ОТВОРЕН ПОВИК ЗА АНГАЖИРАЊЕ ЕКСПЕРТИ ЗА ИЗРАБОТКА НА СТУДИЈА ЗА ХИДРОЛОШКИ И ХИДРОГЕОЛОШКИ КАРАКТЕРИСТИКИ НА ВЕВЧАНСКИ ИЗВОРИ И ВЕВЧАНСКА РЕКА

by Darko Kitanoski | Feb 9, 2026 | Еко-свест Вевчани, Објави, Повици, Природа

Центарот за истражување и информирање за животната средина „Еко-свест“ во рамки на проектот „Поддршка на одржливо управување со Споменикот на природа Вевчански Извори – Фаза 2 “ финансиран од Prespa Ohrid Nature Trust – PONT, објавува повик за ангажирање на експерти за изработка на студија за хидролошките и хидрогеолошките карактеристики на Вевчанските извори

ЦЕЛ НА АКТИВНОСТА

Целта на активноста е да се добијат научно засновани податоци за хидролошките и хидрогеолошките карактеристики на Вевчански извори и Вевчанска река, со цел нивна заштита, одржливо управување и планирање на идни активности.

ЗАДАЧИ

• ГИС мапирање и просторна анализа на сливот
  Дигитална идентификација на хидрографската мрежа и дефинирање на границите на сливот на Вевчански Извори и Вевчанска Река. Ова вклучува изработка на детални ГИС модели за елевација, наклон и земјишна покривка за разбирање на физичко-географскиот контекст.
• Детална хидролошка анализа и пресметка на протоци
  Утврдување на карактеристичните протекувања преку регионални споредби и просторна распределба. Анализата опфаќа следење на режимот на течење и влијанието на климатските параметри (врнежи и температури) врз водниот биланс.
• Истражување на хидрогеолошкиот систем и карстната динамика
  Анализа на функционирањето на подземните води во карстниот систем преку следење на нивото на воден столб, спроводливоста и температурата, со цел да се разбере комплексното движење на водата до Вевчанските Извори.
• Определување на еколошки проток според специфична методологија
  Пресметка на минималниот потребен воден проток неопходен за опстанок на екосистемот во изворите и реката, следејќи ја пропишаната методологија на „Еко-свест“.
• Теренски мониторинг и финализирање на Студијата
  Спроведување на најмалку 4 теренски мерења во различни хидролошки услови и синтеза на сите податоци во завршен документ (Студија) со конкретни заклучоци и насоки за идно управување со заштитеното подрачје.

Подетално можете да погледнете во Опис на работната задача (Анекс-1)

ВРЕМЕНСКА РАМКА И ВРЕДНОСТ НА ДОГОВОРОТ

Крајниот рок за реализација на оваа услуга е 31.03.2027 година

Вкупната вредност на договорот не смее да надмине вредност од  5000 евра во денарска противвредност, со вклучен персонален данок, доколку понудувачот е индивидуално лице. 

ПОТРЕБНА ДОКУМЕНТАЦИЈА ЗА АПЛИЦИРАЊЕ

• Кратка биографија (CV).
• Портфолио од претходно изработени истражувања и проекти
• Финансиска понуда.
• Пополнета Потврда за посветеност и Декларација за судир на интереси за индивидуални и физички лица (Анекс-2) 

ЕВАЛУАЦИЈА НА КАНДИДАТИТЕ
Евалуационата комисија ќе ги извести само оние кандидати чија понуда ќе биде избрана. Канидатите ќе бидат оценувани по следните критериуми:

• Кратка биографија и портфолио – 60 бодови
• Финансиска понда – 40 бодови

Вкупно 100 бодови

Еко – свест ќе ги контактира избраните понудувачи, не подоцна од 7 дена од истекот на периодот за доставување на понуда.

Договор ќе биде склучен со оној кандидат кој освоил најмногу бодови, не подоцна од 27.02.2026.

