Опис: Уредувањето на просторот има големо општествено и социјално значење. Тоа ја обликува средината во која човекот опстојува и притоа влијае на системот за транспорт, инфраструктурата, развојот на сопственоста, густината на население, јавните сервиси, управувањето со отпадот. Оттука урбанизмот го определува квалитетот на животот преку обликување на природата.

Општественото значење на урбанизмот се отсликува и во Уставот на Македонија во кој е утврдено дека секој има право на здрава животна средина, при што на државата е обврската да ги обезбеди условите за остварување на ова право. Истовремено секој граѓанин има истовремено право, но и должност да го чува и унапредува сопственото и здравјето на другите. Истовремено Законот за урбанистичко планирање, како основен закон за областа, почива на принципите на одржливост, рационално искористување и инклузивност и справување со климатските промени.

Овој документ го анализира спроведувањето на урбанизмот и урбаното зеленило во Македонија во практика и нивното влијание врз квалитетот на живот.

Опис: За потребите на граѓанските организации во Македонија во рамки на проектот „Граѓанските организации во акција за климатските промени“ поддржан од Владата на Шведска, а спроведуван од Центарот за истражување и информирање за животната средина Еко-свест Скопјe, МЗМП и ЦНВП Македонија, МЗМП изработи видео туторијали наменети за еколошките граѓански организации кои обработуваат различни прашања кои се важни за работата на граѓанските организации.

Видеата се објавени на следниот линк: https://www.youtube.com/@ekosvest980

Целта на видеата е да се зголемат знаењата на граѓанските организации за начинот на кој може да се вклучат во донесувањето на одлуки поврзани со животната средина. Во овој документ е даден преглед на најважните одредби од релевантните закони кои го регулираат секое од прашањата опфатени со видеата.

Опис: Документот има цел да ги постигне следните истражувачки цели:
• Да се идентификуваат најважните стратешки документи (стратегии и планови) за долгорочно управување со животната средина и климатските промени;
• Да се идентификува степенот на спроведување на законодавството за долгорочно управување со животната средина од формален и суштински аспект;
•Да се идентификуваат недостатоците во спроведување на законодавството.

Методолошкиот пристап при изработката на документот вклучува примена на следните истражувачки методи:
• Канцелариско истражување – консултирање на националното релевантно право поврзано со воспоставување долгорочно управување со животната средина и климатските промени;
• Барања за слободен пристап до информации од јавен карактер – користење на алатката за слободен пристап до информации од јавен карактер со цел да се приберат релевантни информации.

Документот го опфаќа периодот од 2016 година заклучно со март 2023 година.

Upravuvanje-so-zivotna-sredina-na-centralno-nivo-alb-1.pdf