Центарот за истражување и информирање за животната средина Еко-свест од Скопје, има потреба од ангажирање на агенција за спроведување на медиумска кампања, со цел информирање на населението за правилно собирање и рециклирање на отпад. Оваа агенција е потребно да биде во постојана комуникација со Еко-свест за создавање на соодветни содржини, наменети за дигитални медиуми (Facebook, Instagram, Twitter, Youtube,…).
Основни информации
Центарот за истражување и информирање за животната средина Еко-свест истражува, информира и делува кон унапредување на јавните политики и навиките за одржливо живеење и заштита на животната средина. Нашата визија е праведно, одговорно и совесно општество каде здрави граѓани одржливо живеат во благосостојба и хармонија со животната средина. Своите мисија и визија ги остваруваме преку различни иницијативи кои вклучуваат поддршка и поттик на граѓанската свесност и активно учество на локалните заедници. Промовирањето на практични решенија во соработка со организации и институции, дополнително допринесуваат кон исполнување на нашата визија и мисија. За нашиот успех, доказ се јавните кампањи за подигнување на свеста за климатските промени, заштитата на природата и водите, аерозагадувањето, енергетската транзиција и зелената трансформација кои ги спроведуваме повеќе од две децении и имаат допрено до над 1 милион граѓани.
Еко-свест преку локалната канцеларија во Вевчани во партнерство со Јавното претпријатие за комунални дејности и облагодарување на природните ресурси Еремја – Вевчани го спроведува проектот „Собери, рециклирај, креирај – Од рециклирана пластика до иновација“ со цел унапредување на управувањето со отпадот во општина Вевчани. Во овој проект се предвидува ангажман на агенција за односи со јавност кој има цел едукација и подигнување на јавната свест на населението за правилно собирање и рециклирање на отпад.
Цел на услугата
Активностите што вклучуваат ангажман на компанија за односи со јавност имаат цел да информираат, едуцираат и да ја подигнуваат јавната свест кај населението за правилно собирање и рециклирање на отпадот од пластика. Во рамки на кампањата ќе се споделуваат информации со цел подигнување на свеста за важноста на водата и штетите од фрлање на отпад во реките, како и можноста за користење на 3Д печатар за рециклирање на пластичниот отпад.
Кампањата ќе биде насочена кон локалното население на општина Вевчани, но и на национално ниво при што ќе бидат креирани посебно насочени пораки кон различни целни групи.
Особено внимание ќе биде посветено на ангажирање на младата популација како двигател на промените во општеството.
Кампањата треба да придонесе кон подобра примена на селекцијата на отпадот и намалување на загадувањето на околината и да резултира со подигната свест кај населението за важноста на водата и штетите од фрлање на отпад во реките.
Обем и детален опис на услугата
За успешна реализација на планираните активности на организацијата во договорениот временски рок, ангажираната агенција е потребно да ги спроведе следниве активности:
Да изработи комуникациска стратегија (за дигитални медиуми); креативен визуелен индетитет и пораки на кампањата во согласност со насоките од нарачателот и да направи концепт на активности, во договор со нарачателот;
Да ја презентира комуникациска стратегија и визуелен идентитет на кампањата пред нарачателот и да го модифицира во согласност со дадените насоки од нарачателот;
Да спроведе медиумска кампања согласно темата и договорот во времетраење од 2 месеци;
За секој организиран настан од страна на нарачателот во рамки на проектот, да спреми најмалку 1 промотивно видео (по реализација на настанот) со цел зголемување на интересот на пошироката јавност;
Да соработува и да ги следи насоките за изработка и спроведување на кампањата од лицето назначено за комуникација од Еко-свест;
Да изработи детален извештај, најдоцна до крајниот рок (30.09.2024 година) за постигнатите резултати и да го достави до нарачателот.
Одржување консултативни состаноци со лицето назначено за контакт од страна на нарачателот, во термини меѓусебно и однапред договорени (најмалку еднаш месечно);
Извршување на работните задачи во согласност со политиките на Еко-свест и насоките дадени од страна на назначените лица за контакт.
Сите активности кои ќе бидат предмет на договори и ќе се спроведат треба да се претходно консултирани и одобрени од страна на лицето за контакт за проектот.
