by Elena Nikolovska | Mar 16, 2021 | Активно граѓанство, Клима, Повици
Во рамки на проектот ,,Промовирање на енергетска транзиција во С. Македонија”, спроведуван од Еко-свест, и активностите кои Еко-свест ги спроведува за потребите на проект „Заедниците за праведна транзиција’’, објавуваме повик за изработка и спроведување на медиумска кампања за процесот на праведна транзиција во земјата.
ЦЕЛ НА АКТИВНОСТА
Цел на оваа активност е информирање и едукација на граѓаните во земјава за моменталните процеси и потенцијалите за енергетска транзиција во регионите со јаглен во земјата како начин за доближување на влијанието кое овие региони го имаат врз климатските промени. Кампањата треба да придонесе кон зголемување на свесноста на граѓаните за важноста од спроведување соодветен процес на праведна транзиција со активно учество на сите засегнати чинители во општеството.
ЗАДАЧИ
Избраната компанија треба:
• Да соработува и да ги следи насоките за изработка и спроведување на кампањата од лицето назначено за комуникација од Еко-свест
• Да изработи дигитален маркетинг план и визуелен идентитет на кампањата во согласност со насоките од нарачателот
• Да го презентира дигиталниот маркетинг план и визуелен идентитет на кампањата пред нарачателот и да го модифицира во согласност со дадените насоки од нарачателот
• Да спроведе медиумска кампања за климатски промени во времетраење од три месеци
• Да изработи извештај за постигнатите резултати и да го достави на нарачателот
ВРЕМЕНСКА РАМКА И ВРЕДНОСТ НА ДОГОВОРОТ
Времето на изработка на дигиталниот маркетинг план е 7 (седум) дена од потпишување на договорот.
Времето на спроведување на кампањата е три месеци по одобрување на дигиталниот маркетинг план.
Времето на доставување на извештај за постигнатите резултати е најдоцна до четири месеци по потпишување на договорот.
Вредноста на договорот не може да надмине 4300 евра во денарска противредност без ДДВ.
Проектот е ослободен од ДДВ.
ПОТРЕБНА ДОКУМЕНТАЦИЈА ЗА АПЛИЦИРАЊЕ
При аплицирањето, заинтересираните компании треба да достават:
- Краток опис на компанијата
- Портфолио со сработени кампањи за дигитални медиуми со посебен осврт на теми од животна средина и климатски промени
- Тековна состојба не постара од 6 месеци
- Финансиска понуда по ставки.
Целокупната документација треба да биде доставена на македонски јазик во електронска форма.
КРИТЕРИУМИ ЗА АПЛИКАНТИТЕ
Компанијата која аплицира мора да ги исполнува следниве критериуми:
- Активна компанија која е формирана согласно Законите во Република С. Македонија, и постои најмалку 2 години.
ЕВАЛУАЦИЈА НА КАНДИДАТИТЕ
Евалуационата комисија ќе ги извести само оној кандидат чија понуда ќе биде избрана. Кандидатите ќе бидат оценувани по следните критериуми:
- Претходно искуство на компанијата 80 бодови
- Понудена цена 20 бодови
Договор ќе биде склучен со онаа компанија која освоила најголем број бодови во соодност квалитет на понуда и цена.
ПРИЈАВУВАЊЕ
Комплетната понуда, апликантите треба да ја испратат на еmail: [email protected] најдоцна до 22 март 2021 г. 16:00 часот, со назнака Апликација за изработка и спроведување на медиумска кампања.
Некомплетни понуди или понуди испратени по предвидениот рок нема да бидат земени во предвид.
Целосен повик овде. Повеќе информации можете да добиете на тел. 070 205 431
by Elena Nikolovska | Mar 4, 2021 | Природа, Соопштенија
По повеќе-месечeн консултативен процес за прогласување на дел од Шар Планина за национален парк, Владата усвои Предлог Закон со кој не обезбедува заштита од најголемиот еколошки проблем на планината, малите хидроелектрани,
Процесот на јавни консултации за Предлог Законот за прогласување на дел од Шар Планина за национален парк во голем дел беше одбележан од незадовоството на граѓаните и граѓанските организации за третманот на малите хидроелектрани на територијата на идното заштитено подрачје. Сепак, првата верзија на Предлог Законот, согласно препораките од Студијата за валоризација на Шар Планина, содржеше заштитни појаси за веќе изградените мали хидроелектрани. На овој начин тие беа третирани како инфраструктура која што има негативно влијание врз заштитата на природата и за која има потреба да се ограничи нивното негативно влијание.
Во верзијата која што беше усвоена од Владата, овие заштитни појаси ги нема и постои само заштитен појас за ски центарот Попова Шапка. Единствениот третман што го добиваат малите хидроелектрани е како постоечка инфраструктура од јавен интерес чие што одржување, според Предлог Законот, може да се одвива непречено во сите зони на паркот.
