Опис: Преку оваа студија настојуваме да ја отвориме и да ја осветлиме темата на зелената економија, да ја ставиме во контекст на климатските промени, на Европскиот зелен план, да ги согледаме клучните предизвици, но, уште повеќе да ги истакнеме бројните развојни можности. Даваме приказ на состојбата и моменталните предизвици во земјите кои ги опфативме со оваа студија: Албанија, Босна и Херцеговина, Црна Гора, Северна Македонија и Србија. За согледување на состојбата во земјите од регионот беше потребно да се проучи огромна документација, студии, политики и достапни анализи, а појдовна основа беа резултатите од регионалното истражување за состојбата на зелената економија од агол на организацијата на граѓанското општество, а кои се занимаваат со заштитата на животната средина, со развојот на заедницата, и со социјалната и зелената економија. Исто така, преку регионалните мултисекторски работилници и националните конференции, настојувавме да го наслушнеме гласот и видувањето на јавниот и на бизнис секторот, како и на експертите и на претставниците на академската заедница.

Опис: Поради голем број социо-економски фактори, аерозагадувањето во Македонија станува алармантен проблем на национално ниво. Анализите за скопскиот регион предвидуваат покачување на аерозагадувањето и за 30% до 2025 година доколку не се преземат сериозни и системски мерки. Од градовите каде што има мерни станици, Скопје, Битола и Тетово се најзагадени градови во земјата. Овие градови исто така редовно се наоѓаат на листата на најзагадени градови во Европа, но и во светот.