Временска рамка
Рокот за доставување на понуди ќе биде отворен од 10.07.2024 година до 17.07.2024 година во 23:59 часот.
Периодот на имплементација е помеѓу 1 aвгуст и 30 септември 2024 година. По склучување на договорот, избраната страна ќе има период од 8 (осум) недели за реализација на договорените активности, почнувајќи од 01.08.2024 година.
Буџет
Вредноста на договорот нема да надмине повеќе од 171.210 денари, без вклучен ДДВ износ.
Временска рамка
Рокот за доставување на понуди ќе биде отворен од 10.07.2024 година до 17.07.2024 година во 23:59 часот.
Периодот на имплементација е помеѓу 1 aвгуст и 30 септември 2024 година. По склучување на договорот, избраната страна ќе има период од 8 (осум) недели за реализација на договорените активности, почнувајќи од 01.08.2024 година.
Буџет
Вредноста на договорот нема да надмине повеќе од 171.210 денари, без вклучен ДДВ износ.
Потребна документација за аплицирање
Предлог комуникациска стратегија;
Краток опис на компанијата;
Портфолио со сработени медиумски кампањи;
Професионални биографии (CV-а) на членови од тимот со искуство во изработка и спроведување на кампањи, односи со јавност, маркетинг и работа на социјални медиуми, кои би биле ангжирани на активноста;
Тековна состојба не постара од 6 месеци;
Финансиска понуда по ставки изразена во денари без ДДВ;
Пополнета и потпишана изјава дека понудувачот не запаѓа во ситуација која е основа за исклучување од учество во набавката (Анекс 1).
Компанијата која аплицира мора да ги исполнува следниве критериуми:
Активна компанија која е формирана со согласно Законите во Република С. Македонија, и постои најмалку 2 години.
Целокупната документација треба да биде доставена на македонски јазик во електронска форма.
Доставените материјали остануваат во архивата на Еко-свест.
Евалуација на кандидатите
По истекот на рокот за пријавување, ќе се креира Комисија од 3 члена, која ќе изврши бодување на пристигнатите понуди.
Кандидатите ќе бидат оценувани по следните критериуми:
Портфолио и искуство на предложените членови на тимот: 20 бодови;
Предлог нацрт стратегија – релевантност и иновативност на пристапот: 50 бодови;
Финансиска понуда: 30 бодови.
Еко-свест ќе ги контактира сите понудувачи, не подоцна од 7 работни дена од истекот на периодот за доставување на понуда, за да ги извести за резултатот од постапката.
Сите понудувачи кои не биле избрани на повикот имаат можност во рок од 5 календарски дена да поднесат Приговори по однос на постапката.
Еко-свест ќе подготви одговор по евентуалните приговори до понудувачите-жалители.
По истекот на рокот за приговори, од избраниот понудувач, освен горенаведените податоци, ќе се побара да достави дополнителна документација која вклучува:
Тековна состојба/потврда за регистрирана дејност на добавувачот;
Потврда за солвентност/бонитет;
Завршна сметка за 2023;
Потврда/информација од Централен Регистар за забрана за вршење дејност и регистар за казни на правни лица;
Уверение за платени даноци и придонеси;
Изјави за доверливост и непостоење на конфликт на интереси.
Договор со избраниот понудувач ќе се склучи најдоцна во рок од 7 работни дена.
Услови за поднесување
Комплетната понуда апликантите треба да ја испратат на email: [email protected], со назнака „Понуда за медиумска кампања“.
Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот.
Рокот за доставување на понуди ќе биде отворен од 10.07.2024 година до 17.07.2024 година во 23:59 часот.
Пoнудите кои ќе пристигнат по наведениот рок или без целосна документација, нема да бидат разгледувани.
Надзор на проектот
Еко-свест ќе биде одговорен за надзорот на спроведувањето на активноста и почитување на договорите и договорните задачи.
Еко-свест Вевчани и Велосипедско друштво Рупикапра MТБ Струга овој викенд на 7.7.2024 година, беа организатори на Планинската вело тура Вевчанска Голина – Локва.
