Центарот за истражување и информирање за животната средина Еко-свест од Скопје отвара повик за вработување на Правник за животна средина
За Еко-свест
Мисијата на Еко-свест е да истражува, информира и делува кон унапредување на јавните политики и навиките за одржливо живеење и заштита на животната средина.
Еко-свест поддржува и поттикнува граѓанска свесност и активно учество и промовира практични решенија во соработка со организации и институции.
Посебни цели и задачи на „Еко-свест“ се:
– Информирање за потенцијалните негативни влијанија врз животната средина и луѓето;
– Промовирање на решенија за здрави и одржливи пракси и политики во областа на заштита на животната средина и застапување на истите во процесите на креирање политики;
– Истражувања и анализи во област на заштитата на животната средина и човековото здравје;
– Промовирање и застапување за учество на јавноста во процесите на донесување одлуки во област на животната средина и поддршка на заедниците за остварување на ова право;
– Информирање и едуцирање на јавноста за можните негативни влијанија и начините за спречување и избегнување на истите врз животната средина и човековото здравје особено кај жените, децата и старите лица;
– Формирање и водење на коалиции и други тела составени од организации, експерти и институции со цел заедничко застапување за заштита на животната средина;
– Активно учество во постапките на измена и донесување на законски акти во област на заштита на животната средина;
– Спроведување на посебни активности во областите на:
заштита на климата
заштита на природата
заштита на медиумите на животната средина (воздух, води, почва)
одржлив развој на локалните заедници
одржлив транспорт
одржливи и паметни решенија за енергетскиот систем
Во согласност со стратешките приоритети, Еко-свест има потреба од ангажирање на Правник за кој ќе работи заедно со програмските тимови на правни прашања поврзани со теми од областите на делување на организацијата.
Ангажираниот Правник за животна средина ќе ги има следните работни задачи:
Обезбедување на правни информации, правна поддршка и правни совети на прашања кои произлегуваат од областите на делување на Еко-свест: клима, енергетика, природа, води, активно граѓанство;
Следење на националната законска рамка и работата на институциите од областа на животната средина и други релевантни сектори во корелација со животната средина (енергетика, земјоделие, шумарство, транспорт, здравство), поврзување со меѓународни обврски и институции (по потреба и во координација со тимот на Еко-свест);
Документирање на случаи за прекршување на законите и обврските од областа на животната средина, анализа на податоците и подготовка на извештаи или коментари;
Креирање на предлиози за законски измени и дополнувања и други правни акти, вклучувајќи следење на процесите на донесување, подготовка на коментари и препораки за подобрување на закони, подготовка на барања, предлози до институции за нивно прифаќање во сите фази на донесување на правните акти;
Идентификување на правни проблеми при спроведувањето и планирањето на политики од областа на животната средина;
Спроведување на истражувања и подготовка на компаративни анализи на теми поврзани со унапредување на политиките и практиките од областа на животната средина;
Поддршка на персоналот на Еко-свест во подготовката на извештаи;
Координирање на активности кои имаат правна природа и се важни за целите на Еко-свест со партнерските организации и институции;
Комуникација на целите, резултатите на Еко-свест пред медиумите и јавноста;
Поддршка при спроведување на правната помош за граѓани и евидентирање на пријавите, како и нивно проследување до релевантните страни;
Работа со млади и волонтери за стимулирање на активно граѓанство и правото на чиста и здрава животна средина; и
Други задачи во врска со работата на Еко-свест поврзани со правни прашања од областа на животната средина.
Кандидатите треба да ги исполнуваат општите, како и следните посебни услови:
Високо образование од областа на правните науки;
Добро разбирање на основните аспекти, проблеми и правни прашања од областа на животната средина;
Најмалку една до три години работно искуство во здружение на граѓани или пружање на правни услуги во здруженија, други организации/или институции;
Познавање на MS Office и интернет алатки за објавување на информации (WordPress, социјални медиуми);
Добри комуникациски и организациски вештини;
Искуство во подготовка на анализи, истражувања, студии;
Одлично познавање и користење на устен и пишан англиски јазик е задолжително;
Развиени истражувачки и аналитички способности;
Услови кои се сметаат за предност:
Завршени постдипломски студии, особено на теми поврзани со прашања од областа на животната средина;
Познавање на националната и меѓународната правна рамка за заштита на водите, природата, видовите и нивните живеалишта, климатските промени, енергетиката, стандарди за оцена на влијанијата врз животната средина, учество на јавноста во донесување на одлуки и сл.;
Познавање на раководење со проектен циклус;
Искуство со работа со млади;
Желба и мотив за работа во граѓанска организација која третира прашања и политики од животната средина и граѓанскиот активизам;
Желба за континуирано учење и надоградување.