ПРИЈАВУВАЊЕ
Понуди треба да бидат доставени најдоцна до 17.02.2026 година, до 16:00 часот, на е-маил [email protected] со назнака Апликација за студија за хидролошки и хидрогеолошки карактеристики на Вевчански Извори и Вевчанска Река

Повеќе информации можете да добиете на телефон +38978449209 или на е-маил [email protected] најдоцна до 13.02.2026 година. Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб-страницата на Еко-свест под објавата за повикот. Нецелосните понуди, односно понудите испратени после предвидениот рок за аплицирање, нема да бидат земени во предвид.

*Напомена

Од избраниот понудувач, освен горенаведените податоци, ќе се побара да достави дополнителна документација која вклучува потврда/информација од Централен Регистар за забрана за вршење дејност и регистар за казни на физички лица; изјави за доверливост и непостоење на конфликт на интереси од страна на избраниот кандидат (физичко лице); потврда за казнена евиденција за физички лица; биографии (CV) на консултантите; листа на референци/портфолио.

ДОВЕРЛИВОСТ

Сите информации кои се поврзани со оценка на понудите нема да бидат споделувани со никој кој не е официјално вклучен во процесот на селекција, дури и по завршување на процесот на избор. Сите податоци ќе се третираат како доверливи и нема да се користат, прибираат, споделуваат за други цели надвор од овој повик и целта на истиот.

Отворен повик за ангажирање на компанија за спроведување на анкета врз репрезентативен примерок

by Darko Kitanoski | Dec 9, 2025 | Еко-свест Вевчани, Објави, Повици, Природа

За потребите на своите проекти во доменот на заштитата на природата, Еко-свест има потреба од ангажирање на компанија за спроведување на анкета со репрезентативен примерок на ниво на целата држава и на регионално ниво со опфат на планината Јабланица и нејзината околина.

ЦЕЛ НА АКТИВНОСТА

Целта на активноста е спроведување на репрезентативна анкета на ниво на целата држава и на нивото на планината Јабланица и нејзината околина за истражување на ставовите на граѓаните за волците.

Анкетата има за цел да обезбеди податоци кои ќе послужат како основа за понатамошна анализа, препораки и активности за заштита на природата, биодиверзитетот и крупните месојади како и за зголемено граѓанско учество.

ЗАДАЧИ НА ИЗБРАНАТА КОМПАНИЈА

Подготовка и планирање

• Целосно запознавање со целта и протоколите на проектот;
• Преглед и усогласување на учесниците, методологија за анкета и регрутација на учесници;
• Разработка на интерен временски план.

Спроведување на репрезентативна анкета

• Организација и реализација на анкета врз репрезентативен примерок од населението во Македонија;
• Дополнителен фокус на регионот околу планината Јабланица;
• Консултации со тимот на Еко-свест за методологијата и формулирањето на прашалникот;
• Сегментирање по демографски и социо-економски критериуми;
• Анализа и презентација на резултатите.

Доставување необработени податоци

• Доставување на Excel документ со сите влезни податоци од анкетата.

Крајна достава

• Доставување на финален извештај од репрезентативната анкета на ниво на целата држава и регионот на Јабланица, кој ќе содржи методологија, обработени резултати и заклучоци, најдоцна до 31.01.2026 година;
• Извештајот треба да биде подготвен на македонски јазик и доставен во електронска форма.

ВРЕМЕНСКА РАМКА

• Репрезентативната анкета на ниво на целата држава и регионот околу планината Јабланица треба да се реализира во периодот од декември 2025 до јануари 2026 година, со предавање на финален извештај најдоцна до 31 јануари 2026 година.

ПОТРЕБНА ДОКУМЕНТАЦИЈА ЗА ПРИЈАВУВАЊЕ

Заинтересираните компании треба да достават:

1. Краток опис на компанијата, портфолио со претходно искуство и краток план за спроведување на активностите (не повеќе од 1 страна);
2. Тековна состојба не постара од 6 месеци;
3. Финансиска понуда;
4. Пополнета изјава (Анекс 1) 

Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2024 (за правни лица); pотврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси од страна на избраниот кандидат (физичко лице) или изјава дека ги исплонува критериуме за учество (правно лице); биографии (CV) на консултантите; листа на референци/портфолио.