Над 130 учесници од целата држава, се запознаа и уживаа во убавините на Вевчани, планината Јабланица и Споменикот на природа Вевчански Извори.
Целта на оваа вело тура е да ги промовира можностите за развивање на велосипедскиот туризам на ова подрачје и убавините на планината Јабланица и Споменикот на Природа Вевчански Извори.
Турата започна од Центарот на Вевчани со крајна цел Вевчанска Голина (локва). Патеката од Центарот на Вевчани продолжува по следниот редослед Вевчански Извори – Есејнца – Смолејца – Јанков Камен – Манастир Св. Климент – Горна Белица – Вевчанска Голина (Видиковец), па назад кон Вевчани преку Средни рид. Патеката е со должина од 30км и елевација од 1100м. Секој од учесниците имаше можност со кратко планинарење до Вевчанска Локва да ужива во бисерот на Јабланица.
Еко-свест преку својата работа ќе продолжи со напорите за зачувување и промоција на заштитеното подрачје Вевчански Извори и планината Јабланица.
Вело турата е поддржана како дел од проектот “Поддршка на одржливо управување со Споменикот на природа Вевчански Извори ” финансиран од Prespa Ohrid Nature Trust – PONT.
Центарот за истражување и информирање за животната средина „Еко – свест“ во рамки на регионалната иницијатива „Заедно за реките“ финансирана од The Nature Conservancy, објавува Повик за ангажирање на индивидуални консултанти или компании за подготовка на извештаи од предвидените тематски области кои ќе бидат дел од Студија за валоризација на вредностите на Демиркаписката клисура и околината. Цел на активноста Со извештаите треба да се обезбеди преглед на постоечките состојби и да се идентификуваат, документираат и категоризираат сите карактеристики на биолошкото, геолошкото и хидролошкото богатство на подрачјето на Демиркаписката клисура и сливот на реката Вардар на територијата на општина Демир Капија. Покрај документирање на постоечката состојба, намената на тематските извештаи е да бидат составен дел од Студијата за валоризација на предложеното подрачје Демиркаписка клисура и околината, а крајната цел е репрогласување на тој регион за заштитено подрачје. Извештаите и Студијата за валоризација на предложеното подрачје Демиркаписка клисура и околината, треба да биде во согласност со Законот за заштита на природата (“Сл.весник на Република Македонија” бр.67/04,14/06, 84/07, 35/10, 47/11, 148/11, 59/12, 13/13, 163/13 и 41/14) и Правилникот за содржинатa на Студијата за валоризација или ревалоризација на заштитени подрачја (“Сл.весник на Република Македонија”бр.26/12). Потребни квалификации на понудувачите Сите експерти (индивидуални или како дел од експертските тимови/компании) треба да ги имаат следните квалификации: • Високо образование во бараната тематска област или работно искуство од најмалку 10 години во бараната област; • Искуство во работа на најмалку 3 (претходно) изработени Студии за валоризација/ревалоризација или Студии за оцена на животната средина; и • Развиени истражувачки и аналитички способности.
Услови на повикот На повикот може да аплицираат поединечни експерти и/или оформени тимови и компании. Заинтересираните кандидати или тимови/компании, кои ги исполнуваат условите, документите треба да ги достават во електронска верзија на е-пошта до [email protected] и [email protected] со назнака „Пријава за изработка на тематски извештаи од Студија за валоризација на вредностите на Демиркаписката клисура и околината“. Начин на пријавување Заинтересираните кандидати кои ги исполнуваат условите треба да достават:
*За физички лица:
1. Понуда за изработка на извештаите, во која ќе се наведе/ат тематските/а област/и за која/и се аплицира наведена во Анекс 1;
2. Биографија (CV) со информација за најмалку 3 претходни изработени извештаи од студии или трудови од бараната проблематика или Студии за оцена на влијанието на животната средина во бараната област;
3. Финансиска понуда со преглед на трошоци по ставки и квантификација на експертски денови.
4. Потврда за посветеност: Кодекс на однесувањена Еко-свест и декларација за судир на интереси (Анекс 2).
