Решен повеќемесечен проблем после брза реакција од инпекциските служби во Општина Кисела Вода пријавен на алатката „Зелен телефон“

На нашиот сервис „Зелен телефон“ пристигна пријава за одложен отпад во општина Кисела Вода кој со месеци не бил отстранет.
Веднаш по пријавата, а во координација со инспекциските служби во општина Кисела Вода изминатиот период најдено е потенцијално решение за дотогашниот проблем, а отпадот кој со месеци стоеше е отстранет.

Имено, контејнерите сега се повлечени во внатрешниот дел од дворот, редовно се чистат и поставена е капија која се заклучува во 15 часот секој ден. Се надеваме дека овој проблем нема да се повторува и дека ова е потенцијално трајно решение.

Зелен телефон (071 600 333) е бесплатна алатка за граѓаните да пријавуваат еколошки проблеми и да се едуцираат за начините на решавање на истите.