by Ana Colovic | Apr 25, 2024 | Енергија, Објави, Соопштенија
Европската банка за обнова и развој (ЕБОР) вчера одобри заем од 98,6 милиони евра за гасовод што ќе и овозможи на Северна Македонија да ја зголеми потрошувачката на гас за три до шест пати во споредба со 2021 година, годината со најголема потрошувачка досега. (1)
Проектот за интерконектор за гас Грција – Северна Македонија исто така е предмет на формални жалби до механизмот за одговорност на ЕБОР и Секретаријатот на Енергетската заедница во Виена, бидејќи беше прекршено законското барање за одржување јавни консултации на национално ниво пред да се издаде еколошка дозвола. (2)
Згора на тоа, ниту властите во Северна Македонија, ниту ЕБОР не го оценија најзначајното влијание на гасоводот – емисиите на стакленички гасови од согорувањето на транспортираниот гас – ниту открија зошто е потребен толку многу гас или за што ќе се користи.
Ана Чоловиќ Лешоска, Еко-свест – „ЕБОР тврди дека овој гасовод ќе ѝ помогне на Северна Македонија да се оддалечи од јагленот, но предоцна е да се замени едно фосилно гориво со друго. Нов гас не е потребен за електроенергетскиот сектор, како што покажува енергетската стратегија на земјата. На соодветно поставените соларни, ветерни, геотермални централи и топлински пумпи мора да им се даде приоритет сега, а не за 20 години“.
Пипа Галоп, CEE Bankwatch Network – „Со климатскиот хаос кој излегува од контрола, непристојно е што ЕБОР сè уште поддржува фосилни горива со јавни пари. Овој гасовод или ќе доведе до големо зголемување на потрошувачката на гас или ќе стане скапо некористено средство. Денешната одлука е револтирачка, но не е крајот на приказната. Ќе продолжиме да работиме за да го запреме проектот и да се насочиме кон иднината на чиста енергија“.
Контакти
Пипа Галоп,
Координатор за енергетска политика во Југоисточна Европа, CEE Bankwatch Network
[email protected]
+385 99 755 9787
Ана Чоловиќ Лешоска,
Извршен директор Центар за истражување и информирање за животната средина Еко-свест
[email protected]
+38972726104
Белешки за уредниците:
- Резиме на проектот на ЕБОР: https://ebrd.com/work-with-us/projects/psd/51747.html
Повеќе информации за проектот се достапни овде.
2. За повеќе информации за поплаките погледнете овде и овде.
by Eleonora | Apr 25, 2024 | Повици
25.04.2024
Основни информации
Центарот за истражување и информирање за животната средина „Еко-свест“ во рамки на програмата за заштита на води, реализирана преку проектите „Заштита на реките преку воспоставување на мониторинг и практики за обновување на речните живеалишта во заштитени подрачја“, „Заедно за реките“, како и „Имплементирање на планот за управување на НП Маврово“ има потреба од индивидуални лица/организации за организирање на работилници со деца и средношколци во локалните заедници.
Проектот „Заштита на реките преку воспоставување на мониторинг и практики за обновување на речните живеалишта во заштитени подрачја“, спроведуван од Еко-свест во соработка со локални граѓански организации, а поддржан од Prespa Ohrid Nature Trust (PONT) има за цел да ги идентификува и документира заканите за реките во две заштитени подрачја во Северна Македонија, да развие практики за мониторинг на реките и да спроведе мерки за заштита.
Проектот „Заедно за реките“, кој е поддржан од The Nature Conservacy, има цел прогласување на заштитено подрачје во Демир Капија и обезбедување на активна заштита на дел од долното течение на реката Вардар и нејзините чисти и недопрени притоки.
Проектот „Имплементирање на планот за управување со НП Маврово“ Поддржан од Фондацијата Еуронатур има цел да обезбеди поддршка на процесот на имплементирање на планот за управување преку активности за вклучување на локалните заедници во Маврово.
Проектните активности ќе опфатат едукација на деца и средношколци за природните вредности на средината во која живеат преку повеќе активности: уметничка работилница, изложба, изработка на боенка, изработка на мурали, скулптури или други интервенции во јавни простории наменети за комуницирање на соодветни пораки со локалната заедница.