*За правни лица/компании:
1. Понуда за изработка на извештаите, во која ќе се наведе/ат тематските/а област/и за која/и се аплицира наведена во Анекс 1;
2. Портфолио на компанијата со најмалку 3 претходни изработени извештаи во рамки на Студии за ре/валоризација или Студии за оцена на влијанието на животната средина во бараната област;
3. Биографија (CV) со информација за најмалку 3 претходни изработени извештаи од студии или трудови од бараната проблематика или Студии за оцена на влијанието на животната средина во бараната област, за секој член на тимот кој ќе учествува во изработка на извештаите;
4. Финансиска понуда со преглед на трошоци по ставки и квантификација на експертски денови;
5. Пополнета изјава за незапаѓање во ситуација која е основа за исклучување од учество во набавката (Анекс 3).
За сите прашања, контактирајте нè на [email protected] и на [email protected] најдоцна до 15.07.2024 година. Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест во коментари под објавата за повикот и достапни за сите.
Доставените материјали остануваат во архивата на Еко-свест.
Понудите кои ќе пристигнат по наведениот рок или без целосна документација, нема да бидат разгледувани.
Рокови, временска рамка и локација на спроведување на активностите
Повикот е отворен до 19.07.2024.
Истражувањата ќе се спроведуваат во рок од 12 месеци почнувајќи од август 2024 година.
Истражувањата ќе се споведуваат на територија на општина Демир Капија.
Критериум за избор на најсоодветна понуда
По истекот на рокот за пријавување, ќе се креира Комисија од 3 члена која ќе изврши бодување на пристигнатите понуди.
Кандидатите за секоја тематска област ќе бидат оценувани според следните критериуми:
1.Портфолио на кандидатот (60 бодови) со вклучен преглед на претходни изработени студии/анализи во рамки на Студии за валоризација и/или Студија за оценка на влијанието врз животната средина;
2. Финансиска понуда(40 бодови)
Вкупно 100 бодови
Еко-свест ќе ги контактира избраните понудувачи, не подоцна од 7 дена од истекот на периодот за доставување на понуда.
Договор ќе биде склучен со кандидатите кои освоиле најголем број бодови во сооднос квалитет на понуда и цена.
Во продолжение деталниот опис на отворениот Повик:
По одржувањето на консултативната средба во Тетово на која се дискутираше за притисоците врз реките и речните екосистеми на територијата на НП Шар Планина, минатата недела, на 27.06.2024 година се одржа и првата консултативна средба за НП Маврово. Во таа прилика беше одржана и работилница предводена од експертски тим на која учествуваа претставници на НП Маврово, Општина Маврово и Ростуше, АД ЕСМ , Министерство за култура и туризам, „Селски Туризам“, Планинарски дом „Царевец“, Месна заедница „Жировница“, Јавно претпријатие за управување со пасишта, ОВР Гостивар, ПС-Стрезимир, ПО-Маврово и останатите чинители кои се присутни на територијата на НП Маврово.
Овие консулатативни средби се одржуваат со цел вклучување на сите чинители во процесот на изработката на „Анализа на влијанијата врз реките и речните живеалишта во националните паркови“ со која ќе се изврши идентификување, документирање и категоризирање на заканите врз реките и речните екосистеми и ќе се изготват предлог препораки и мерки за справување и надминување на предизвиците.
Анализата се изработува во рамки на проектот „Заштита на реките преку воспоставување на мониторинг и практики за обновување на речните живеалишта во заштитени подрачја“, кој е финансиран од ПОНТ, а го спроведува Центарот за истражување и информирање за животната средина Еко-свест, во соработка со НП Шар Планина и НП Маврово.
Центарот за истражување и информирање за животната средина „Еко-свест“ во рамки на проектот „Поддршка на одржливо управување со Споменикот на природа Вевчански Извори “ финансиран од Prespa Ohrid Nature Trust – PONT, објавува повик за изразување на интерес за развој и брендирање на шумски производи.
Повикот е отворен за физички и правни лица со адреса или седиште во Вевчани.
На лицата кои ќе изразат интерес Еко-свест им нуди брендирање на производот или производите.