Со оглед на тоа што според Законот за заштита на природата, заштитата на природата претставува дејност од јавен интерес, а Шар Планина се заштитува согласно овој закон, нејасно е како инфраструктура која што има докажано негативно влијание врз природата може да постои и да функционира во сите зони на националниот парк, вклучително и зоната на строга заштита.
Законите кои во себе содржат терминологија чие толкување е општо, нејасно и широко го отежнува процесот на нивното имплементирање и нема да ја постигнат целта за кои се донесени. Во конкретниот случај законодавецот го користи терминот јавен интерес што би требало да биде толкуван согласно Законот за заштита на природата, бидејќи терминот јавен интерес употребен во други закони опфаќа резлични аспекти на „јавниот интерес“. Доколку се користат термините како јавен, безбедносен или стратешки интерeс нужно е да бидат дефинирани со цел законот навистина да обезбеди заштита на Шар Планина, да превенира злоупотреби и да исклучи можност за извршување забранети активности во зоните на заштита.
Исто така, нејасно е како е дојдено до ваквата измена во фазата на консултации. Објаснувањето дадено во Извештајот од спроведените јавни консултации е дека: „Покрај заштитата на природата важно е и одржувањето на споменатите објекти со што ќе се обезбеди нивно непречено функционирање. Тргнувајќи од фактот што водата за пиење, производството на електрична енергија, како и одржувањето на патиштата е од национален и локален интерес истото ќе биде непречено […]. Од тука, произлегува решението да објектите од јавен, стратешки и безбедносен интерес ќе може да се одржуваат во соработка со ЈУ НП Шар Планина и МЖСПП без оглед на зонирањето.“ Во истиот тој извештај сите коментари и забелешки од граѓанските активнисти и граѓаните се дадени изворно и со име и презиме, додека коментарите и забелешките од бизнис заедницата, стопанските комори, ЗЕЛС и општините воопшто не се дел од извештајот. Оттука, неме поврзаност помеѓу новите измени во Законот и барањата на консултираните страни.
Измените се исто така пренесени и во Анекс на Студијата за валоризација на Шар Планина, каде што е дефинирано новото зонирање на паркот и е тргната препораката за малите хидроелектрани да се воспостават заштитни појаси, нешто што беше обемно обработено во иницијалната студија.
„Доколку заштитата на природата е јавен интерес, а предмет на Предлог Законот е токму ова, тогаш сите други активности што имаат негативно влијание врз исполнувањето на целите од законот треба да бидат јасно дефинирани и ограничени. Првото решение со заштитни појаси за малите хидроелектрани нудеше многу појасно разграничување и овозможуваше подобра заштита на Шар Планина.“, изјави Давор Пехчевски од Еко-свест.
„Извештајот за консултации со јавноста кој МЖСПП го објавило на својата веб страна не е во согласност со правилата за процена на влијанието на регулативата затоа што не содржи целосни информации за сите добиени мислења од сите засегнати страни, преглед кои мислења се дадени од конкретна засегната страна ниту преглед на мислењата, забелешките и сугестиите кои не биле прифатени од страна на министерството и образложени причини за тоа“ изјави Јасна Оровчанец Аранѓеловиќ од Македонското здружение на млади правници.
„Ваквата формулација што е дадена во усвоениот Предлог Закон создава опасен преседан за сите подрачја што чекаат прогласување или репрогласување, а имаат сличен проблем со штетни инфраструктурни проекти. Доколку еднаш се дозволи постоење на вакви проекти во најстрого заштитените зони, тогаш веќе заштитата на природата го губи своето значење. Сите подрачја што чекаат заштита ќе бидат на уште поголем удар.“, дополни Ана Чоловиќ Лешоска од Еко-свест/ WWF Adria.
Граѓанските организации кои делуваат на поле заштита на природа се децидни дека заштитните појаси кои првично беа предложени околу секоја мала хидроелектрана во идниот парк треба да се вратат во Предлог Законот за прогласување на Шар Планина за национален парк.
by Elena Nikolovska | Mar 3, 2021 | Повици
Во рамки на проектот ,,Зелена економија за развој на регионот”, спроведуван од Еко-свест, финансиран од Европската Унија, објавуваме повик за подготовка и организирање на тридневен виртуелен настан од област зелена економија и клима.
ЦЕЛ НА АКТИВНОСТА
Цел на оваа активност е подигнување на јавната свест за важноста на зелената економија, заштитата на животната средина и одржливиот развој, што би резултирало во подобрување на состојбата на животната средина и механизмите за дијалог помеѓу граѓанските организации и државните институции на сите нивоа, како и поголемо вклучување на граѓанските организации во процесот на транзиција кон зелена економија.