Цел и задачи на активностите
Целта на овие активности и работилници со деца и средношколци е да се едуцираат за природните вредности на средината во која што живеат и преку нив да се пренесат пораки до локалната заедница. Исто така преку нив ќе се подигне свеста на младите и поттикнување на нивното учество во напорите за зачувување на природните вредности.
Работни задачи на избраниот кандидат:
1.Работилница со деца во локалните заедници
- Да припреми методологија за одржување на работилница со децата од основно образование во локалните заедници каде Еко-свест ги спроведува своите активности, при што преку употреба на уметнички практики ќе се едуцираат децата за природните вредности на средината во која живеат и ќе се пренесат пораки до локалната заедница.
- Да припреми и обезбеди неопходни материјали за спроведување на работилницата.
- Да ја организира и одржи работилницата со деца на која преку истражување на флората и фауната низ фантазморганичен пристап и техника на уметнички колаж, цртеж, сито печат и други графички техники до децата ќе се доближат природните вредности на нивната средина.
- Да организира изложба во локалната заедница која ќе вклучува цртежи, колажи, инсталации и други изразни форми произлезени од работилницата, преку која децата ќе испратат пораки до својата локална заедница.
- Да дизајнира и продуцира боенка, сликовница или друг вид ликовен производ, базиран на материјалите создадени на работилницата, а кој ќе служи како едукативен материјал за децата од локалните заедници и ќе биде дистрибуирана во основните училишта и другите едукативни центри.
- Да обезбеди фото/видео документација на настаните и активностите и да припреми материјали за комуницирање преку социјалните медиуми на Еко-свест во соработка и одобрување од Еко-свест.
2.Работилница со средношколци и млади во локалните заедници
- Да припреми методологија за одржување на работилница со средношколци и млади во локалните заедници каде Еко-свест ги спроведува своите активности, наменета за подигање на свеста на младите и поттикнување на младинското учество во напорите за зачувување на природните вредности на средината во која живеат.
- Да организира работилница за средношколци и млади во локалните заедници, при што преку употреба на уметнички практики ќе се поттикне младинскиот активизам.
- Да ангажира професионални муралисти и млади уметници кои на работилницата ќе работат со младите од локаланата заедница во развивање и реализирање на идеи за мурал, скулптура и други инсталации во јавен простор.
- Да припреми и обезбеди неопходни материјали за продукција и реализација на дизајнираните интервенции во јавен простор.
- Да дизајнира и продуцира изработка на мурали, скулптури и/или други интервенции во јавни простори наменети за комуницирање на соодветни пораки со локалната заедница.
- Да обезбеди фото/видео документација на настаните и активностите и да припреми материјали за комуницирање преку социјалните медиуми на Еко-свест во соработка и одобрување од Еко-свест.
Временска рамка за доставување на понуда
Периодот за доставување на Понуда е до 08.05.2024 година.
Временска рамка за спроведување на активноста
Периодот за спроведување на оваа активност ќе биде во тековната 2024 и 2025 година.
Локации на спроведување на работилниците
Демир Капија, Маврово и Шар Планина
Потребна документација за пријавување
Заинтересираните понудувачи треба да достават засебни понуди за секоја работилница по ставки.
- За индивидуални лица:
Технички дел:
- Предлог методологија за спроведување на работилницата (да се нагласи за која работилница се работи)
- Портфолио (биографија)
- Доказ за претходно исто/слично искуство, заедно со референци од истото.
- Потпишана декларација (види Анекс 1)
Финансиски дел:
- Детална финансиска понуда по работилница по ставки (да се нагласи за која работилница се работи и да се прикаже детален преглед на трошоците)
Забелешка: Заинтересираните треба да достават понуди во македонски денари, со посебно назначен ДДВ и вкупен износ на понудата. Предложениот буџет треба да биде разложен по клучни ставки од реализацијата. Нема наложен формат за поднесување на буџет и истиот треба да биде предложен од заинтересираните кандидати.
Во предложениот буџет треба да бидат вклучени сите трошоци потребни за целосна реализација, промоција и изведба на активностите, со сите потребни трошоци за сите учесници, без дополнителни трошоци за Еко-свест.