КРИТЕРИУМИ ЗА ПРИЈАВУВАЊЕ

Компанијата мора да ги исполнува следниве критериуми:

1. Активна компанија, здружение или фондација формирано/а согласно Законите во С. Македонија, и постои најмалку 3 години;
2. Претходно искуство во подготовка, реализација и обработка на анкети на репрезентативен примерок.

ЕВАЛУАЦИЈА НА КАНДИДАТИТЕ

Кандидатите ќе бидат оценувани по следните критериуми:

• Претходно искуство во спроведување на слични активности – 70 бодови
• Понудена цена за активноста – 30 бодови

Вкупно: 100 бодови. Договор ќе биде склучен со компанијата која освои најголем број бодови во сооднос квалитет на понуда и цена.

ДОСТАВУВАЊЕ НА ПОНУДИ

Комплетната понуда, апликатите треба да ја испратат на е-маил:  [email protected] најдоцна до 16 декември 2025 година до 16:00 часот, со назнака Пријава за анкета.

Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот.
Некомплетни понуди или понуди испратени по предвидениот рок нема да бидат земени предвид.

Еко-свест ќе го контактира избраниот понудувач, не подоцна од 7 дена од истекот на периодот за доставување на понуда.

ОТВОРЕН ПОВИК ДО КОМПАНИИ ЗА ТУРИСТИЧКИ УСЛУГИ

by Darko Kitanoski | May 28, 2025 | Повици

Основни информации

Центарот за истражување и информирање за животна средина Еко-свест од Скoпје во рамки на проектот “We grow with the flow – Youth for rivers” финансиран од Agence Française de Développement – AFD, има потреба од туристички услуги од компании. 

Цел и задачи

Ангажираната компанија ќе биде одговорна за организирање на следниве работи:

• Обезбедување сместување за 40 учесници со 6 ноќевања, првиот ден при пристигнувањето само со вечера, од вториот до шестиот ден со полн пансион и седмиот ден при заминување, само со доручек;
• Учесниците можат да бидат сместени и во повеќекреветни соби.
• Обезбедување на просторија за работа на учесниците, за 4 денови, опремена со проектор и флипчарт. 
• Обезбедување на две кафе паузи во денот, за четирите денови додека се работи.
• Сите учесници треба да бидат сместени во ист хотел, кој се наоѓа во рамките на Националниот Парк Маврово;
• Организација на превоз за еднодневна екскурзија до селото Тресонче и Тресонечка Река;
• Сместувањето ќе биде потребно во втората половина на септември 2025 година.

Временска рамка за доставување на понуда

Периодот за доставување понуди е од денот на објавување на отворениот повик до 13.06.2025 година 16:00 часот.

По истекот на овие 7 дена Еко-свест ќе оформи комисија која ќе биде задолжена за избор на најдобра понуда.

Еко-свест ќе го контактира избраниот понудувач, не подоцна од 7 дена од истекот на периодот за доставување на понуда.

Потребна документација за пријавување

Заинтересираните компании треба да достават:

• Понуда за туристички услуги со вклучен ДДВ
• Потпишана изјава (види Анекс 2)
• Кратко портфолио на компанијата
• Тековна состојба не постара од 6 месеци

Целокупната документација треба да биде доставена на македонски јазик во електронска форма.

Напомена!

Еко-свест ќе бара од избраниот понудувач пред склучување на договор за соработка да ја достави следната документација:

Tековна состојба/потврда за регистрирана дејност на добавувачот; потврда за солвентност/бонитет; потврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјава дека ги исполнува критериумите за учество; биографии (CV) на консултантите; листа на референци/портфолио.

Критериуми за понудувачите

Активна компанија која е формирана согласно Законите во Република Северна Македонија, и постои најмалку 5 години.

На повикот може да се пријават правни лица кои ги исполнуваат наведените правни и технички услови.

Доверливост

Сите информации кои се поврзани со оценка на понудите нема да бидат споделувани со никој кој не е официјално вклучен во процесот на селекција, дури и по завршување на процесот на избор. Сите податоци ќе се третираат како доверливи и нема да се користат, прибираат, споделуваат за други цели надвор од овој повик и целта на истиот.