Кандидатите треба да ги поседуваат следните вештини и способности:
отворена комуникација (усна и писмена) и презентација;
брзо прифаќање и прилагодување кон нови задачи;
тимска работа во мултикултурно опкружување;
извршување повеќе задачи истовремено;
уредност и организираност.
Работни услови:
Неделното работно време е 40 часа (од 8 до 16 или 9 до 17 часот). Локација на вршење на работните обврски е во Скопје. Со избраниот/ата кандидат/ка ќе биде потпишан договор за вработување на определено време, со период од 1 (еден) месец кој може да се продолжи врз основа на покажаните квалитети и перформанси. Месечна нето плата, согласно политиката за личен доход на Еко-свест е помеѓу 40 000 и 80 000 денари нето и се утврдува согласно искуството и вештините на кандидатот. Конкретната плата на избраниот кандидат/ка ќе биде утврдена при потпишувањето на договорот за вработување.
Начин на пријавување:
Заинтересираните кандидати/тки при пријавувањето треба да достават:
Mотивациско писмо (максимум од 1 страна);
Професионална биографија;
Професионална препорака/референца е пожелна.
Пријавувањето се врши на електронската адреса: ana@ekosvest.com.mk, а пријавата мора да се наслови со: Пријава за Правник.
Пријавувањето е отворено од 10.03.2025 до 20.03.2025.
Еко-свест ќе ги контактира само оние лица кои ќе бидат селектирани за тестирање и интервју. Нецелосните и неправилните пријави нема да бидат разгледани. Изборот на кандидатите/ките ќе се изврши врз основа на Законот за работни односи. Еко-свест е рамноправен работодавач.
Помеѓу 4 и 8 март делегација од градоначалници и претставници на 8 општини од Македонија и Министерството за животна средина и просторно планирање учествуваа на студиска посета во Шведска посветена на климатска акција. Градоначалниците и претставниците од општина Битола, Струмица, Делчево, Гевгелија, Демир Капија, Куманово, Лозово и Пласница, како и претставникот од одделението за соработка со локалната самоуправа при Министерството за животна средина и просторно планирање ги посетија Малме и Лунд со цел да се запознаат со практичните мерки за заштита на животната средина, урбаното планирање и развој и соработката со академската заедница и граѓаните за создавање на одржливи и отпорни градови.
Учесниците имаа средби со претставници на општините Малме и Лунд, како и со универзитетите во Малме и Лунд и имаа можност да посетат локации каде климатската акција и одржливото урбано планирање се практично применети и видливи.
Студиската посета, во организација на Еко-свест и поддршка од Шведска, овозможи нови знаења за учесниците и ја потврди потребата од заедничка соработка и размена на податоци и научени лекции. Беше евидентно дека иновацијата има движечка улога во напорите за одржливо живеење.
Учесниците ја оценија посетата како корисна бидејќи им овозможи да ги прошират своите видици и да размислат како одредени практики од Шведска може да се применат и кај нас, особено во делот на учеството на јавноста во заедничкото урбано планирање, улогата на академијата и експертите во прибирањето податоци кои ќе се применат во планирањето, како и меѓусебната соработка и размена на позитивни практики.
Центарот за истражување и информирање за животната средина Еко-свест од Скопје отвара повик за вработување на Програмски менаџер
За Еко-свест
Мисијата на Еко-свест е да истражува, информира и делува кон унапредување на јавните политики и навиките за одржливо живеење и заштита на животната средина.
Еко-свест поддржува и поттикнува граѓанска свесност и активно учество и промовира практични решенија во соработка со организации и институции.