- За организации/правни лица*:
Технички дел:
- Предлог методологија за спроведување на работилницата (да се нагласи за која работилница се работи)
- Портфолио на вработените во организацијата
- Потпишана изјава (види Анекс 2)
- Доказ за претходно исто/слично искуство, заедно со референци од истото.
- Тековна состојба не постара од 6 месеци
Финаниски дел:
- Детална финансиска понуда по работилница по ставки (да се нагласи за која работилница се работи и да се прикаже детален преглед на трошоците)
Забелешка: Заинтересираните треба да достават понуди во македонски денари, со посебно назначен ДДВ и вкупен износ на понудата. Предложениот буџет треба да биде разложен по клучни ставки од реализацијата. Нема наложен формат за поднесување на буџет и истиот треба да биде предложен од заинтересираните кандидати.
Во предложениот буџет треба да бидат вклучени сите трошоци потребни за целосна реализација, промоција и изведба на активностите, со сите потребни трошоци за сите учесници, без дополнителни трошоци за Еко-свест.
*Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2023 (за правни лица); pотврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; декларации за доверливост и непостоење на конфликт на интереси за сите физички лица кои би биле ангажирани од страна на организацијата; биографии (CV) на консултантите/физичките лица кои би биле ангажќирани; листа на референци/портфолио за истите.
Целокупната документација треба да биде доставена на македонски јазик во електронска форма.
Критериум за избор на најсоодветна понуда
По истекот на овие 10 дена Еко-свест ќе оформи комисија која ќе биде задолжена за избор на најдобра понуда. Еко-свест ќе го контактира избраниот понудувач, не подоцна од 7 дена од истекот на периодот за доставување на понуди.
Пристигнатите понуди ќе се бодуваат согласно следните критериуми и бодови:
- Концепт на понудата и искуство на понудувачот (60 бодови)
- Финансика понуда (40 бодови)
Вкупно 100 бодови
Во текот на реализацијата на активностите, Еко-свест го задржува правото да ги комбинира различните понудени ставки за соодветно спроведување на активностите согласно достапните буџети.
Критериуми за понудувачите
Активна организација која е формирана согласно Законите во Република Северна Македонија, и постои најмалку 5 години и најмалку 5 години работно искуство за индивидуални лица.
На повикот може да се пријават правни и физички лица кои ги исполнуваат наведените правни и технички услови. Договор ќе биде склучен со онаа организација//индивидуално лице кое освоило најголем број на бодови во однос на наведените критериуми. Комисијата за евалуација на понудите го задржува правото да го информира само понудувачот чија понуда била избрана како најсоодветна за овој повик.
Пријавување
Комплетната понуда кандидатите треба да ја испратат на email: [email protected] најдоцна до 08.05.2024 година до 16:00 часот, со назнака Доставување понуда за едукативни активности и работилници.
За сите прашања, контактирајте нѐ на [email protected] најдоцна до 01.05.2024 година. Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот најдоцна до 07.05.2024.
Доставените материјали остануваат во архивата на Еко-свест.
Пoнудите кои ќе пристигнат по наведениот рок или без целосна документација, нема да бидат разгледувани.
Во продолжение деталниот опис на отворениот Повик:
by Naum Ilieski | Apr 18, 2024 | Повици
Центарот за истражување и информирање за животната средина „Еко-свест“ во рамки на проектот „Поддршка на одржливо управување со Споменикот на природа Вевчански Извори “ финансиран од Prespa Ohrid Nature Trust – PONT, објавува повик за ангажирање на експерт/и за подготовка на истражување за состојбата на питомиот костен во Споменикот на природа Вевчански Извори.
Цел на истражувањето
Со истражувањето треба да се обезбеди преглед на постоечката состојба на костеновата популација во заштитеното подрачје Споменик на природа Вевчански Извори, преку анализа на теренски и лабораториски резултати.
Покрај документирање на постоечката состојба, врз база на идентификуваните закани и ризици, истражувањето треба да содржи препораки и мерки за надминување на состојбите кои би користеле во идното успешно управување со популацијата на питом костен во заштитеното подрачје, во насока на негова трајна заштита.
