за Изработка на тематски извештаи од Студија за валоризација на вредностите на Демиркаписката клисура и околината заради прогласување за заштитено подрачје
Центарот за истражување и информирање за животната средина „Еко – свест“ во рамки на регионалната иницијатива „Заедно за реките“ финансирана од The Nature Conservancy, објавува Повик за ангажирање на индивидуални консултанти или компании за подготовка на извештаи од предвидените тематски области кои ќе бидат дел од Студија за валоризација на вредностите на Демиркаписката клисура и околината.
Цел на активноста
Со извештаите треба да се обезбеди преглед на постоечките состојби и да се идентификуваат, документираат и категоризираат сите карактеристики на биолошкото, геолошкото и хидролошкото богатство на подрачјето на Демиркаписката клисура и сливот на реката Вардар на територијата на општина Демир Капија.
Покрај документирање на постоечката состојба, намената на тематските извештаи е да бидат составен дел од Студијата за валоризација на предложеното подрачје Демиркаписка клисура и околината, а крајната цел е репрогласување на тој регион за заштитено подрачје.
Извештаите и Студијата за валоризација на предложеното подрачје Демиркаписка клисура и околината, треба да биде во согласност со Законот за заштита на природата (“Сл.весник на Република Македонија” бр.67/04,14/06, 84/07, 35/10, 47/11, 148/11, 59/12, 13/13, 163/13 и 41/14) и Правилникот за содржинатa на Студијата за валоризација или ревалоризација на заштитени подрачја (“Сл.весник на Република Македонија”бр.26/12).
Потребни квалификации на понудувачите
Сите експерти (индивидуални или како дел од експертските тимови/компании) треба да ги имаат следните квалификации:
Високо образование во бараната тематска област (препорачливо М-р или Д-р) или работно искуство од најмалку 5 години во бараната област;
Искуство во работа на најмалку 3 (претходно) изработени Студии за валоризација/ревалоризација или слични анализи; и
Развиени истражувачки и аналитички способности.
Услови на повикот
На повикот може да аплицираат поединечни експерти и/или оформени тимови и компании од земјата и странство. Заинтересираните кандидати или тимови/компании, кои ги исполнуваат условите, документите треба да ги достават во електронска верзија на македонски или англиски јазик на е-пошта до [email protected] со назнака „Пријава за изработка на тематски извештаи од Студија за валоризација на вредностите на Демиркаписката клисура и околината“.
Начин на пријавување
Заинтересираните кандидати кои ги исполнуваат условите треба да достават:
За физички лица:
Понуда за изработка на извештаите, во која ќе се наведе/ат тематските/а област/и за која/и се аплицира наведена во Анекс 1;
Биографија (CV) со информација за најмалку 3 претходни изработени извештаи од студии или трудови од бараната проблематика или слични анализи.
Финансиска понуда со преглед на трошоци по ставки и квантификација на експертски денови.
Потврда за посветеност: Кодекс на однесувањена Еко-свест и декларација за судир на интереси (Анекс 2).
За правни лица/компании:
Понуда за изработка на извештаите, во која ќе се наведе/ат тематските/а област/и за која/и се аплицира наведена во Анекс 1;
Портфолио на компанијата со најмалку 3 претходни изработени извештаи во рамки на Студии за ре/валоризација или Студии за оцена на влијанието на животната средина во бараната област;
Биографија (CV) со информација за најмалку 3 претходни изработени извештаи од студии или трудови од бараната проблематика или слични анализиза секој член на тимот кој ќе учествува во изработка на извештаите;
Финансиска понуда со преглед на трошоци по ставки и квантификација на експертски денови;
Пополнета изјава за незапаѓање во ситуација која е основа за исклучување од учество во набавката (Анекс 3).
Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2024 (за правни лица); pотврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси од страна на избраниот кандидат (физичко лице) или изјава дека ги исплонува критериуме за учество (правно лице); биографии (CV) на консултантите; листа на референци/портфолио.
За сите прашања, контактирајте нè на [email protected] најдоцна до 08.04.2025 година. Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест во коментари под објавата за повикот и достапни за сите.
Доставените материјали остануваат во архивата на Еко-свест.