Креирање на идентитет на производот, се однесува на уникатниот знак или обележје кој се користи за да се идентификува производот;
Визуелно присуство на производот, начинот на кој производот изгледа и се претставува пред потрошувачите. Ова вклучува аспекти како дизајнот, боите, формата, текстурата, логоата, и други визуелни елементи кои може да влијаат на внатрешната и надворешната привлечност на производот;
Маркетинг на производот, активности што ќе се користат за да се промовира производот на пазарот.
Услов за изразување на интерес на овој повик е лицето да биде со седиште/место на живеење во Вевчани.
Критериуми за избор:
Производот за кој се бара поддршка мора да биде производ од природата
Неговото собирање, обработка и пласирање мора да биде одржливо и еколошко, без употреба на пластика и нееколошки материјали и во согласност со принципите на заштита на животната средина
Производот треба да се смета за здрав и природен производ
Производот треба да потекнува од подрачјето на Вевчани, односно од заштитеното подрачје
Оценка на предложените производи:
За претставителност на подрачјето – 30 бодови
За еколошки природно потекло – 30 бодови
За мотивација на предлагачот и капацитет за изведба – 30 бодови
За уникатност – 10 бодови
Повикот е отворен до 08.07.2024 година.
Потребна документација за пријава:
писмо за интерес, во кое ќе се содржат основни информации за предлагачот, производот кој ќе биде предмет на подршката и изворот и потеклото на ресурси/плодови кои се потребни за изработка на продуктот, како и потребата од поддршка за која се изразува интерес, и
пополнета Потврда за посветеност и Декларација за судир на интереси за индивидуални/физички лица (Анекс 1) или Изјава од понудувач (Анекс 2) за правни лица.
Потребната документација се доставува во електронска форма на следниот е-маил [email protected] или можете да ја доставите во писмена форма во канцеларијата на Еко-свест во Вевчани.
Со сите предлагачи Еко-свест ќе организира посебни средби за презентирање на производот.
Пријавите за изразување интерес кои ќе пристигнат по наведениот рок или без целосна документација, нема да бидат разгледувани.
Повеќе информации можете да добиете на телефон 078 449 209, на е-маил [email protected] или во локалната канцеларија на Еко-свест во Вевчани, најдоцна до 05.07.2024 година. Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб-страницата на Еко-свест под објавата за повикот.
Секој кандидат кој има изразено интерес ќе биде поканет на консултативен состанок во неделата после 15.07.2024 година. На тој состанок кандидатите ќе имаат можност подетално да го презентираат производот и потребата од поддршка на производот.
Еко-свест ќе формира Комисија за селекција која ќе изврши избор на најдобриот кандидат.
Избраниот кандидат ќе биде известен не подоцна од 21.07.2024 година. Договор со избраниот кандидат ќе биде потпишан не подоцна од 31.07.2024 година.
Еко-свест ќе ги извести сите кандидати за изборот.
The Center for Environmental Research and Information “Eko-svest” within the framework of the project “Protection of rivers by establishing monitoring and practices for restoration of riverine habitats in protected areas” funded by Prespa Ohrid Nature Trust (PONT), announces a call for engagement of a consultant for the preparation of “Methodology and procedure for calculation and monitoring of environmental flow”.
PURPOSE OF ENGAGEMENT
The Consultant will be employed on a short‐term basis to primarily refine and present a draft procedure for the calculation and monitoring of environmental flow. The procedure should be broadly compliant with the overall objectives and criteria enshrined in the EU Water Framework Directive (WFD, EU 2000/60/EC) so as to harmonize with ongoing River Basin Management Plans (RBMPs) under development by the Ministry of Environment and physical Planning (MEPP). One of the foremost criteria in RBMPs is that ‘waterbodies’ should achieve ‘good ecological status (GES)’, and environmental flow is regarded as one of the principal elements of GES. The draft procedure is expected to be closely aligned with the draft ‘rule book methodology’ developed previously for the MEPP in 2018.
QUALIFICATIONS OF THE CANDIDATES
We require a qualified expert who meets the following criteria:
– Advanced education in the relevant field,
– A minimum of 10 years of professional experience in the specified area,
– Prior experience in developing methodologies for ecological flow, preferably in North Macedonia,
– Willingness to conduct fieldwork in North Macedonia during the period specified by Eko-svest.