Квалификации на кандидатите
Сите експерти (поединечни или како дел од експертските тимови) треба да ги исполнуваат следниве квалификации:
- Научно искуство од најмалку 10 години во областа која е предмет на овој повик,
- Биографија/Портфолио со најмалку 3 (претходно) изработени анализи и/или трудови/активности во бараната област,
- Развиени истражувачки способности.
- Солидни капацитети за писмено елаборирање на наодите и формулирање препораки насочени кон Управителот со заштитеното подрачје.
- Способност да изготви видео материјал за промоција на наодите од истражувањето
Услови на повикот
На повикот може да аплицираат поединечни експерти и/или тимови на експерти. Заинтересираните кандидати или тимови, кои ги исполнуваат условите, документите треба да ги достават во електронска верзија на е-пошта до [email protected] со назнака „Пријава за изработка на истражување за состојбата на питом костен во СП Вевчански Извори“.
Начин на пријавување
Заинтересираните кандидати кои ги исполнуваат условите треба да достават:
- Понуда за изработка на истражување
- Биографија (CV) со информација за најмалку 3 претходни изработени извештаи или трудови од оваа проблематика за секој кандидат кој ќе учествува во изработка на истражувањето, односно секој член на тимот, да има проектно искуство
- Финансиска понуда со преглед на трошоци по ставки
За сите прашања, контактирајте не на [email protected], најдоцна до 23.04.2024 година. Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб-страницата на Еко-свест под објавата за повикот.
Доставените материјали остануваат во архивата на Еко-свест.
Пoнудите кои ќе пристигнат по наведениот рок или без целосна документација, нема да бидат разгледувани.
Рокови и временска рамка
Повикот е отворен до 25.04.2024 година.
Периодот за изработка на извештајот е 6 месеци од склучување на договорот.
Критериум за избор на најсоодветна понуда
По истекот на рокот за пријавување, ќе се креира Комисија од 3 члена, која ќе изврши бодување на пристигнатите понуди.
Кандидатите за секоја тематска област ќе бидат оценувани според следните критериуми:
1. Портфолио на кандидатот (60 бодови);
2. Финансиска понуда (40 бодови).
Вкупно 100 бодови.
Еко-свест ќе ги контактира избраните понудувачи, не подоцна од 7 дена од истекот на периодот за доставување на понуда
Договор ќе биде склучен со кандидатите кои освоиле најголем број бодови во сооднос квалитет на понуда и цена.
Анекс 1: Детален опис на работната задача
Опис на услугата
Со Истражување на здравствената состојба на питомиот костен треба да се обезбеди преглед на постоечките состојби и да се идентификуваат, документираат заканите врз популацијата на питомиот костен на територијата на заштитеното подрачје Споменик на природа Вевчански Извори.
Покрај документирање на постоечката состојба, врз база на идентификуваните закани и ризици, истражувањето треба да содржи препораки и мерки за надминување на состојбите кои би користеле во идното успешно управување со популацијата на питом костен во заштитеното подрачје.
Основни информации
Центарот за истражување и информирање за животна средина ,,Еко-свест’’ од Скопје преку локалната канцеларија Вевчани во рамки на проектот „Поддршка на одржливо управување со Заштитеното подрачје Вевчански извори” поддржан од ПОНТ (Prespa Ohrid Nature Trust) има потреба од ангажирање на консултанти за изработка на истражување на состојбата на питом костен во Споменикот на природа Вевчански Извори.
Еко-свест во 2022 година во Вевчани отвори своја локална канцеларија и започна со спроведување на проектот „Поддршка на одржливо управување со Заштитеното подрачје Вевчански извори” и ја продолжи успешната соработка со Prespa Ohrid Nature Trust – PONT.
Целта на работата на проектот е да се постигне долгорочна заштита на Споменикот на природата „Вевчански Извори“ и просперитет на локалната заедница преку практики за одржливо управување.
Обем и детален опис на услугата
За целите на истражувањето, експертот/експертскиот тим е должен:
-Да следи насоки од Еко-свест за спроведување на истражувањето и формулирање на препораките
– Да спроведе истражување и изврши анализа на теренски и на податоци од лабораториски истражувања,
– Да формулира пепораки за заштита на питомиот костен
– Да ги користи расположливите информации и постоечки документи кои се
јавно достапни.
