Во рамки на проектот ,,Да зборуваме за климатските промени”, спроведуван од Еко-свест, ЦНВП Македонија и ДЕМ, финансиран од Европската Унија, објавуваме повик за подготовка и организирање на повеќедневен виртуелен настан од областа климатски промени.
ЦЕЛ НА АКТИВНОСТА
Цел на оваа активност е зајакнување на националната мрежа за климатски промени како и создавање понатамошни приоритети и насоки за работа на коалицијата.
ЗАДАЧИ
Избраната компанија/организација треба да:
Да соработува и да ги следи насоките за подготовка и организирање на виртуелниот настан од страна на проектниот тим на проектот „Да Зборуваме за климатските промени“
Да подготви и организира виртуелен настан, завршна конференција од областа на климатски промени во времетрање од две седмици. Работилниците треба да бидат соодветно испланирани во текот на 10 работни дена.
Да пронајде и подготви соодветни технички решенија за организирање и следење на виртуелен настан, завршна конференција од областа на климатски промени во времетрање од две седмици како и за сите посебни работилници. Мора да се обезбедат услови за најмалку тројца говорници физички присутни во студиото/избраната локација, превод од мк-ен и ен-мк како и можност за следење во живо и интеракција на настанот за најмногу 100 учесници
Да обезбеди снимки од виртуелен настан, завршна конференција од областа на климатски промени во времетрање од две седмици како и за сите посебни работилници
Да изработи дневен ред за виртуелен настан, завршна конференција од областа на климатски промени во времетрање од две седмици како и за сите посебни работилници
Да пронајде и ангажира говорници за сите посебни работилници
Да обезбеди модератор за сите посебни работилници дел од виртуелен настан, завршна конференција од областа на климатски промени
Да обезбеди лице кое ќе фаќа белешки од виртуелен настан, завршна конференција од областа на климатски промени во времетрање од две седмици како и за сите посебни работилници
Да подготви список на сите релевантни чинители во областа климатски промени на вируелниот настан и посебните (ГО, институции, приватен сектор, научно-истражувачки сектор) работилници
Да испрати покани за виртуелниот настан по емаил до сите релевантни чинители по претходни консултации со проектниот тим на проектот „Да Зборуваме за климатските промени“
Однапред да го промовира настанот преку традиционалните и нови медиуми и да изработи и спроведе кампања на социјални медиуми за промовирање на резултатите од проектот „Да Зборуваме за климатските промени“
Да ги проследи клучните пораки од настанот, посебните работилници на официјалните профили на социјалните мрежи, вклучително и графички дизајн на истите
Да ги комуницира резултатите од виртуелен настан, завршна конференција од областа на климатски промени во времетрање од две седмици како и за сите посебни работилници со сите засегнати чинители
Да изработи медиумски пакет за виртуелен настан, завршна конференција од областа на климатски промени во времетрање од две седмици како и за сите посебни работилници
Да изработи извештај за постигнатите резултати и да го достави на нарачателот
ВРЕМЕНСКА РАМКА И ВРЕДНОСТ НА ДОГОВОРОТ
Времето на подготовка на виртуелен настан, завршна конференција од областа на климатски промени во времетрање од две седмици како и за сите посебни работилници е 20 (дваесет) дена од потпишување на договорот. Времето на организирање на виртуелен настан, завршна конференција од областа на климатски промени во времетрање од две седмици е крајот од месец март (22.03.2021 – 2.04.2021). Времето на доставување на извештај за постигнатите резултати е 2 (две) седмици по завршување на настанот.
ПОТРЕБНА ДОКУМЕНТАЦИЈА ЗА АПЛИЦИРАЊЕ
При аплицирањето, заинтересираните компании/организации треба да достават:
Краток опис на компанијата/ организацијата
Портфолио со сработени виртуелни настани, особено од областа животна средина и клима
Биографија од лицата кои ќе учествуваат во подготовка и организирање на виртуелниот настан
Тековна состојба не постара од 6 месеци
Финансиска понуда по ставки
Целокупната документација треба да биде доставена на македонски јазик во електронска форма.
КРИТЕРИУМИ ЗА АПЛИКАНТИТЕ
Компанијата која аплицира мора да ги исполнува следниве критериуми:
Активна компанија/организација која е формирана согласно Законите во Република С. Македонија, и постои најмалку 2 години.
ЕВАЛУАЦИЈА НА КАНДИДАТИТЕ
Евалуационата комисија ќе ги извести само оној кандидат чија понуда ќе биде избрана. Кандидатите ќе бидат оценувани по следните критериуми:
Претходно искуство на компанијата 30 бодови
Биографии на лица ангажирани за настанот 50 бодови
Понудена цена 20 бодови
Договор ќе биде склучен со онаа компанија која освоила најголем број бодови во соодност квалитет на понуда и цена. Содржината на овој документ е одговорност единствено на Еко-свест, ЦНВП Македонија и ДЕМ и под никакви услови не може да се смета дека ги одразува ставовите на Европската унија.