TERMS OF THE CALL
Individual experts and legal entities/companies can apply to the call.
Qualified candidates should submit their application documents electronically via email to [email protected] , with the subject line “Application for an Expert for the Development of an Ecological Flow Methodology”.
APPLICATION PROCEDURE
The following documents are required for the application of an individual expert:
Proposal of activities, addressing the necessary project deliverables specified in this call (Annex 1)
Curriculum Vitae (CV)
Financial proposal with a detailed breakdown of costs
Signed declaration of nonexistence of conflict of interest (Annex 2)
The following documents are required for the application of legal entities/companies:
Proposal of activities, addressing the necessary project deliverables specified in this call (Annex 1)
Company portfolio with at least three previously completed projects in the relevant area
Curriculum vitae (CV) for each expert who will participate, including information on at least three previous projects related to this issue for each team member
Financial proposal with a detailed breakdown of costs
Signed declaration confirming eligibility to participate in procurement (Annex 3)
For any questions, please contact us at [email protected] by 01 July, 2024. Inquiries from interested bidders will be answered, forwarded to all invited bidders, and published on the Eko-svest website under the announcement of the call.
Submitted materials will be archived by Eko-svest. Offers received after the deadline or without complete documentation will not be considered.
DEADLINES AND TIMEFRAME
The call is open from June 24, 2024, to July 5, 2024.
Interested consultants and companies can send their offers no later than 05.07.2024 at 17:00.
Тhe entire consulting engagement will begin with the signing of the contract, and should be completed by November 29, 2024.
CRITERIA FOR SELECTING THE MOST SUITABLE OFFER
After the submission deadline, a committee of three members will evaluate the received offers. Candidates will be assessed based on the following criteria:
1. Candidate’s portfolio (40 points)
2. Proposal of activities, addressing the necessary project deliverables specified in this call (40 points)
3. Financial offer (20 points)
Total: 100 points.
Eko-svest will contact the selected bidders no later than seven days after the end of the bid submission period. A contract will be awarded to the candidate with the highest overall score, considering both the quality of the offer and the price.
Центарот за истражување и информирање за животната средина Еко-свест од Скопје, има потреба од ангажирање на компанија за набавка на два исти 3Д печатачи кои работат со FDM технологија и можеда печатат со ПЕТ пластика.
Основни информации
Центарот за истражување и информирање на животната средина Еко-свест преку локалната канцеларија во Вевчани во партнерство со Јавното претпријатие за комунални дејности и облагодарување на природните ресурси Еремја – Вевчани го спроведува проектот „Собери, рециклирај, креирај – Од рециклирана пластика до иновација“ со цел унапредување на управувањето со отпадот во општина Вевчани. Во овој проект се предвидува ангажман на компанија за набавка на два 3Д печатачи кои ќе бидат донирани на локалните основни училишта. Повеќе информации на www.ekosvest.com.mk
Цел на услугата
Главна цел на оваа задача е воведување на 3Д печатањето како начин на рециклирање и реупотреба на отпадот од пластика. Еко-свест, како дел од проектот ќе донира два 3Д печатачи во локалните основни училишта. Младите ќе имаат можност да се запознаат со иновативен третман на отпадот од пластика и да научат како да ракуваат со 3Д печатар.
Обем и детален опис на услугата
Избраниот понудувач ќе биде задолжен за:
1. Набавка на два исти 3Д печатачи;
3Д печатачите треба да работат на методот Fused Deposition Modelling (FDM);
3Д печатачите треба да имаат можност да печатат со ПЕТ пластика, односно на температура од 220-260⁰C
3Д печатачите да можат да се испорачаат од лагер или најмногу 10 дена од склучувањето на договорот.
2. Достава на 3Д печатачите до локалната канцеларија во Вевчани.
Временска рамка
Задачата за набавка на два 3Д печатачи ќе биде финализирана 10 дена од склучување на договорот, но не покасно од 08.07.2024 година.
Буџет
Вредноста на договорот не може да надмине 132.700 денари.