Понудите кои ќе пристигнат по наведениот рок или без целосна документација, нема да бидат разгледувани.
Рокови, временска рамка и локација на спроведување на активностите
Повикот е отворен до 12.04.2025. РОКОТ Е ПРОДОЛЖЕН ДО 18.04.2025.
Истражувањата ќе се спроведуваат во рок од 6 месеци почнувајќи од април 2024 година. Истражувањата ќе се споведуваат на територија на општина Демир Капија.
Критериум за избор на најсоодветна понуда
По истекот на рокот за пријавување, ќе се креира Комисија од 3 члена која ќе изврши бодување на пристигнатите понуди. Кандидатите за секоја тематска област ќе бидат оценувани според следните критериуми:
1.Портфолио на кандидатот (60 бодови) со вклучен преглед на претходни изработени студии/анализи во рамки на Студии за валоризација и/или Студија за оценка на влијанието врз животната средина; 2.Финансиска понуда (40 бодови). Вкупно 100 бодови
Еко – свест ќе ги контактира избраните понудувачи, не подоцна од 7 дена од истекот на периодот за доставување на понуда.
Договор ќе биде склучен со кандидатите кои освоиле најголем број бодови во сооднос квалитет на понуда и цена.
Анекс 1: Детален опис на работната задача Основни информации Регионалната иницијатива „Заедно за реките“ е посветена на зачувувањето на 13 реки во пет земји на Југоисточна Европа каде што сè уште може да се најдат некои од последните диви реки на континентот. Иницијативата ги промовира реките како крвоток на заедниците и екосистемите кои обезбедуваат чиста вода за пиење, го одржуваат биодиверзитетот и го овозможуваат животот на локалните заедници. Оваа иницијатива се заснова на верувањето дека вклучувањето и зајакнувањето на локалните заедници е клучно за ефективна и трајна заштита на реките како природни ресурси. Истакнувајќи ја вклученоста на локалните заедници, The nature Conservancy и шест партнерски организации од БиХ, Црна Гора, Хрватска, С. Македонија и Србија работат на воспоставување на нови заштитени подрачја покрај реките со цел да се зачуваат нивните природни, социјални и културни вредности. Преку воспоставување на заштита и добро управување со заштитените подрачја ќе се обезбеди директен придонес во исполнувањето на меѓународните обврски на кои се обврза С. Македонија, а тоа се: Европскиот зелен договор, Зелената агенда на ЕУ за Западен Балкан и Глобалната рамка за биолошка разновидност Кунмин- Монтреал од декември 2022 година. Иницијативата „Заедно за реките“ во С. Македонија ја спроведува Еко-свест со цел да се обезбеди заштита на долниот тек на реката Вардар и нејзините притоки кои минуваат низ територијата на општина Демир Капија, со фокус на придобивките од реката за животот на локалните заедници. Обем и детален опис на услугата За целите на тематските извештаи од Студијата за валоризација, согласно Законот за заштита на природата („Сл.весник на Република Македонија“ бр.67/04, 14/06, 84/07, 35/10, 47/11, 148/11, 59/12, 13/13, 163/13 и 14/14) и Правилникот за содржината на Студијата за валоризација или ревалоризација на заштитено подрачја („Сл.весник на Република Македонија“ бр.26/12), експертскиот тим или индивидуалниот консултант е должен: o Да ја следи методологијата и предложените тематски области од Еко-свест согласно обемот на истражувањето. o Да спроведе научно истражување и прибирање на технички и научни податоци; o Да ги користи расположливите информации и постоечките документи кои се јавно достапни (извештаи, анализи од различни организации/институции од областа и др.); o Да подготви и поднесе барање за слободен пристап до информации од јавен карактер; o Да подготви и поднесе барање за истражувачки активности на територијата на Општина Демир Капија и барање за дозвола за истражување во природа до МЖСПП;
