Еко-свест беше дел од потписниците на отвореното писмо испратено до Регионалниот Совет за соработка и DG ENEST кое го потпишаа 50 граѓански организации од регионот. Преку писмото граѓанските организации побараа транспарентни процеси во спроведувањето на Зелената Агенда за Западен Балкан.
Се очекува ревидираниот Акциски план за спроведување на Зелената агенда за Западен Балкан да биде усвоен или одобрен на Самитот во Дубровник оваа недела, на 14 и 15 октомври. Успехот на Зелената агенда во голема мера зависи од јавната поддршка и учество. Но, и покрај повторените ветувања, не се одржани јавни консултации за Планот.
Светскиот конгрес за заштита на природата на IUCN (WCC) е местото каде што се поставува глобалната агенда за заштита и се донесуваат обврзувачки одлуки. Денес, со гордост и возбуда споделувам дека Работната група за граѓанска наука (CSTF) не само што поставува агенда, туку суштински ја менува основата на начинот на кој ќе се спроведува науката за заштита низ целата организација IUCN. Со огромна радост објавувам дека Предлог-резолуцијата 126 на IUCN: „Унапредување на граѓанската наука за поддршка и демократизација на заштитата на природата“ е усвоена со навистина огромна поддршка. Ова е монументален успех за целата заедница на граѓанска наука, а особено за Работната група за граѓанска наука при Комисијата за едукација и комуникација на IUCN, која имав чест да ја основам како член од Еко-свест. Оваа предлог-резолуција сега ќе биде официјално унапредена во Резолуција на IUCN, со која се обврзуваат Генералниот директор и целата организација да ја интегрираат граѓанската наука во својата основна работа, со задолжително годишно известување до следниот Конгрес. Мандатот: Зошто ова движење за граѓанска наука е пресвртница Во услови на забрзани еколошки кризи, традиционалната наука не може да го следи темпото на потребните податоци за ефективна политика. Граѓанската наука директно го адресира овој јаз, препознавајќи ја како суштинска алатка за создавање инклузивни, скалабилни и правични податоци.
Резолуцијата ги зацврстува трите клучни улоги на науката од народот:
Демократизација на науката: Овозможување пристап до собирање податоци за секого, поттикнувајќи глобална еколошка писменост.
Промовирање на правичен пристап до податоци: Вреднување и интегрирање на локалното знаење и податоци од заедниците во глобалната политика.
Јакнење на отпорноста на заедниците: Овластување на заедниците со податоци и знаење за управување и заштита на нивната локална средина.
Поддршката што ја добивме беше навистина неверојатна. Ова гласање не е само политичка одлука; тоа е јасна порака од глобалната заедница дека граѓанската наука е иднината на инклузивната и ефективна заштита.
Оваа година, Македонија се приклучува кон одбележувањето на првиот Светски ден за отстранување на препреки од реките – иницијатива што ја нагласува неопходноста од враќање на природниот тек и динамика на реките, како и обновување на нивната еколошка функција. Овој ден е потсетник дека реките се живи, динамични системи, чија слобода е клучна за одржување на биолошката разновидност и стабилноста на екосистемите.
Непотребните препреки, насипи и други вештачки структури претставуваат сериозен еколошки проблем. Тие ја попречуваат миграцијата на рибите, го ограничуваат нивниот пристап до клучните живеалишта за мрестење и исхрана, и придонесуваат за намалување на нивните популации. Со тоа се нарушува рамнотежата во акватичните екосистеми и се губи природната поврзаност на реките.
Отстранувањето на нефункционалните препреки овозможува повторно воспоставување на природните миграциски патишта и враќање на хидролошката поврзаност помеѓу различните делови на реката. Така се создаваат услови за закрепнување на популациите и обновување на биолошката продуктивност.
Пречки што го нарушуваат природниот тек често се застарени системи за спречување поплави, нефункционални водоснабдителни конструкции, бетонски каскади и насипи кои одамна ја изгубиле својата намена, но и понатаму имаат негативно влијание врз водните екосистеми.
Враќање на природната динамика на реките – вештачките бариери го прекинуваат транспортот на седименти, предизвикувајќи акумулација во горните делови и ерозија во долниот тек. Со тоа се нарушува природната морфологија на реката и нејзината способност да поддржува разновиден живот. Со отстранување на нефункционалните каскади и насипи, седиментите повторно можат природно да циркулираат, реките ја враќаат својата динамика, а екосистемите добиваат можност за обновување.
Мисијата на Еко-свест е да истражува, информира и делува кон унапредување на јавните политики и навиките за одржливо живеење и заштита на животната средина.