ПРИЈАВУВАЊЕ Комплетната понуда, апликантите треба да ја испратат на еmail: [email protected] најдоцна до 8 февруари 2021 г. 16:00 часот, со назнака Апликација за подготовка и организирање на виртуелен настан. Некомплетни понуди или понуди испратени по предвидениот рок нема да бидат земени во предвид. Повеќе информации можете да добиете на тел. 070 205 431
На 40та седница на Постојаниот комитет на Бернската конвенција (Конвенција за заштита на дивиот растителен и животински свет и природните живеалишта во Европа) беше повторно разгледуван случајот за Маврово и изградбата на хидроелектраните во паркот. Иако дел од проблемите се надминати со стопирањето на Бошков Мост и Луково поле, на Паркот му претстојат нови закани.
За случајот: Во 2013 година, Центарот за истражување и информирање за животна средина Еко-свест поднесе жалба до Бернската Конвенција со која образложи дека доколку се изградат планираните хидропроекти во НП Маврово, Република Македонија ќе ги прекрши постулатите на Бернската Конвенција која ја има ратификувано во 1997 година. Во 2015 година, Постојаниот комитет на Бернската Конвенција донесе резолуција со која бара од Владата на Република Македонија да ги суспендира сите планирани хидро проекти се додека не спроведе стратегиска оцена на севкупното влијание на сите планирани проекти во паркот. Воедно, во резолуцијата се бараше меѓународните финансиски институции кои ги поддржуваа Бошков мост и Луково поле, да ги преиспитаат своето учество во истите. Набргу потоа, Европската банка за обнова и развој и Светската банка се откажаа од своите проекти, а во 2018 година Владата на Република Македонија ги повлече Бошков Мост и Луково Поле од својата нова Енергетска стратегија.
Но, и покрај тоа што големите хидропроекти се минато, во Маврово беа доделени голем број концесии за изградба на мали хидроелектрани, а Паркот функционира без нов Закон и план за управување. Студијата за валоризација е спорна поради зонирањето кое во 2015 година покажа „кроење“ на зоните за потребите на хидро-инвеститорите. Оттогаш, процесот е стопиран.
„На Маврово му се заканува и постојан инфраструктурен развој,на што сме сведоци во последниот период, а без закон и план за управување со Паркот, ваквите активности можат да бидат погубни за живеалиштата и видовите во паркот, но и за луѓето“, вели Ана Чоловиќ Лешоска од Еко-свест, која за кампањата за спас на Маврово во 2019 година ја доби престижната Голдман награда. Таа посочува дека без закон за Маврово, но и без нов Закон за природа го ставаме под ризик еден од најстарите Европски паркови.
На 40та седница на Постојаниот комитет на Бернската Конвенција се дискутираше за следните чекори во случајот. Поради пандемијата оваа година беше одложена експертската мисија од Бернската Конвенција, која требаше да даде препораки за Маврово, но и за другите заштитени подрачја во рамки на Емералд мрежата, која е од значење за целиот Европски континент, вклучувајќи го и Охридското езеро. Според Бернската конвенција, спроведување на експертска мисија во Македонија е од најголем приоритет.
На прашањето дали може Маврово да биде позитивен случај и истиот брзо да се реши, Чоловиќ Лешоска одговара дека тоа е можно, доколку Владата и Министерството за животна средина покажат посветеност за состојбата. Тоа би значело итно стопирање на сите инфраструктурни активности се додека не се спроведе анализа за кумулативните влијанија на сите проекти врз вредностите на Паркот и донесување на Закон за Маврово. Само на тој начин ќе можеме случајот да го затвориме и да бидеме позитивен пример за земјите во регионот и Европа.
Конкретни информации, мерење на сите високозагадувачки супстанции, информирање и известување на граѓаните, тесна соработка и координирани активности помеѓу локалните и централните власти се основните потребни факти за решавање на проблемот со аерозагадување. Ова се главните заклучоци од средбата организирана од Еко-свест и ФЕС канцеларијата во Скопје на која колегите од граѓанската иницијатива Polish Smog Alert ги споделија своите предизвици и искуства во соработката со локалните и централните власти во насока на изнаоѓање решенија за аерозагадувањето.
За време на нашето истражување, прво почнавме само да ја информираме јавноста во Краков за високите нивоа на загадувачи во воздухот кој го дишат. Потоа ги едуциравме за последиците врз здравјето од загадениот воздух, особено поради согорувањето на отпад, јаглен и дрва за загревање на домаќинствата во градот. Добивме голема поддршка од експерти и медицински лица меѓутоа и од жителите на Краков. Ова резултираше со донесување законска забрана за затоплување на домаќинствата на територијата на Краков со јаглен и дрва, побјасни Ана Двораковска од Polish Smog Alert.
