Центарот за истражување и информирање за животната средина „Еко-свест“ од Скопје во рамки на проект за промоција на статусот на потрошувачи-производители на енергетскиот пазар во Македонија објавува повик за развој и дизајн на веб-портал со намена да се обезбедат сеопфатни информации до граѓаните за статусот на потрошувач-производител во Македонија.
ЦЕЛ НА АКТИВНОСТА
Целта е да се обезбеди централизирана платформа која нуди сеопфатни и достапни информации за сегашните и идните соларни просумери (потрошувачи-производители) во Република Македонија. Ова вклучува прилагодување на постоечки содржини за предусловите за инсталирање на системи за соларна енергија (фотонапонска електрана – ФНЕ), спецификациите за потребната опрема, методологиите за одредување на оптималната големина на системот, упатствата за проценка на трошоците, барања, документација и процедурите за поврзување на мрежата. Порталот ќе содржи и детални информации за македонското законодавство релевантно за просумерите.
Со создавање на кориснички и информативен ресурс, целта е да се одговори на зголемениот интерес и побарувачка кај македонските граѓани за веродостојни информации за опциите за обновливи извори на енергија – соларната енергија, а со тоа да се поддржи информираното донесување одлуки и да се залага за законодавни реформи кои промовираат интеграција на обновливите извори на енергија и на индивидуално и на ниво на заедница.
ЗАДАЧИ
Избраниот понудувач треба:
Да развие WordPress платформа за веб-порталот за просумери;
Да развие визуелно привлечен интефејс со прилагодени графики, икони и илустрации кој ќе одговара на современите дизајнерски текови;
Овозможи лесно лесно управување со содржина и интеграција на текст, слики, видеа и документи;
Да развие модули за динамичко ажурирање на содржината и известувања;
Да подготви и достави техничка документација за креираниот веб-портал и да даде насоки за понатамошно самостојно ажурирање на содржините на веб-порталот од страна на Еко-свест.
Да соработува со тимот на Еко-свест во Скопје кој ќе ги обезбеди содржините за порталот.
ВРЕМЕНСКА РАМКА И ВРЕДНОСТ НА ДОГОВОРОТ
Времето на изработка на веб-порталот е не повеќе од 2 месеци од потпишување на договорот, со краен рок на реазлизација не подоцна од 30 ноември 2024 година.
Вредноста на договорот не може да надмине 2000 евра во денарска противредност (бруто износ со вклучен ДДВ или со вклучен персонален данок доколку понудувачот е индивидуално лице).
ПОТРЕБНА ДОКУМЕНТАЦИЈА ЗА ПРИЈАВУВАЊЕ
При пријавувањето, заинтересираните понудувачи треба да достават:
За физички лица/консултанти е потребно:
Кратка биографија (со соодветни квалификации и видливо искуство во креирање на веб-портали);
Портфолио со изработени веб-продукти;
Финансиска понуда и временска рамка за реализација;
Пополнета потврда за посветеност и Декларација за непостоење судир на интереси за индивидуални и физички лица (Анекс 1)
За правни лица е потребно:
Професионално портфолио со соодветни референци и изработено проекти.
Биографии на персонал кој ќе се ангажира на повикот со соодветни квалификации и искуство.
Финансиска понуда и временска рамка за реализација
Тековна состојба не постара од 6 месеци
Пополнета изјава од понудувач (Анекс 2) за правни лица.
Целокупната документација треба да биде доставена на македонски јазик во електронска форма.
ПРИЈАВУВАЊЕ
Понудите треба да бидат доставени најдоцна до вторник, 10 септември 2024 г., до 12:00 часотна еmail: [email protected], со назнака „Пријава за изработка на веб-портал“.
Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот. Нецелосни понуди или понуди испратени по предвидениот рок за пријавување нема да бидат земени предвид.
ОЦЕНКА НА ПОНУДИТЕ
Еко-свест ќе формира три-члена комисија со цел избор на најдобар понудувач. Евалуационата комисија ќе го извести само оној кандидат чија понуда ќе биде избрана. Пристигнатите понуди ќе се бодуваат согласно следните критериуми и бодови:
1. Кратка биографија и претходно професионално искуство во дејноста (30 бодови);
2. Портфолио со листа на изработени веб-продукти (30 бодови);
3. Финансиска понуда (40 бодови);
Вкупно 100 бодови. Договор ќе биде склучен со оној кандидат кој освоил најмногу бодови, не подоцна од 15 септември 2024 година.
