На 16 февруари 2026 година, 60 ученици од ОУ „Блаже Конески“ во село Скудриње, Општина Маврово и Ростуше, учествуваа во креативна работилница посветена на богатиот биодиверзитет на Националниот парк Маврово. Под менторство на Билјана Димитрова и Милош Стојановиќ од ЗКУ „Колектив Ветерница – Партизанска штампа“, учениците низ техниките на цртање, боење и колаж ги истражуваа флората, инсектите и дивите животни од својот крај.
Работилницата ги поттикна младите да го истражат значењето на флората и фауната во Националниот парк Маврово преку сопствен, искрен творечки израз. Користејќи ги различните уметнички техники, тие ја преточија својата свесност за природата во визуелни приказни, градејќи подлабока врска со околината во која живеат. Процесот беше заокружен со тимски предизвици кои ја истакнаа моќта на заедничката акција и вредноста на колективното делување. Како траен резултат на овој вложен труд, на следната средба ќе бидат промовирани уникатни боенки, создадени директно од цртежите и идеите на учесниците.
Проектот „Заштита на реките преку мониторинг и обновување на живеалиштата“ продолжува активно да ги вклучува локалните заедници во Националните паркови Маврово и Шар Планина. Преку едукативни програми и практични активности, младите се трансформираат во активни чувари на природата, градејќи трајна врска со својата околина.
Најнови коментари