Според Двораковска, на оваа законска забрана секако претходно биле обезбедени финансии за замена на загревањето на социјално загрозените жители, процес кој преку субвенционирање на грејните тела веќе започна и кај нас, и токму затоа носење на ваква законска забрана во моментов би бил значителен чекор напред во борбата со аерозагадувањето во пренаселените урбани средини.
Можеме да бараме вина за аерозагадувањето, но најдобро е да побараме решенија. Соработката помеѓу сите чинители на централно и локално ниво е клучна во процесите на носење регулатива и политики за справување со аерозагадувањето, дополни и Ивана Вучкова од ФЕС Скопје.
Министерот за животна средина и просторно планирање Насер Нуредини кој беше присутен на средбата изрази силна желба за понатамошна соработка со полските институции, но и невладиниот сектор во насока на пресликување на успешните примери за подобрување на квалитетот на воздух.
Според извршната директорка Ана Чоловиќ Лешоска на Еко-свест во време на светска криза која ни даде црвено светло и не освести за здравјето на луѓето и за различните влијанија на загадувањето во комбинација на ширењето на вирусот Ковид-19, се покажа дека тоа е голем удар врз здравјето, а тоа го потврдуваат и докторите, така што крајно време е за построга регулатива во земјава и за повисоки стандради за квалитетот на воздухот кој го дишеме.
Започнавме разговори со надлежните институции во однос на можноста да се воведе забрана за согорување јаглен во домаќинствата врз основа на истражувања кои беа направени за изворите на загадувањето во Скопје. Одржавме работилница со сите надлежни институции на која главниот заклучок беше дека постои интерес да се воведе забраната, врз основа на што изработивме предлог решение, нацрт закон кој може да се разгледува самостојно или да се инкорпорира во други постојни закони- истакна Ана Чоловиќ Лешоска извршната директорка на Еко-свест.
Во рамки на проектот ,,Да зборуваме за климатските промени”, спроведуван од Еко-свест, ЦНВП Македонија и ДЕМ, финансиран од Европската Унија и активностите кои Еко-свест ги спроведува за потребите на проект „Промовирање на енергетска транзиција во С. Македонија’’, објавуваме повик за изработка на краток документарен филм за енергетската транзиција во земјата.
ЦЕЛ НА АКТИВНОСТА Цел на оваа активност е прикажување на моменталните процеси и потенцијалите за енергетска транзиција во регионите со јаглен во земјата како начин за доближување на влијанието кое овие региони го имаат врз климатските промени.
ПРИЈАВУВАЊЕ Комплетната понуда, апликантите треба да ја испратат на еmail: [email protected] најдоцна до 12 ноември 2020 г. 16:00 часот, со назнака Апликација за изработка на краток документарен филм. Некомплетни понуди или понуди испратени по предвидениот рок нема да бидат земени во предвид. Повеќе информации можете да добиете на тел. 070 205 431
Повеќе информации за критериумите и потребна документација за аплицирање може да најдете на овој линк.
Во рамки на проектот ,,Да зборуваме за климатските промени”, спроведуван од Еко-свест, ЦНВП Македонија и ДЕМ, финансиран од Европската Унија и активностите кои Еко-свест ги спроведува за потребите на проект „Промовирање на енергетска транзиција во С. Македонија’’, објавуваме повик за изработка и спроведување на медиумска кампања за влијанието кое енергетската транзиција го има врз климатските промени.
ЦЕЛ НА АКТИВНОСТА Цел на оваа активност е информирање и едукација на граѓаните во земјава за моменталните процеси и потенцијалите за енергетска транзиција во регионите со јаглен во земјата како начин за доближување на влијанието кое овие региони го имаат врз климатските промени. Кампањата треба да придонесе кон зголемување на свесноста на македонските граѓани за важноста на справувањето со климатските промени во сите сектори и на сите нивоа на донесување на одлуки како значаен чекор во спроведувањето на успешен процес на пристапување кон ЕУ и да се опфатат со активностите групите на граѓани кои во дадената заедница се најзасегнати од климатските промени или најмногу придонесуваат кон нив.
ПРИЈАВУВАЊЕ Комплетната понуда, апликантите треба да ја испратат на еmail: [email protected] најдоцна до 12 ноември 2020 г. 16:00 часот, со назнака Апликација за изработка и спроведување на медиумска кампања. Некомплетни понуди или понуди испратени по предвидениот рок нема да бидат земени во предвид. Повеќе информации можете да добиете на тел. 070 205 431
Повеќе информации за критериумите и потребна документација за аплицирање може да најдете на овој линк.
Најнови коментари