Опис: Доколку домаќинствата станат потрошувачи-производители на електрична и топлинска енергија покрај поголемата независност на самите домаќинства, намалување на енергетската зависност на државата, производство на чиста зелена енергија, намалување на енергтската сиромаштија, намалување на трошоците за енергија на самите домаќинства, ќе се зголеми и енергетската сигурност и стабилност на државата, како од аспект на снабдување со енергија, така и од аспект на нестабилноста на цените на енергија на берзите. За да може да се реализира ова, потребни се измени на законската и подзаконската регулатива од областа на обновливите извори на енергија, посебно во делот на инсталирањето на фотоволтачните и фототермалните електрани , поедноставување на самите порцедури за градба и инсталирање, елиминирање на факторите кои ја намалуваат цената на електрична енергија од вишоците поризведени од фотоволтаичните и  фототермалните централи на домаќинствата, како и максимална поддршка на граѓаните преку субвенционирање на фотоволтаични и фототермални системи за домаќинствата, преку воведување на стандарди за квалитет на опремата, со кои ќе се избегне субвенционирање на не квалитетни производи без никави сертификати.

Опис: За потребите на проектот „Повторно поврзување на реките во Северна Македонија“ е изработена „Методологија и идентификација на приоритетни каскади за отстранување“ како придонес кон повторно поврзување на реките и одржување на флувијалниот континуитет на живиот свет, од страна на Геобалканика и тим на експерти од областа на: хидрологијата, ихтиологијата, инвертебрата, вегетацијата, регионалната географијата и географските информациски системи во соработка со од Центар за истражување и информирање за животната средина Еко-свест и European Open Rivers Programme.

Опис: Во рамки на проектот „Граѓанска наука во функција на заштита на природата“ финансиски поддржан од PONT и CEPF, и преку соработката со Натура МК, Еко-свест издаде едукативен прирачник со многу корисни и забавни игри за сите училишни возрасти.

Опис: На Балканот живеат околу илјада видови пчели, а пчелата која прави мед е само една од нив. Опрашувањето е најважната вредност на пчелите бидејќи овозможуваат опстанок на илјадници видови растенија, животински видови и луѓето.

Овој прирачник ќе ви помогне да дознаете повеќе за пчелите, да поттикнете дискусии, да одговорите на најчесто поставуваните прашања и да надминете многу предрасуди и заблуди за пчелите. Во него ќе најдете и неколку практични идеи за да направите нешто корисно за пчелите.

Прирачникот изработен во рамки на проектот „Заштитените подрачја за природата и луѓето II“ кој го спроведува WWF Adria во партнерство со Еко-свест, а истиот е финансиски поддржан од Шведската агенција за меѓународна соработка- Sida.

Опис: Што ви е потребно за да имате пријатен и безбеден престој во природа?

Вода, храна, облека, обувки, лекови, прибор за ориентација и прва помош, се меѓу најважните работи што треба да ги понесете со себе.

За сите учители, наставници, родители и сите оние кои сакаат да поминуваат време во природа, објавуваме кратка брошура која ќе ви го олесни пакувањето и ќе ве подготви за нов престој и истражување во природата.

Брошурата е изработена во рамки на проектот „Заштитените подрачја за природата и луѓето II“ кој го спроведува WWF Adria во партнерство со Еко-свест, а истиот е финансиски поддржан од Шведската агенција за меѓународна соработка- Sida.