На 27.08.2024 во организација на Еко-свест во соработка со Општина Вевчани во Мултикултурниот Центар во Вевчани одржа проекција на документарниот филм “Пред поплавата”(2016).
Проекцијата e дел од Вевчанско Лето 2024, а настанот е финансиран како дел од проектот “Поддршка на одржливо управување со Споменикот на Природа Вевчански Извори”, спроведуван од Еко-свест а финансиран од Prespa Ohrid Nature Trust – PONT.
за координатор на експертски тим при изработка на тематски извештаи од Студија за валоризација на вредностите на Демиркаписката клисура и околината заради прогласување на заштитено подрачје
Центарот за истражување и информирање за животната средина „Еко – свест“ во рамки на регионалната иницијатива „Заедно за реките“ финансирана од The Nature Conservancy, објавува Повик за изразување на интерес до индивидуални експерти за координатор на експертски тим при изработка на извештаи од предвидените тематски области кои ќе бидат дел од Студија за валоризација на вредностите на Демиркаписката клисура и околината.
Цел на активноста Координацијата на спроведување на активностите на таксономските групи кои се зададаени во проектната документација и во условите на ангажирање на експертите е основен проектен процес преку кој се обезбедува навремено, точно и ефикасно завршување на активностите на квалитетен и професионален начин. Ова во себе вклучува високо ниво на комуникација и канализирање на изведба на активности според барањата на “Студија за валоризација на вредностите на Демиркаписката клисура и околината заради прогласување за заштитено подрачје”. Дополнително, координаторот треба да обезбеди успешна синхронизација на работата на експертите од таксономските групи со униформиран пристап кон собирање на теренските податоци притоа земајќи ги во предвид методологиите на теренска работа кон разните класи на видови и живеалишта. Очекуваме понуди од понудувачи кои е пожелно да ги исполнуваат следните критериуми:
Минимум 10 години искуство во областа на заштита на природата
Координирање на тимови на минимум 5 проекти поврзани со заштита на природата
Да има искуство во координација на студии за валоризација и/или ревалоризација
Да има искуство во Анализа на недостаток на податоци (ГАП анализа) со користење на ГИС алатка
Да има искуство во Анализа на сума на растер полигони со користење на ГИС алатка
Обем и детален опис на услугата Координатороот на ескпертскиот тим во календарскиот рок од 01.09.2024 до 31.12.2025 година, следејќи ја динамиката на активностите треба да ги спроведе следниве активности:
Комуникација со експертските тимови за различните таксономски групи
Контрола за навремено исполнување на роковите зададени од корисникот на Студијата и имплементаторот на Студијата
Анализа на недостатоци во познавањето на дистрибуцијата на видовите и живеалиштата
Создавање на план за теренски истражувања и динамика на реализација во насока на воспоставување на база на теренски податоци
Создавање на обрасци за:
Образец на база на податоци од литература во Ексел формат
Образец на база на податоци од теренските истражувања во Ексел формат
Образец на база на закани во Ексел формат
Образец за тематски извештај за сите таксономски групи одделно
Споделување на логистички податоци за рути и пристапни патишта од терен со соодветна оцена на пристапност
Систематски приод кон организирањето и координацијата на теренските истражувања на експертските групи за сите видови и типови на живеалишта
Подготовка на “Барање за дозвола за научно истражување во природата” која имплементаторот треба да ја достави до Министерството за животна средина и просторно планирање на Република Северна Македонија (МЖСПП како корисник на Студијата)
Изработка на технички извештај за “Спроведување на научно истражување во природата” до МЖСПП како одговор на обврските кои произлегуваат од добиената дозвола за научно истражување.