Посебни цели и задачи на „Еко-свест“ се:
– Информирање за потенцијалните негативни влијанија врз животната средина и луѓето;
– Промовирање на решенија за здрави и одржливи пракси и политики во областа на заштита на животната средина и застапување на истите во процесите на креирање политики;
– Истражувања и анализи во област на заштитата на животната средина и човековото здравје;
– Промовирање и застапување за учество на јавноста во процесите на донесување одлуки во област на животната средина и поддршка на заедниците за остварување на ова право;
– Информирање и едуцирање на јавноста за можните негативни влијанија и начините за спречување и избегнување на истите врз животната средина и човековото здравје особено кај жените, децата и старите лица;
– Формирање и водење на коалиции и други тела составени од организации, експерти и институции со цел заедничко застапување за заштита на животната средина;
– Активно учество во постапките на измена и донесување на законски акти во област на заштита на животната средина;
– Спроведување на посебни активности во областите на:
заштита на климата
заштита на природата
заштита на медиумите на животната средина (воздух, води, почва)
одржлив развој на локалните заедници
одржлив транспорт
одржливи и паметни решенија за енергетскиот систем
одржливо управување со отпадот
иновации во заштитата на животната средина
паметно просторно планирање
поддршка на заедниците и активно граѓанство.
Работни задачи и одговорности:
Во согласност со стратешките приоритети, Еко-свест има потреба од ангажирање на Програмски менаџер кој ќе работи заедно со програмските тимови координирање на програмите кои ги спроведува Еко-свест.
Ангажираниот Програмски менаџер ќе ги има следните работни задачи:
Изготвување на Годишна програма на активности и финансии на Еко-свест во соработка со Раководителот за финансии и Извршниот директор,
Следење на имплементацијата на сите програми во Еко-свест преку директна координација со Програмските координатори (Раководители на програми)
Изготвување и тековно пополнување на единствена матрица за следење (мониторинг) и евалуација на напредокот со сите проекти во организацијата
Организирање на редовни средби со персоналот на Еко-свест за прибирање на информации и податоци за мониторинг на напредокот на проектите
Следење и прибирање податоци и информации за влијанието од нашата работа преку следење на медиумите, веб страниците на институциите и одлуките поврзани со работата на Еко-свест и евидентирање на овие влијанија во матрицата за следење
Поддршка во процесите на известување кон донаторите со прикажување на податоци и анализи за напредокот и подтигнувањата во секој од проектите
Организирање на редовна интерна евалуација на проектите и програмите со цел споделување на научените лекции, предизвици и методи на работа помеѓу персоналот на Еко-свест
Организирање и одржување на тековна интер-програмска координација со цел меѓусебно информирање и споделување на информациите помеѓу различните програми
Супервизија и годишна евалуација на Програмските координатори (Раководители со програми) согласно Политиката за човечки ресурси
Редовно информирање на Извршниот директор за напредокот во проектите и програмите
Редовно и континуирано координирање на спроведувањето на приоритетите заедно со Извршниот директор и Раководителот со финансии
Изготвување на Годишен извештај на активности на Еко-свест на македонски и англиски јазик
Изготвување на комуникација поврзана со најголоемите постигнувања на Еко-свест во тековната година
Следење на календарот на меѓународни денови од област на заштита на животната средина и организирање на програмска координација во однос на нивното одбележување
Координација на комуникацијата и настаните на Еко-свест со цел обезбедување на јасно комуницирање на пораките, навремено и соодветно комуницирање на соопштенијата за јавност/медиуми, избегнување на преклопување/ овозможување синергии и координација со други организации по потреба.
Други работни задачи зададени од страна на Извршниот директор.
Кандидатите треба да ги исполнуваат општите, како и следните посебни услови:
Високо образование;
Најмалку 5 години работно искуство во област на проектен и програмски менаџмент во домашна или меѓународна организација;
Најмалку 3 години искуство со супервизија на најмлаку 2 лица
Познавање на MS Office и интернет алатки за објавување на информации (WordPress, социјални медиуми);
Најмалку 2 години искуство со комуникација на клучни пораки и координирана комуникација на правниот субјект;
Одлични комуникациски и организациски вештини;
Искуство во подготовка на извештаи;
Напредни познавања на мониторинг и евалуција и работа со алатки за мониторинг на големи програми/проекти;
Одлично познавање и користење на устен и пишан англиски јазик е задолжително;
Професионален пристап и способност за стратешко размислување.