ЗАДАЧИ
Избраната компанија треба:
• Да соработува и да ги следи насоките за подготовка и организирање на виртуелниот настан од страна на тимот на проектот „Зелена економија за развој на регионот“
• Да подготви и организира виртуелен настан, регионална конференција од областа на зелената економија и клима, во времетрање од три дена. Работилниците/панелите, треба да бидат соодветно испланирани во текот на 3 работни дена
• Да пронајде и подготви соодветни технички решенија за организирање и следење на виртуелниот настан- регионална конференција од областа на зелената економија и клима, во времетрање од три дена, како и за сите посебни работилници/панели. Треба да се обезбедат говорници и модератор (вклучувајќи и склучување договори), превод од мк-ен и ен-мк, интеракција на учесниците
• Да обезбеди снимки од виртуелниот настан, регионална конференција од областа на зелената економија и клима во времетрање од три дена, како и за сите посебни работилници/панели
• Да изработи дневен ред за виртуелниот настан, регионална конференција од областа на зелената економија и клима во времетрање од три дена, како и за сите посебни работилници/панели
• Да пронајде и ангажира говорници за сите посебни работилници/панели
• Да обезбеди модератор за сите посебни работилници/панели, дел од виртуелниот настан, регионална конференција од областа на зелената економија и клима
• Да обезбеди лице кое ќе генерира белешки од виртуелниот настан, регионална конференција од областа на зелената економија и клима во времетрање од три дена, како и за сите посебни работилници/панели
• Да подготви список на сите релевантни чинители во областа на зелената економија и клима на вируелниот настан и посебните (ГО, институции, приватен сектор, научно-истражувачки сектор)
• Да испрати покани за виртуелниот настан по емаил до сите релевантни чинители по претходни консултации со проектниот тим на проектот „Зелена економија за развој на регионот“
• Да изработи извештај за постигнатите резултати од виртуелниот настан и да го достави на нарачателот
ВРЕМЕНСКА РАМКА
Времето на подготовка на виртуелниот настан, регионална конференција од областа на зелената економија и клима во времетрање од три дена, како и за сите посебни работилници/панели е 20 (дваесет) дена од потпишување на договорот.
Времето на организирање/одржување на виртуелниот настан, регионална конференција од областа на зелената економија и клима во времетрање од три дена е месец април 2021 (втората седмица од месецот) .
Времето на доставување на извештај за постигнатите резултати, како и снимка од виртуелниот настан е 2 (две) седмици по завршување на настанот.
ПОТРЕБНА ДОКУМЕНТАЦИЈА ЗА АПЛИЦИРАЊЕ
При аплицирањето, заинтересираните компании/организации треба да достават:
- Краток опис на компанијата
- Портфолио со сработени виртуелни настани, особено од областа на животната средина
- Биографија од лицата кои ќе учествуваат во подготовка и организирање на виртуелниот настан
- Тековна состојба не постара од 6 месеци
- Финансиска понуда по ставки
Целокупната документација треба да биде доставена на македонски јазик во електронска форма.
КРИТЕРИУМИ ЗА АПЛИКАНТИТЕ
Компанијата која аплицира мора да ги исполнува следниве критериуми:
- Активна компанија која е формирана согласно Законите во Република С. Македонија, и постои најмалку 2 години.
ЕВАЛУАЦИЈА НА КАНДИДАТИТЕ
Евалуационата комисија ќе го извести само оној кандидат чија понуда ќе биде избрана. Кандидатите ќе бидат оценувани по следните критериуми:
- Претходно искуство на компанијата 30 бодови
- Биографии на лица ангажирани за настанот 50 бодови
- Финансиска понуда 20 бодови
Договор ќе биде склучен со онаа компанија која освоила најголем број бодови во сооднос квалитет на понуда и цена. Содржината на овој документ е одговорност единствено на Еко-свест и под никакви услови не може да се смета дека ги одразува ставовите на Европската унија.
ПРИЈАВУВАЊЕ
Комплетната понуда, апликантите треба да ја испратат на еmail: [email protected] најдоцна до 12 март 2021г. 16:00 часот, со назнака Апликација за подготовка и организирање на виртуелен настан- регионална конференција од областа на зелената економија и клима.
Некомплетни понуди или понуди испратени по предвидениот рок нема да бидат земени во предвид.
Повеќе информации можете да добиете на 071 339 306 или на [email protected].
by Elena Nikolovska | Feb 26, 2021 | Клима, Повици
The Center for environmental research and information Eko-svest, as part of the project “Decarbonising N. Macedonia through implementation of just transition policies and practices”, is seeking an expert for the preparation and drafting of a Just transition definition to be used for further advocacy work.
Objectives of the activity
The energy transition in N.Macedonia has started without a clear longterm strategy and this is clearly visible because a Just Transition definition is lacking from climate and energy documents currently drafted. It is therefore of the utmost importance to gather decision-makers on the national level in a workshop and explain the need for a JT strategy and the requirements for a JT process. In this workshop, a definition for JT should be proposed and discussed.
