постоечката состојба, врз база на идентификуваните закани и ризици, истражувањето треба да содржи препораки и мерки за надминување на состојбите кои би користеле во идното успешно управување со популацијата на питом костен во заштитеното подрачје.
Основни информации
Центарот за истражување и информирање за животна средина ,,Еко-свест’’ од Скопје преку локалната канцеларија Вевчани во рамки на проектот „Поддршка на одржливо управување со Заштитеното подрачје Вевчански извори” поддржан од ПОНТ (Prespa Ohrid Nature Trust) има потреба од ангажирање на консултанти за изработка на истражување на состојбата на питом костен во Споменикот на природа Вевчански Извори.
Еко-свест во 2022 година во Вевчани отвори своја локална канцеларија и започна со спроведување на проектот „Поддршка на одржливо управување со Заштитеното подрачје Вевчански извори” и ја продолжи успешната соработка со Prespa Ohrid Nature Trust – PONT.
Целта на работата на проектот е да се постигне долгорочна заштита на Споменикот на природата „Вевчански Извори“ и просперитет на локалната заедница преку практики за одржливо управување.
Обем и детален опис на услугата
За целите на истражувањето, експертот/експертскиот тим е должен:
-Да следи насоки од Еко-свест за спроведување на истражувањето и формулирање на препораките
– Да спроведе истражување и изврши анализа на теренски и на податоци од лабораториски истражувања,
– Да формулира пепораки за заштита на питомиот костен
– Да ги користи расположливите информации и постоечки документи кои се
јавно достапни.
Експертот/експертите треба да ги спроведат следните работни задачи:
Да направат анализа на базата на податоци на апликацијата INaturalist
Да направат Препознавање, оценка и детален опис на моменталната здравствена сосотојба на питом костеновите стебла во Споменикот на природа Вевчански Извори;
Да извршат Прибирање примероци кора од активни (и евентуални пасивни) рак-рани заради изолација на габата и за натамошни лабораториски истражувања;
Да одредат в-к тип на добиените изолати in vitro;
Да одредат присуство, и степен на присуство на хиповирулентни изолати.
Да изготват интерактивна карта (мапа) со локација на одделни стебла, и претставување на важни податоци за секое стебло (опис, димензии, мерки и други забелешки), заради идни апликативни и научно-истражувачки активности;
Да изработат Извештај за анализата во кој ќе се претстават резултатите и согледувањата од преземените теренски и лабораториски истражувања, и насоки за подобрување на здравствената состојба на костените со препораки кон Управителот на подрачјето.
Да изработат информативно-едукативна брошура во дигитална форма, за потребите на Еко-свест, како и на кратко промотивно видео со основните наоди од истражувањето како и за значењето на питомиот костен за локалното население (еколошки и економски аспекти).
Временска рамка
Периодот на имплементација е помеѓу: 01.05.2024 година – 01.11.2024 година
Буџет
Вкупната вредност на оваа услуга не смее да надмине 3000 евра во денарска противвредност со вклучени даноци.
Надзор на проектот
Еко-свест ќе биде одговорен за надзорот на спроведувањето на услугата и почитување на договорите и договорните задачи.
Најнови коментари