Услови кои се сметаат за предност:
Завршени постдипломски студии, особено на теми поврзани со прашања од областа на животната средина;
Познавање на националната и меѓународната состојба на заштитата на водите, природата, видовите и нивните живеалишта, климатските промени, енергетиката, стандарди за оцена на влијанијата врз животната средина, учество на јавноста во донесување на одлуки и сл.;
Желба и мотив за работа во граѓанска организација која третира прашања и политики од животната средина и граѓанскиот активизам;
Желба за континуирано учење и надоградување.
Кандидатите треба да ги поседуваат следните вештини и способности:
отворена комуникација (усна и писмена) и презентација;
брзо прифаќање и прилагодување кон нови задачи;
тимска работа во мултикултурно опкружување;
извршување повеќе задачи истовремено;
уредност и организираност.
Работни услови:
Неделното работно време е 40 часа (од 8 до 16 или 9 до 17 часот). Локација на вршење на работните обврски е во Скопје. Со избраниот/ата кандидат/ка ќе биде потпишан договор за вработување на определено време, со период од 1 (еден) месец кој може да се продолжи врз основа на покажаните квалитети и перформанси. Месечна нето плата, согласно политиката за личен доход на Еко-свест е помеѓу 70 000 и 90 000 денари нето и се утврдува согласно искуството и вештините на кандидатот. Конкретната плата на избраниот кандидат/ка ќе биде утврдена при потпишувањето на договорот за вработување.
Начин на пријавување:
Заинтересираните кандидати/тки при пријавувањето треба да достават:
Mотивациско писмо (максимум 1 страна);
Професионална биографија;
Контакт информации за три лица кои можат да дадат препорака/референца.
Пријавувањето се врши на електронската адреса: elena.todorovska@ekosvest.com.mk, а пријавата мора да се наслови со: Пријава за програмски менаџер.
Пријавувањето трае до 20 февруари 2025 година.
Еко-свест ќе ги контактира само оние лица кои ќе бидат селектирани за тестирање и интервју. Нецелосните и неправилните пријави нема да бидат разгледани. Изборот на кандидатите/ките ќе се изврши врз основа на Законот за работни односи. Еко-свест е рамноправен работодавач.
Скопје, 18 октомври2024 – Земјите од Западен Балкан мора веднаш да се откажат од плановите за проширување на гасната инфраструктура и да ги насочат своите инвестиции кон обновливи извори на енергија и енергетска ефикасност, за да постигнат вистинска енергетска трансформација и да избегнат економски и еколошки ризици. Ова е заклучокот од вчерашната конференција „Европски и регионални перспективи за напуштање на фосилниот гас“, што се одржа во Скопје, а беше организирана од Центарот за истражувања и информирање за животна средина „Еко-свест“, со поддршка од Европската фондација за клима.
Главните заклучоци од конференцијата се дека наместо нови гасни проекти, регионот треба да го насочи фокусот кон модернизација на енергетската инфраструктура преку вложување во енергетска ефикасност и обновливи извори на енергија. Говорниците и учесниците предупредија дека долгорочната зависност од гас може да го забави процесот на декарбонизација и ќе ги пренасочи средствата потребни за енергетска трансформација кон стара технологија чие користење ќе биде краткорочно и неодржливо.
Во рамки на двата панели беа разгледани предизвиците на европскиот енергетски пазар и ризиците што ги носат плановите за гасификација во Западен Балкан.
На првата панел-дискусија насловена „Европските перспективи за напуштање на гасот“, Рафаел Aното, советник за политики во глобалниот тинк-тенк „Е3Г“, нагласи дека употребата на фосилен гас во Европа се намалува, истакнувајќи дека истата се очекува да се намали за 30 до 50 проценти до 2030 година. „Континуираната нестабилност на цените и трошоците за гасната мрежа ја потврдуваат аргументацијата дека фосилниот гас не треба да биде транзициско гориво“, нагласи Аното.
