Центарот за истражување и информирање за животната средина “Еко-свест” од Скопје има потреба
од ангажирање на компанија коja би изработила и спровела :
Медиумска кампања за потребите од воспоставување на Фонд за животна средина
ЦЕЛ НА АКТИВНОСТА
Цел на активноста е информирање и едукација на граѓаните во земјата за потребите од формирање
на Национален фонд за животна средина како и поставување на јавен притисок врз централната
власт и надлежните за потребите од ваков Фонд. Кампањата треба да биде насочена кон општата
јавност, но со посебно насочени пораки кон различни целни групи, како што се надлежни и
релеватни чинители и институции. Особено внимание треба да е посветено и на ангажирање на
младата популација како двигател на промените во општеството. Еко-свест во текот на кампањата
ќе произлезе со своја стручна анализа за која ќе биде потребна посебна медиумска покриеност и
во голема мера содржината од анализата ќе треба да биде искористена во оваа кампања. Во
кампањата треба да бидат вклучени социјалните мрежи (Инстаграм, Фејсбук, Твитер) но и
конвенционалните медиуми.
ЗАДАЧИ НА КОМПАНИЈАТА
Да изработи маркетинг план (за дигитални и традиционални медиуми) и визуелен идентитет на
кампањата во согласност со насоките од нарачателот и да направи концепт на активности. Во
договор со Нарачателот.
Да го презентира маркетинг планот и визуелен идентитет на кампањата пред нарачателот и да го
модифицира во согласност со дадените насоки од нарачателот.
Да спроведе медиумска кампања согласно темата и договорот во времетраење од 5 месеци.
Да соработува и да ги следи насоките за изработка и спроведување на кампањата од лицето
назначено за комуникација од Еко-свест.
Да изработи детален извештај за постигнатите резултати и да го достави на нарачателот.
ВРЕМЕНСКА РАМКА И ВРЕДНОСТ НА ДОГОВОРОТ
Компанијата ќе има период на реализација на активноста од 5 месеци од денот на склучениот
договор.
Вредноста на договорот не може да надмине 237.400,00 денари. Проектот е ослободен од ДДВ.
ПОТРЕБНА ДОКУМЕНТАЦИЈА ЗА АПЛИЦИРАЊЕ
При аплицирањето, заинтересираните компании треба да достават:
Краток опис на компанијата
Портфолио со сработени медиумски кампањи
Биографија на членови на тимот со искуство во изработка и спроведување на кампањи, односи
со јавност, маркетинг и работа на социјални медиуми, кои би биле ангжирани на активноста
Тековна состојба не постара од 6 месеци
Финансиска понуда
Предлог маркетинг нацрт план.
Целокупната документација треба да биде доставена на македонски јазик во електронска форма.
ЕВАЛУАЦИЈА НА КАНДИДАТИТЕ
- Предлог нацрт план – иновативност на пристапот- 50 бодови
- Портфолио и искуство на предложените членови на тим- 30 бодови
- Финансиска понуда – 20 бодови
Вкупно 100 бодови.
Договор ќе биде склучен со онаа компанија која освоила најголем број бодови.
Компанијата која аплицира мора да биде а ктивна компанија која е формирана согласно Законите
во Република С. Македонија, и постои најмалку 3 години. - ПРИЈАВУВАЊЕ
Комплетната понуда апликантите треба да ја испратат на еmail: [email protected] најдоцна до
25.11. 2021 г., со назнака Апликација за кампања.
Некомплетни понуди или понуди испратени по предвидениот рок нема да бидат земени предвид.
Повеќе информации можете да добиете на тел. 02 3217 247 или на 078380298
Најнови коментари