Пријавување и контакт информации

Понудите треба да се испратат на email: [email protected] најдоцна до 13.06.2025 година до 16:00 часот, со назнака Доставување на понуда. Евентуални прашања за повикот можат да се достават до [email protected] најдоцна до 11.06.2024 година.

Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб-страницата на Еко-свест под објавата за повикот. Нецелосните понуди, односно понудите испратени после предвидениот рок за аплицирање, нема да бидат земени во предвид.

Евалуација на кандидатите

Евалуационата комисија ќе ги извести само оние кандидати чија понуда ќе биде избрана. Канидатите ќе бидат оценувани по следните критериуми:

Портфолио на компанијата – 30 бодови

Финансиска понда – 70 бодови

Вкупно 100 бодови

Договор ќе биде склучен со оној кандидат кој освоил најмногу бодови, не подоцна од 30.06.2025.

Отворен повик до консултанти за брендирање и маркетинг на производи од природата

by Darko Kitanoski | Aug 6, 2024 | Еко-свест Вевчани, Објави, Повици, Природа

Центарот за истражување и информирање за животната средина „Еко-свест“ во рамки на проектот „Поддршка на одржливо управување со Споменикот на природа Вевчански Извори “ финансиран од Prespa Ohrid Nature Trust – PONT, објавува повик за ангажирање на консултант/и за развој и брендирање на производи од природата.

ЦЕЛ НА АКТИВНОСТА

Целта на оваа активност е промовирање на Споменикот на Природата “Вевчански Извори”, брендинг и промовирање на производи кои потекнуваат од шумските плодови кои можат да се најдат во рамките на Заштитеното подрачје, да се создаде препознатливост на производите и да се обезбеди одржливост на производите.

ЗАДАЧИ
Избраниот кандидат треба:

• Да соработува со тимот на Еко-свест во Вевчани.
• Да соработува со креаторот на нови продукти од природата кои ќе бидат цел на брендингот и маркетингот.
• Да креира име и лого на најмалку 2 производи.
• Да креира визуелен идентитет за производите и да даде насоки за пакувањето на истите.
• Да креира приказна за производите базирана на историја, традиција и вредности.
• Да изработи насоки за маркетинг на најмалку 2 производи.

ВРЕМЕНСКА РАМКА И ВРЕДНОСТ НА ДОГОВОРОТ

Крајниот рок за реализација на оваа услуга е 31.12.2024 година

Вкупната вредност на договорот не смее да надмине вредност од 1000 евра во денарска противвредност, со вклучен персонален данок, доколку понудувачот е индивидуално лице. Износот не вклучува ДДВ.

ПОТРЕБНА ДОКУМЕНТАЦИЈА ЗА АПЛИЦИРАЊЕ

• Кратка биографија (CV).
• Портфолио од најмалку три искуства поврзани со брендинг и маркетинг на прозиводи од природно потекло.
• Финансиска понуда.
• Пополнета Потврда за посветеност и Декларација за судир на интереси за индивидуални и физички лица (Анекс 1) или Изјава од понудувач (Анекс 2) за правни лица.

ПРИЈАВУВАЊЕ
Понуди треба да бидат доставени најдоцна до 27.08 2024 година, до 16:00 часот, на е-маил [email protected] со назнака Апликација за брендирање и маркетинг на производи од природата.

Повеќе информации можете да добиете на телефон +38978449209 или на е-маил [email protected] најдоцна до 20.08.2024 година. Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб-страницата на Еко-свест под објавата за повикот. Нецелосните понуди, односно понудите испратени после предвидениот рок за аплицирање, нема да бидат земени во предвид.

ЕВАЛУАЦИЈА НА КАНДИДАТИТЕ
Евалуационата комисија ќе ги извести само оние кандидати чија понуда ќе биде избрана. Канидатите ќе бидат оценувани по следните критериуми:

• Кратка биографија и референтни проекти – 60 бодови
• Финансиска понда – 40 бодови

Вкупно 100 бодови

Договор ќе биде склучен со оној кандидат кој освоил најмногу бодови, не подоцна од 15.09.2024.