Елена Џеребица, истражувачка во организацијата „ReCommon“ од Италија, во рамки на панелот говореше за влијанието на гаснаите компании врз донесувачите на одлуки. Поради трендот на намалување на употребата на гасот, овие компании го промовираат водородот како гасот на иднината кој ќе се пренесува преку постоечката гасна инфраструктура за да го продолжат своето работење и профит од јавните фондоци. Според Џеребица, целиот енергетски систем треба суштински да се промени и децентрализира со цел да стане правичен и демократски, а локалните заедници да бидат во контрола и да ги имаат главните придобивки.
Габор Хорват, истражувач во енергетскиот истражувачки центар РEKK од Унгарија, ги истакна ефектите од енергетската криза врз потрошувачката на гас во Унгарија. „Со драстично зголемување на цените на гасот, Унгарската Влада беше принудена да ги откаже субвенциите за гасот како гориво, со што сметките за енергија за домаќинствата се зголемија и до 9 пати. Токму тоа ги стимулираше граѓаните и компаниите да инвестират во енергетска ефикасност и штедење.“
На вториот панел насловен „Плановите за гасификација во Европа и Западен Балкан“, фокусот беше ставен на регионов, каде што неколку земји веќе имаат планови за нова гасна инфраструктура.
Петер Котек, истражувач во РEKK, го презентираше истражувањето за гасификацијата на Македонија, при што истакна дека целосната изградба на гасната мрежа во земјата би чинела меѓу 800 милиони и една милијарда евра, што, како што рече, е значителен трошок.
„Гасот како опција за греење не е конкурентен во споредба со другите решенија како што се топлинските пумпи, истовремено тој како енеренс не е ни потребен за домаќинствата“, изјави Котек.
Александру Мустаца, од меѓународната мрежа „Beyond Fossil Fuels“, ги предупреди земјите од регионот да не го заменуваат користењето на јаглен со фосилен гас.
„Иако Западен Балкан има само неколку гасни централи, повеќето земји од регионот имаат планови за изградба на нови капацитети. Наместо тоа, треба да се инвестира во безбедни сончеви и ветерни централи, кои се одржливи долгорочни решенија“, нагласи Мустаца.
Глигор Радечиќ, еколошки правник во меѓународната мрежа „CEE Bankwatch Network“, ги истакна ризиците од транзицијата кон гас во регионот. „Земјите од Западен Балкан се соочуваат со значителни енергетски предизвици и преминот кон гас носи ризици по енергетската безбедност и животната средина. Јавните финансиски институции како Европската банка за обнова и развој и Европската инвестициска банка треба да инвестираат во обновливи извори на енергија и енергетска ефикасност“, поентираше Радечиќ.
На конференцијата јасно беа дефинирани чекорите што мора да ги преземат земјите од Западен Балкан за да ја избегнат стапицата на зависноста од гас и да обезбедат одржлива и стабилна енергетска иднина. Учесниците упатија повик до владите и инвеститорите да го забрзаат преминот кон обновливи извори на енергија за да не бидат заробени во технологија и енергенси кои се минато, во време кога Европа се движи кон постфосилна ера.
За повеќе информации контактирајте ја Ана Чоловиќ Лешоска, извршна директорка на Еко-свест на [email protected] или дознајте повеќе на www.ekosvest.com.mk
Доколку сакате да дознаете повеќе за плановите за гасификација и опциите за загревање на домаќинствата во Македонија, преземете ја нашата студија објавена во јануари 2024 година.
Центарот заистражувањеи информирањеза животната средина Еко-свест од Скопје отвoра повик за ангажирање на проектен координатор за спроведување на проектни активности во доменот на енергетиката.
За Еко-свест
Мисијата на Еко-свест е да истражува, информира и делува кон унапредување на јавните политики и навиките за одржливо живеење и заштита на животната средина.
Еко-свест поддржува и поттикнува граѓанска свесност и активно учество и промовира практични решенија во соработка со организации и институции.