Услови на повикот и начин на пријавување На повикот може да аплицираат поединечни експерти. Заинтересираните кандидати кои ги исполнуваат условите, документите треба да ги достават во електронска верзија на е-пошта до [email protected] со назнака „Изразување интерес за координатор на експертски тим при изработка на тематски извештаи од Студија за валоризација на вредностите на Демиркаписката клисура и околината заради прогласување за заштитено подрачје“. Документи кои треба да се достават при изразувањето интерес:
Писмо за изразување интерес
Потпишана Потврда за посветеност: Кодекс на однесување на Еко-свест и декларација за судир на интереси (Анекс 1). Рокови и временска рамка за спроведување на активностите Повикот за изразување интерес е отворен до 23.08.2024. Координацијата ќе се спроведува од 01.09.2024 до 31.12.2025 година.
Еко – свест ќе ги контактира соодветните понудувачи, не подоцна од 7 дена од истекот на периодот за доставување на Писмо за изразување на интерес.
За сите прашања, контактирајте нè на [email protected] најдоцна до 20.08.2024 година. Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест во коментари под објавата за повикот и достапни за сите. Доставените материјали остануваат во архивата на Еко-свест. Понудите кои ќе пристигнат по наведениот рок или без целосна документација, нема да бидат разгледувани.
Контакт лица: Ѓорѓи Митревски, Раководител на програма Води [email protected]
Околу 20 организации, членки на Коалицијата за клима и други организации го поддржаа барањето до Претседателката со кое се бара Указот за прогласување на Законот за изменување и дополнување на Законот за урбанистичко планирање да се врати во Собранието, каде истиот беше усвоен по скратена постапка.
„Како граѓанска организација која делува во доменот на заштита на животната средина, но и како дел од еколошкото движење, сметаме дека со неговото усвојување државата ќе нанесе повреда на националното и меѓународното законодавство. Нашата држава ја има ратификувано Архуската конвенција која го гарантира учеството на јавноста во сите процеси на донесување на планови, програми, закони и проекти кои имаат влијание врз животната седина. Над 20 години посочуваме дека учеството на јавноста во овие процеси е основен елемент на демократското општество. Ако сакаат да демонстрираат транспарентност, отвореност и отчетност, институциите треба да ги вклучат сите чинители во анализата и изготвувањето на законите за да добјат одржливи и долгорочни решенија. Јавноста, научната фела, синдикатите и бизнис заедницата не сакаат постојано да бидат критизери на власта, потребно е тие да бидат ко-креатори на одлуките. Затоа не се согласуваме со тоа овој закон да биде донесен без јавна и стручна дебата. Без тоа не можеме да ги предвидиме и анализираме можните последици од овие измени. Сметаме дека Законот за урбанистичко планирање, кој ја засега животната средина треба да биде донесен по редовна постапка со широка јавна и стручна дебата“- изјави Ана Чоловиќ Лешоска, извршна директорка на Еко-свест на денешната прес конференција.
Губењето на биодиверзитетот поради човековите активности е алармантно и итно прашање во денешниот свет. Човечките активности како што се уништувањето на реките, уништувањето на живеалиштата, загадувањето, прекумерната експлоатација на природните ресурси и климатските промени доведоа до брз пад на биолошката разновидност во светот. Оваа загуба не само што го загрозува опстанокот на безброј растителни и животински видови, туку и нарушува цели екосистеми кои го поддржуваат животот на Земјата.
Во свет каде еколошките предизвици се сè покомплексни, уметноста не само што е важна, туку и неопходна за зајакнување на чувството на заедничка, или „колективна“ сопственост на планетата. Уште повеќе, уметноста има суштинско значење во подигање на свеста, будење на критичката мисла и инспирарање акција. Токму затоа, Еко-свест ја започна соработката со фестивалот за европски авторски анимиран филм Флипбук во чиишто рамки секоја година доделува наградата за анимиран филм со силна еколошка порака.
Наградата за анимиран филм со силна еколошка порака во 2024 година ја доби филмот The Waiting на режисерот Volker Schlecht, кој на еден лесен и спонтан начин успева на емотивно ниво да се поврзе со публиката, надминувајќи ги бариерите на јазикот, географијата или образованието. Преку една лична, човечка приказна, раскажана со еден високо естетски, но воедно непосреден визуелен јазик, филмот веднаш ја буди нашата емпатија, нѐ добива како соучесници и нѐ поттикнува суштински да се запрашаме како ние лично може да придонесеме во заштитата на природата.
Најнови коментари