Опис: Многу е важно да се напомене дека овој Прирачник за мониторинг на видови флора и фауна и на типови живеалишта претставува прв обид за систематизирање на едно место на процедурите и методите за следење (мониторинг) на конзервацискиот статус, состојбите и промените при надворешно влијание, на живеалиштата и видовите во заштитеното подрачје. Насоките за следење во прирачникот се изработени врз основа на достапната домашна и странска литература, од повеќе научни трудови, како и врз основа на досегашното практично и теренско
искуство на ангажираните автори. 

Опис: Енергијата не може ниту да се создаде ниту да се уништи. Таа само преминува од една форма во друга и овој процес се случува постојано. Односно, храната што ја јадеме содржи хемиска енергија која организмот ја складира сè додека не се јави потреба да започнеме со некое дејство или работа. Тогаш истата преку процесите на согорување ќе се ослободи и може да претвори во топлинска или друг вид енергија која понатаму можеме да ја искористиме за различна намена. Сите форми на енергија се зачувуваат на различни начини и ни претставуваат извори на енергија кои ние секојдневно ги користиме. Овие извори се поделени во две групи – обновливи извори (извори на енергија кои може да се користат одново и одново) и необновливи (извори на енергија кои се искористуваат и не може да се обноват во краток временски период).

Опис: Способноста да се случат работите е тоа што можеме да го наречеме енергија. Енергијата овозможува да се движат автомобилите по патиштата, но исто така и авионите да летаат. Таа ни помага да ја слушаме омилената музика на радио, ги загрева нашите соби и ги осветлува нашите домови. Енергија им е потребна на нашите тела и ни овозможува да растеме и да се движиме. Речиси сè што поседуваме и користиме работи на енергија. Енергијата има повеќе различни форми, се содржи во различни предмети и истата може да се измери.

Опис: Во еден екосистем, секој организам е особено важен и игра посебна улога. Вообичаено, живите членови на даден екосистем, заедно со постоечките неживи фактори (вода, светлина, температура, влажност, атмосфера, и почва) меѓусебно зависат едни од други. Ова значи дека отсуството на еден член или еден од надворешните фактори, дури и ако нам ни изгледа мал и неважен, може да влијае на сите членови на екосистемот.

Опис: Екосистем е систем кој ги вклучува сите живи суштества (растенија, животни и микроорганизми) кои живеат во дадена област, нивните мег усебни врски, како и врските со неживата природа (временските услови, земјата, сонцето, почвата, климата, атмосферата). Сè во природата, вклучувајќи го и човекот, е во меѓусебна зависност и
поврзаност. Рамнотежата единствено ја нарушува човекот со своето делување и прекумерно користење на сето она што Земјата ни го пружа, и покрај тоа што со таквото однесување си ја нарушува и сопствената благосостојба. Истовремено, човекот со својата свесност и промена на однесувањето е тој што има моќ да придонесе за враќање на рамнотежата во природата кон изворната совршена целина.