Посебни цели и задачи на „Еко-свест“ се:
– Информирање за потенцијалните негативни влијанија врз животната средина и луѓето;
– Промовирање на решенија за здрави и одржливи пракси и политики во областа на заштита на животната средина и застапување на истите во процесите на креирање политики;
– Истражувања и анализи во област на заштитата на животната средина и човековото здравје;
– Промовирање и застапување за учество на јавноста во процесите на донесување одлуки во област на животната средина и поддршка на заедниците за остварување на ова право;
– Информирање и едуцирање на јавноста за можните негативни влијанија и начините за спречување и избегнување на истите врз животната средина и човековото здравје особено кај жените, децата и старите лица;
– Формирање и водење на коалиции и други тела составени од организации, експерти и институции со цел заедничко застапување за заштита на животната средина;
– Активно учество во постапките на измена и донесување на законски акти во област на заштита на животната средина;
– Спроведување на посебни активности во областите на:
заштита на климата
заштита на природата
заштита на медиумите на животната средина (воздух, води, почва)
одржлив развој на локалните заедници
одржлив транспорт
одржливи и паметни решенија за енергетскиот систем
одржливо управување со отпадот
иновации во заштитата на животната средина
паметно просторно планирање
поддршка на заедниците и активно граѓанство.
Заинтересираните треба да ги исполнуваат следните посебни услови
Основни познавања за работата на Еко-свест и работата во граѓанска организација или фондација;
Комплетирано високо образование во доменот на енергетика;
Најмалку 6 месеци работно искуство во оваа проблематика и солидно познавање на енергетскиот сектор во Македонија;
Техничка писменост и капацитет за анализа на технички документи и студии во доменот на енергетиката и заштитата на животната средина;
Способност за застапување на позициите на организацијата пред донесувачите на одлуки;
Способност за теренска работа со засегнати локални заедници;
Одлично познавање на македонски јазик, познавање на англиски јазик е задолжително;
Поседување на извонредни комуникациски вештини (за орална и писмена комуникација) и способност за работа под притисок;
Искуство со административно и канцелариско работење;
Докажана способност да работи со компјутери, пред сè одлично познавање на програмите од пакетот на Microsoft office.
Кандидатите/ките треба да ги поседуваат следните општи услови
за изразена комуникација (усна и писмена) и презентација;
за брзо прифаќање и прилагодување кон нови задачи;
за тимска работа во мултикултурно опкружување;
за превземање лидерство и предводење на активностите во тимовите;
за извршување повеќе задачи истовремено и за испорака во кратки рокови;
за уредност и организираност.
желба и мотив за работа во граѓанска организација која третира прашања и политики од област на животната средина и граѓанскиот активизам.
Работни задачи и одговорности
Кандидатот треба да анализира техничка документација (студии, анализи, извештаи, планови, проекти), закони, стратегии и други документи за потребите на кампањите на организацијата и информациите од овие анализи да ги комуницира со низа засегнати страни- владини тела, локални заедници, граѓански сектор, бизнис сектор и други);
Да остварува и одржува контакт со локални заедници каде работи и делува Еко-свест со цел нивна поддршка во заштитата на животната средина;
Да остварува и одржува контакт со експерти од различни полиња на делување;
Да се обраќа во јавноста преку локалните и националните медиуми за потребите на активностите на Еко-свест;
Да спроведува проектни и програмски активности на Еко-свест;
Да раководи со проекти, буџети и придружна администрација;
Да ги почитува политиките на Еко-свести активно да соработува со персоналот на организацијата.
Работни услови
Неделното работно време е 32 часа со работно време од 9-17 часот. Со избраните кандидати ќе биде потпишан договор за вработување на определено време на 1 месец, а доколку кандидатот соодветно одговори на работните задачи и покаже особен придонес кон работата, договорот може да се продолжи. Месечната нето плата, согласно политиката за плати е во рамки од 40.000 до 55.000 денари. Конкретната плата на избраниот кандидат/ката ќе биде утврдена при потпишувањето на договорот за вработување.
Начин на пријавување и рокови
Заинтересираните кандидати/тки при пријавувањето треба да достават:
Контакт информации за најмаку три лица/организации кои би можеле да дадат професионална препорака.
Пријавувањето се врши на електронската адреса: [email protected], а пријавата мора да се наслови со: Пријава за проектен координатор/ка.
Пријавувањето е тековно, а огласот е отворен до пополнување на позицијата.
Еко-свест ќе ги контактира само оние лица кои ќе бидат избрани за тестирање и интервју. Нецелосните и неправилните пријави нема да бидат разгледани. Изборот на кандидатите/ките ќе се изврши врз основа на Законот за работни односи. Еко-свест е рамноправен работодавач и ги почитува различностите.
Најнови коментари