Потребна документација за аплицирање
Краток опис на компанијата (портфолио);
Тековна состојба не постара од 6 месеци;
Финансиска понуда (за две парчиња без ДДВ);
Техничка спецификација за уредот и информација за гарантни услови;
Пополнета и потпишана изјава дека понудувачот не запаѓа во ситуација која е основа за исклучување од учество во набавката (Анекс 1).
Компанијата која аплицира мора да ги исполнува следниве критериуми:
Активна компанија која е формирана со согласно Законите во Република С. Македонија, и постои најмалку 2 години.
Целокупната документација треба да биде доставена на македонски јазик во електронска форма.
Во понудата задолжително да се наведе:
Единечната цена за производот без ДДВ;
Временски рок за извршување на набавката;
Технички карактеристики на производот;
Начин на плаќање.
Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2023 (за правни лица); потврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси, изјава за неосудуваност од страна на избраниот кандидат (физичко лице) или изјава дека ги исполнува критериумите за учество (правно лице); биографии (CV) на консултантите; листа на референци/портфолио.
Евалуација на кандидатите
Кандидатите ќе бидат оценувани по следните критериуми:
Краток опис на компанијата (портфолио): 20 бодови;
Техничка спецификација и гаранција: 40 бодови;
Понудена цена за 3Д печатачите: 40 бодови.
Евалуационата комисија ќе ја извести само онаа компанија чија понуда ќе биде избрана.
Договор ќе биде склучен само со онаа компанија чија понуда ќе биде оценета како најповолна, однодно освоила најголем број бодови во сооднос квалитет на понуда и цена.
Услови за поднесување
Комплетната понуда апликантите треба да ја испратат на email: [email protected], со назнака „Понуда за набавка на 3Д печатачи“.
Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот.
Краен рок за достава на понуди е 26/06/2024 година.
Некомплетни понуди и понуди поднесени по крајниот рок нема да бидат земени предвид.
Надзор на проектот
Еко-свест ќе биде одговорен за надзорот на спроведувањето на активноста и почитување на договорите и договорните задачи.
Во рамки на едукативната програмата за деца на Еко свест на 11 и 12 јуни 2024 година беа одржани работилници во Национален парк Маврово и во Демир Капија.
Првата работилницата се одржа во основното училиште во Ростуше и беше фокусирана кон заштита на природата во Националниот парк Маврово со особен фокус кон реките од овој регион. Истата беше насочена кон зголемување на свесноста за тоа како човекот може да допринесе кон заштитата на овие заеднички добра кои имаат директно влијание врз здравјето и благосостојбата на целиот регион. Ставајќи ги учениците во улога на самураи заштитници, со четки во рацете наместо мечови, истражувајќи во областа на графиката преку насочена работа во група постигнаа извонредни резултати претставувајќи ја ноќта во националниот парк Маврово. Работилницата резултираше со ликовни графики -монотипии кои ќе се користат за изработка на џебна книга чија цел ќе биде понатамошно да делува во освестување на заштитата на заедничките добра од национално значење. Учејќи индиректно преку игра и визуелен приказ децата полесно стекнуваат увид и природно ја интегрираат улогата на свесни чинители во средината во која живеат. Организираната работилница е дел од проектот „Заштита на реките преку воспоставување на мониторинг и практики за обновување на речните живеалишта во заштитени подрачја“, поддржан и финансиран од Prespa Ohrid Nature Trust (PONT).
Во Демир Капија се одржа работилница која беше посветена на значењето на реките во овој регион за опстанокот на ендемските видови како египетскиот мршојадец и белоглавиот мршојадец. Преку игри, цртање и боење учениците од основното училиште во Демир Капија директно се запознаа со значењето на овие видови во поширок контекст. Визуелноста и едукацијата преку игра се најблиски до децата овозможувајќи им да интегрираат здрави навики кои во фокус го ставаат значењето на средината од која доаѓаат. Материјалите добиени од работилницата ќе бидат искористени за боенка која со понатамошна дистрибуција ќе продолжи да врши едукација и инспирација за деца. На почетокот на работилницата беше промовирана и џебна книга „Да ја заштитиме Демир Капија” која со своите бои и несекојдневен визуелен пристап предизвика особена радост и интерес. Оваа работилница е дел од регионалната иницијатива „Заедно за реките“ која е поддржана од The Nature Conservancy, а се спроведува во соработка со пет граѓански организации од регионот.