It is the objective of the hereby advertised activity to provide this proposed definition based on the experiences in Kicevo, discussions with local relevant stakeholders, interested Members of Parliament, Vice prime minister for economic affairs, as well as based on international relevant definitions presented as case studies.
Objectives:
1. Producing position paper/study containing at least one draft JT definition (to be used in future advocacy);
2. Present and discuss said definition in a workshop with a broad stakeholder group (organisation of workshop is outside of the scope of this call).
Responsibilities of expert
1. Discuss JT with selected stakeholders and assess views on definition of JT with a bottom up approach;
2. Prepare position paper/study with relevant case studies of JT definitions in other EU countries;
3. Propose guidance, recommendations and at least one suitable definition of JT in the position paper/study;
4. Present findings in a joint stakeholder meeting on JT definition organised by Eko-svest (organisation of meeting is outside of scope of this call).
Timeframe and contract value
Duration of the assignment is expected to be between 5 and 8 expert days in the period until 26th March 2021 when final position paper should be submitted to project team. Work should begin right after contract signing (10th March).
Contract value cannot exceed 1500 EUR gross amount. The project is NOT VAT excluded and all taxes, including VAT, should be calculated as part of the gross amount.
The successful applicants must meet all of the selection criteria below
– At least 3 (three) years of proven experience in working on just transition, climate justice, climate change, environmental issues and justice and/or human rights;
– A university degree in law, climate change science, environment, economics, public administration management, sustainable development or social sciences;
– Strong sustainability work background;
– Working with CSOs is a must;
– Excellent communication and presentation skills;
– Proven experience in working with different stakeholders;
– Ability to work independently as well as in cooperation with project team.
Evaluation of applications
The evaluation commission will only inform selected candidate. Candidates will be evaluated based on:
Previous experience, 35pt
Position paper/study outline, 50pt
Financial offer, 15pt
Total of 100pt.
Selected candidate will be informed and contract signed no later than 10th March 2021.
Application procedure
Applications must be submitted by email to [email protected] no later than 16:00 CET on 8th March 2021.
The email subject line must say: Application for expert on just transition definition
The application must include the following:
– CV in English or Macedonian;
– A one-page cover letter in English or Macedonian, which provides concrete examples of how the applicant’s experience and skills meet the assignment;
– A very short proposed outline of the position paper (max. 2 paragraphs);
– Financial offer.
by Elena Nikolovska | Jan 20, 2021 | Активно граѓанство, Енергија, Клима, Соопштенија
Во текот на 2020 година, нашата Влада зацрта високи и амбициозни цели во секторите енергија и клима кои ќе биде тешко да се достигнат доколку не забрзаат процесите за транзиција на ТЕЦ на јаглен кон обновливи извори на енергија, меѓутоа и транформирање на економијата во регионите со јаглен како никој не би останал без работа и егзистенција.
Реалноста е дека ние немаме повеќе време да се лажеме дека можеме да ги одржуваме термоелектраните на јаглен во земјава, немаме ниту јаглен ниту финансиски средства за одржување на сите вработени во тие термоелектрани бидејќи има превработеност. Не можеме да си дозволиме ниту да продолжат да работат како досега, без потребниот десулфуризатор, бидејќи луѓе ни умираат од канцерогени заболувања секој ден, особено во Битолскиот регион.
За да се спасат Кичевскиот и Битолскиот регион од замирање потребно е веднаш да започне процесот на долгорочно планирање на праведната транзиција- усвојување на план за праведна транзиција на овие региони и во овој процес мора активно да учествуваат работниците, синдикатите, локалното население, малите и традиционални бизниси, граѓанските организации и локалните власти од Кичевскиот и Битолскиот регион. Потребни се анализи на работоспособното население во регионите и можности за развој на алтернативни економски гранки за да се обезбеди понатамошен развој на овие региони.
Владата има должност да не ги заборави граѓаните од овие региони и да мобилизира финансиски средства во насока на реализација на зацртаните цели во План за праведна транзиција кој мора итно да се донесе. Властите мора да бидат апсолутно транспарентна со сите засегнати чинители. Приватните бизниси можат да помогнат, локалното население е заинтересирано да произведува електрична енергија од сонцето со поставување фотоволтаици на кровови на домаќинствата, бизнисите и јавните згради- потребна е доверба. Одговорноста и на локалните власти во подршка и фасилитирање на овие процеси е огромна.
За овие локални избори за Кичево и Битола ќе биде важна само енергетската транзиција и обезбедување зелен економски раст и развој на овие региони и здрави граѓани, и ние цврсто ќе застанеме на страната на граѓаните. Се надеваме дека Владата ќе биде партнер и ќе го реализира ветеното.
Најнови коментари