Експертот/експертите треба да ги спроведат следните работни задачи:
- Да направат анализа на базата на податоци на апликацијата INaturalist
- Да направат Препознавање, оценка и детален опис на моменталната здравствена сосотојба на питом костеновите стебла во Споменикот на природа Вевчански Извори;
- Да извршат Прибирање примероци кора од активни (и евентуални пасивни) рак-рани заради изолација на габата и за натамошни лабораториски истражувања;
- Да одредат в-к тип на добиените изолати in vitro;
- Да одредат присуство, и степен на присуство на хиповирулентни изолати.
- Да изготват интерактивна карта (мапа) со локација на одделни стебла, и претставување на важни податоци за секое стебло (опис, димензии, мерки и други забелешки), заради идни апликативни и научно-истражувачки активности;
- Да изработат Извештај за анализата во кој ќе се претстават резултатите и согледувањата од преземените теренски и лабораториски истражувања, и насоки за подобрување на здравствената состојба на костените со препораки кон Управителот на подрачјето.
- Да изработат информативно-едукативна брошура во дигитална форма, за потребите на Еко-свест, како и на кратко промотивно видео со основните наоди од истражувањето како и за значењето на питомиот костен за локалното население (еколошки и економски аспекти).
Временска рамка
Периодот на имплементација е помеѓу: 01.05.2024 година – 01.11.2024 година
Буџет
Вкупната вредност на оваа услуга не смее да надмине 3000 евра во денарска противвредност со вклучени даноци.
Надзор на проектот
Еко-свест ќе биде одговорен за надзорот на спроведувањето на услугата и почитување на договорите и договорните задачи.
Контакт лице, Наум Илиески – [email protected]
Контакт лице
За повеќе информации ве молиме контактирајте со Наум Илиески на[email protected] и на тел. броеви +38970225604 или +38971381551.
https://ekosvest.com.mk/wp-content/uploads/2024/04/Повик-за-изработка-на-истражување-за-питом-костен-во-С.П-В.И-Еко-свест-1.pdf: Oтворен повик за консултанти за изработка на истражување на состојбата на питомиот костен во Споменикот на природа – Вевчански Извори
by Elena Nikolovska | Apr 16, 2024 | Објави, Повици
Во рамки на своите проекти во доменот на климатските промени, Еко-свест објавува повик за изработка на пет кратки видеа за информирање и подигнување на свеста кај граѓаните.
ЦЕЛ НА АКТИВНОСТА
Цел на оваа активност е информирање и едукација на граѓаните во земјава за следните теми:
• Климатски промени
• Климатска акција и објаснување на националните климатски цели
• Влијание на секојдневните активности врз климата
Во рамки на кампањата ќе се користат студии, анализи и информации произведени од страна на Еко-свест на соодветната тема.
ЗАДАЧИ
Избраниот понудувач треба:
• Да соработува и да ги следи насоките за изработка на видеата од лицето назначено за комуникација од Еко-свест. Ресурсите и материјалите за изработка на видеата ќе бидат презентирани на избраниот понудувач по потпишување на договорот за соработка;
• Да предложи креативни сценарија кои ќе ги претстават зацртаните климатски цели во координација со тимот на Еко-свест;
• Да ги модифицира сценаријата согласно насоките и коментарите од Еко-свест
• Да подготви и достави нацрт видео содржина за 5 видеа за одобрување од страна на Еко-свест;
• Да ги интегрира насоките и забелешките од Еко-свест во крајната верзија на видеата;
• Да изработат промотивна содржина за видеата
• Да ги предаде кратките видеа во соодветен формат и титлувани на македонски јазик (висока дефиниција 1080 HD и верзија за споделување на социјални медиуми) заедно со транскрипт во договорениот рок.
ПРИЈАВУВАЊЕ
Комплетната понуда, апликантите треба да ја испратат на еmail: [email protected] најдоцна до 26 април 2024 г., 16:00 часот, со назнака Апликација за изработка на видео содржина.
Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот.