Децата учат преку игра. Ова е факт докажан со толку многу истражувачки трудови, а сепак често се игнорира при развивање образовни програми. Со фокусирање на фактите, резултатите од учењето и способностите, сакајќи децата да постигнат резултати што е можно поскоро, недоволно се посветуваат време и мисли за тоа „како“ да се стигне до таму. Токму таму лежи клучот на успехот. Улогата на возрасните е да ги искомбинираат знаењата и вештините што сакаме да ги стекнат во играта. Овој „магичен трик“ функционира со секој предмет, дури и секоја возраст и е вистинското решение за еколошко образование. Ако, згора на тоа, имате природна околина која може да се искористи како училница на отворено, магијата е целосна. Имате можност секој двор, градски парк, рид, поток или дел од шума да го претворите во највозбудливото место за играње и учење. Децата учат преку игра. Па, нека си играат.
Еко-свест со цел поврзување на децата со природата уште од најмала возраст, а особено низ игри и учење на отворено, изработи три нови Едукативни прирачници посветени на Споменикот на Природа Вевчански Извори.
1. Споменик на Природа Вевчански Извори – Експериментално поле за млади научници Практичен водич за наставници од повисоки одделенија за спроведување активности во природа
Eдукативните прирачници опфаќаат три возрасни групи, од претшколска возраст, пониските како и повисоките одделенија во основно училиште.
Овие прирачници може да се применуваат на различни начини:
-Во училница: Како дел од редовната настава, за да се воведат теми поврзани со природата и екологијата.
-Надвор од училница: За организирање на екскурзии, настава во природа или научни денови во природа, кадешто учениците ќе можат практично да го применуваат наученото.
-Во еко-секции: Како водич за активности кои ги поттикнуваат учениците да размислуваат и дејствуваат еколошки свесно.
-Дома: Родителите можат да ги користат прирачниците за забавни и едукативни активности со своите деца.
Прирачниците одработуваат различни теми поврзани со природата и екологијата, вклучувајќи:
-Разновидност на флората и фауната: Запознавање со локалните видови на растенија и животни.
-Заштита на природата: Важноста на одржувањето и заштитата на природните ресурси.
-Набљудување и истражување: Техники за набљудување и документирање на природните појави и елементи.
-Научни експерименти: Спроведување на едноставни експерименти за полесно разбирање на природните појави и процеси.
Секој од прирачниците е прилагоден за возраста на децата за кои е наменет, со активности кои се забавни и интерактивни.
Прирачниците се изработени од Еко-свест како дел од проектот Поддршка на одржливо управување со Споменикот на природа Вевчански Извори, спроведуван од преку локалната канцеларија на Еко-свест во Вевчани, а финансиран од Prespa Ohrid Nature Trust – PONТ.
Вчера во Тетово се одржа првата Консултативна средба во рамки на проектот „Заштита на реките преку воспоставување на мониторинг и практики за обновување на речните живеалишта во заштитени подрачја“, кој е финансиран од ПОНТ, а го спроведува Центарот за истражување и информирање за животната средина Еко-свест, во соработка со НП Шар Планина и НП Маврово.
Во рамките на проектот започна изработката на „Анализа на влијанијата врз реките и речните живеалишта во националните паркови“ со која ќе се изврши идентификување, документирање и категоризирање на заканите врз реките и речните екосистеми и ќе се изготват предлог препораки и мерки за справување и надминување на предизвиците.
Со цел идентификување на предизвиците и притисоците врз реките и речните екосистеми на територијата на НП Шар Планина, на консултативната средба беше одржана работилница предводена од експертски тим на која учествуваа претставници на НП Шар Планина, Државниот инспекторат за животна средина, АД ЕСМ, производителите на електрична енергија од мали хидроцентрали, јавните претпријатија за водоснабдување, локалните самоуправи, локалните заедници, планинарските друштва и останатите чинители кои се присутни на територијата на НП Шар Планина.
Следната консултативна средба ќе се одржи на крајот на јуни во НП Маврово.
Најнови коментари