Еко-свест поддржува и поттикнува граѓанска свесност и активно учество и промовира практични решенија во соработка со организации и институции.
Посебни цели и задачи на „Еко-свест“ се:
– Информирање за потенцијалните негативни влијанија врз животната средина и луѓето;
– Промовирање на решенија за здрави и одржливи пракси и политики во областа на заштита на животната средина и застапување на истите во процесите на креирање политики;
– Истражувања и анализи во област на заштитата на животната средина и човековото здравје;
– Промовирање и застапување за учество на јавноста во процесите на донесување одлуки во област на животната средина и поддршка на заедниците за остварување на ова право;
– Информирање и едуцирање на јавноста за можните негативни влијанија и начините за спречување и избегнување на истите врз животната средина и човековото здравје особено кај жените, децата и старите лица;
– Формирање и водење на коалиции и други тела составени од организации, експерти и институции со цел заедничко застапување за заштита на животната средина;
– Активно учество во постапките на измена и донесување на законски акти во област на заштита на животната средина;
– Спроведување на посебни активности во областите на:
заштита на климата
заштита на природата
заштита на медиумите на животната средина (воздух, води, почва)
одржлив развој на локалните заедници
одржлив транспорт
одржливи и паметни решенија за енергетскиот систем
одржливо управување со отпадот
иновации во заштитата на животната средина
паметно просторно планирање
поддршка на заедниците и активно граѓанство.
Работни задачи и одговорности:
Ангажираниот Проектен асистент ќе ги има следните работни должности и одговорности:
Организира и координира настани, работилници и теренски активности
Обезбедува простор, опрема и материјали за активности
Следи временски рокови и распоред на активности
Воспоставува, координира и одржува контакт со локални заедници, училишта, партнери и надворешни соработници
Комуницира со учесници пред, за време и по настаните
Подготвува извештаи од активности
Архивира фотографии, белешки и листи за присуство
Прибира и евидентира финансиски документи (фактури, сметки, изводи)
Архивира финансиски документи според проектни стандарди
Подготвува платни налози за активности
Објавува повици за набавки и го следи процесот
Внесува трошоци во финансискиот систем
Обезбедува прилози за извештаи кон донатори
Комуницира со добавувачи за прием и потврда на исплати
Дава поддршка на Програмскиот координатор за природа во сите активности
Врши и други работи по насока од Програмскиот координатор за природа и Извршниот директор.
Кандидатите треба да ги исполнуваат општите, како и следните посебни услови:
Комплетирано соодветно формално и неформално образование;
Докажана способност да работи со компјутери, пред сè напредно познавање на програмите од пакетот на Microsoft Оffice;
Основно познавање од раководење на проектен циклус и познавање процедури за спроведување на проекти на странски донатори, ќе се смета за предност;
Одлично познавање на англиски јазик
Желба и мотив за работа во граѓанска организација која третира прашања и политики од животната средина и граѓанскиот активизам;
Желба за континуирано учење и надоградување.
Кандидатите треба да ги поседуваат следните вештини и способности:
отворена комуникација (усна и писмена) и презентација;
брзо прифаќање и прилагодување кон нови задачи;
тимска работа во мултикултурно опкружување;
извршување повеќе задачи истовремено;
уредност и организираност.
Работни услови:
Неделното работно време е 40 часа. Локација на вршење на работните обврски е во Вевчани од 8-16 часот. Со избраниот/ата кандидат/ка ќе биде потпишан договор за вработување на определено време, со пробен период од 1 (еден) месец кој може да се продолжи врз основа на покажаните квалитети и перформанси. Месечна нето плата изнесува од 30000 до 40000 денари, а точниот износ за вработениот ќе се утврди согласно искуството и вештините на кандидатот. Конкретната плата на избраниот кандидат/ка ќе биде утврдена пред потпишувањето на договорот за вработување.
Начин на пријавување:
Заинтересираните кандидати/тки при пријавувањето треба да достават:
Mотивациско писмо (максимум од 1 страна);
Професионална биографија;
Професионална препорака/референца е пожелна.
Пријавувањето се врши на електронската адреса: elena.todorovska@ekosvest.com.mk, а пријавата мора да се наслови со: Пријава за координатор за финансии и администрација.
Пријавувањето е тековно и трае до пополнување на работната позиција.
Еко-свест ќе ги контактира само оние лица кои ќе бидат селектирани за тестирање и интервју. Нецелосните и неправилните пријави нема да бидат разгледани.
Најнови коментари