Некомплетни понуди или понуди испратени по предвидениот рок нема да бидат земени во предвид.
Еко-свест ќе го извести само понудувачот чија понуда е избрана и со него ќе склучи договор.
Целосниот повик и потребна документација може да го превземете на следниот линк.
by Darko Kitanoski | Apr 12, 2024 | Повици
Центарот за истражување и информирање за животна средина ,,Еко-свест’’ од Скопје преку локалната канцеларија Вевчани во рамки на проектот „Поддршка на одржливо управување со Заштитеното подрачје Вевчански извори” поддржан од ПОНТ (Prespa Ohrid Nature Trust) има потреба од ангажирање на правно лице за подготовка и печатење на едукативни публикации.
ЦЕЛ НА АКТИВНОСТА
Ангажираната компанија ќе биде одговорна за подготовка и печатење на три едукативни публикации.
ЗАДАЧИ
Избраната компанија треба да ги подготви и испечати следниве публикации:
- Споменик на природата Вевчански Извори – природата во очите на децата (33 страници вклучувајќи ги и работните листови + корица);
- Споменик на природата Вевчански Извори – игралиште за млади истражувачи (56 страници вклучувајќи ги и работните листови + корица);
- Споменик на природата Вевчански Извори – експериментално поле за млади научници (63 страници вклучувајќи ги и работните листови + корица).
На избраниот понудувач материјалите ќе му бидат доставени во pdf документи на македонски јазик.
Публикациите треба да бидат испечатени во А4 формат. Материјалите од кои треба да се испечатат публикациите треба да бидат од еколошка хартија (FSC), принтот да биде во фул колор, без користење на хемикалии и пластика. Исто така публикациите треба да бидат поиздржливи и прилагодени за користење во надворешни услови, затоа што најчесто ќе бидат користени во природа.
ВРЕМЕНСКА РАМКА И ВРЕДНОСТ НА ДОГОВОРОТ
Крајниот рок за реализација на оваа услуга е една недела од потпишувањето на договорот.
Вкупната вредност на оваа услуга не смее да надимне 2500 евра. Проектот е ослободен од ДДВ.
ПОТРЕБНА ДОКУМЕНТАЦИЈА ЗА АПЛИЦИРАЊЕ
- Краток опис на компанијата (портфолио);
- Најмалку три референтни проекти слични на бараната услуга;
- Тековна состојба од Централен регистар на Република Северна Македонија не постара од 6 месеци;
- Биографија од најмалку едно лице со искуство во дизајнирање кое би било ангажирано за активноста;
- Финансиска понуда – износ без ДДВ (анекс 1);
- Пополнета изјава (анекс 2).
Компанијата мора да ги исполнува следниве критериуми:
- Активна компанија која е формирана согласно Законите во Република С. Македонија, и постои најмалку 3 години.
Во понудата задолжително треба да се наведе единечната цена, како и предложениот тираж за секоја публикација. Сите цени треба да се достават без вклучен ДДВ, заедно со временскиот рок за извршување на услугата.
Понудите треба да се достават по електронски пат на македонски јазик.
Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2023 (за правни лица); pотврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси од страна на избраниот кандидат (физичко лице) или изјава дека ги исплонува критериуме за учество (правно лице); биографии (CV) на консултантите; листа на референци/портфолио.
ПРИЈАВУВАЊЕ
Понуди треба да бидат доставени најдоцна до 19.04.2024 година, до 16:00 часот, на е-маил [email protected] со назнака Апликација за печатење на публикации.
Повеќе информации можете да добиете на телефон +38978449209 или на е-маил [email protected] Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот.
Нецелосните понуди, односно понудите испратени после предвидениот рок за аплицирање, нема да бидат земени во предвид.
ЕВАУЛАЦИЈА НА КАНДИДАТИТЕ
Евалуационата комисија ќе ги извести само оние кандидати чија понуда ќе биде избрана. Канидатите ќе бидат оценувани по следните критериуми:
- Портфолио и референтни проекти – 40 бодови
- Понудена цена – 60 бодови
Вкупно 100 бодови
Договор ќе биде склучен со оној кандидат кој освоил најголем број бодови.
Најнови коментари