Како држава имаме сериозен проблем со загадување и несоодветна заштита на водите, почвите, воздухот и шумите како и со последиците од климатските промени како поплави и продолжени суши и топлотни бранови, сепак ниту една од политичките партии во своите изборни програми не ги разгледува овие проблеми сериозно ниту пак ги поврзува со квалитет на живот на државјаните.
Еко-свест направи анализа со критериуми кои опфаќаат широк круг на проблеми од секторите животна средина, клима и енергетика и заклучокот е дека поголемите партии ги признаваат климатските промени како проблем со кој државата треба да се справи преку мерки во други сектори, енергетскиот сектор е тема застапена во речиси сите изборни програми или изборни принципи на партиите, но мерките планирани за намалување на последиците од климатските промени се несоодветни или се противни една на друга.
Најочигледен пример се плановите се гасификација на државата застапен во речиси сите изборни програми, додека во исто време се зборува за зголемување на производството на електрична енергија од ветер и сонце и крајна цел справување со климатските промени. Meѓутоа, мора да биде јасно дека гасот е фосилно гориво кое има загадувачки емисии во домот и емисии на стакленички гасови кои само придонесуваат за интензивирање на последиците од климатските промени.
Дополнително плановите за отворање нови рудници на коалицијата „Твоја Македонија“ и коалицијата „Европски фронт“ и продолжување на работата на РЕК Битола и ТЕЦ Осломеј на јаглен се во комплетен судир со сите моментални национални стратегии и политики за енергија.
Коалицијата „ВЛЕН“ и Движењето „Знам“ за единствена Македонија го препознаваат значењето на рамномерниот локален економски развој. ВЛЕН планираат и подршка на мали локални производители и зајакнување на домашното производство но и фазно зголемување на искористувањето на сончевата енергија без загрозување на земјоделска површина и со приоритет на мали фотоволтаични електрани.
Најнови коментари