o Да споделува информации за подготовка на студијата преку заеднички координативни состаноци со останатите експерти за подготовка на студијата o Да учествува на форумите со засегнати страни во општина Демир Капија и на други локации во организација на Еко-свест и Општина Демир Капија. Експертите (секој соодветно) треба да ги спроведат следните работни задачи: Експерт за живеалишта: o Да изработи извештај (преглед и анализа) на следните групи: шумски и ливадски живеалишта o Да изработи база на податоци по образец o Да подготви карти на дистрибуција за клучни живеалишта од европско и национално значење o Да подготви карта за мапирање на основните екосистеми o Да предложи надворешни граници и зонирање во ГИС за определеното подрачје o Да учествува на јавни консултативни состаноци за презентација и дискусија на нацртот и конечната Студија за валоризација на предложеното подрачје o Да пополни листа на закани и предизвици кои влијаат на шумските и ливадските живеалишта во образец од Еко-свест Експерт за алги: o Да изработи извештај преглед и анализа на следните групи: алги o Да изработи база на податоци по образец o Да подготви карти на дистрибуција за клучни алги од европско и национално значење o Да подготви карта за мапирање на основните екосистеми o Да предложи надворешни граници и зонирање во ГИС за определеното подрачје o Да учествува на јавни консултативни состаноци за презентација и дискусија на нацртот и конечната Студија за валоризација на предложеното подрачја o Да пополни листа на закани и предизвици кои влијаат на алгите во образец од Еко-свест Експерт за габи: o Да изработи извештај преглед и анализа на следните групи: габи o Да изработи база на податоци по образец o Да подготви карти на дистрибуција за клучни габи од европско и национално значење o Да подготви карта за мапирање на основните екосистеми o Да предложи надворешни граници и зонирање во ГИС за определеното подрачје o Да учествува на јавни консултативни состаноци за презентација и дискусија на нацртот и конечната Студија за валоризација на предложеното подрачја o Да пополни листа на закани и предизвици кои влијаат на габите во образец од Еко-свест Експерт за инсекти: o Да изработи извештај преглед и анализа на следните групи: пеперутки, скакулци, тркачи и сапроксилни инсекти o Да изработи база на податоци по образец o Да подготви карти на дистрибуција за клучни видови од европско и национално значење o Да подготви карта за мапирање на основните екосистеми o Да предложи надворешни граници и зонирање во ГИС за определеното подрачје o Да учествува на јавни консултативни состаноци за презентација и дискусија на нацртот и конечната Студија за валоризација на предложеното подрачје o Да пополни листа на закани и предизвици кои влијаат на таксономските групи на инсектите во образец од Еко-свест Експерт за птици: o Да изработи извештај преглед и анализа на следните групи: птици o Да подготви карти на дистрибуција за клучни птици од европско и национално значење o Да изработи база на податоци по образец o Да подготви карта за мапирање на основните екосистеми o Да предложи надворешни граници и зонирање во ГИС за определеното подрачје o Да учествува на јавни консултативни состаноци за презентација и дискусија на нацртот и конечната Студија за валоризација на предложеното подрачје o Да пополни листа на закани и предизвици кои влијаат на птиците во образец од Еко- свест Експерт за цицачи: o Да изработи извештај преглед и анализа на следните групи: цицачи o Да подготви карти на дистрибуција за клучни цицачи од европско и национално значење o Да изработи база на податоци по образец o Да подготви карта за мапирање на основните екосистеми o Да предложи надворешни граници и зонирање во ГИС за определеното подрачје o Да учествува на јавни консултативни состаноци за презентација и дискусија на нацртот и конечната Студија за валоризација на предложеното подрачје o Да пополни листа на закани и предизвици кои влијаат на цицачите во образец од Еко-свест Експерт за лилјаци: o Да изработи извештај преглед и анализа на следните групи: лилјаци o Да подготви карти на дистрибуција за клучни лилјаци од европско и национално значење o Да изработи база на податоци по образец o Да подготви карта за мапирање на основните екосистеми o Да предложи надворешни граници и зонирање во ГИС за определеното подрачје o Да учествува на јавни консултативни состаноци за презентација и дискусија на нацртот и конечната Студија за валоризација на предложеното подрачје o Да пополни листа на закани и предизвици кои влијаат на лилјаците во образец од Еко-свест Експерт за геодиверзитет: o Да изработи извештај преглед и анализа на геодиверзитет o Да подготви карти на дистрибуција за клучни елементи на геодиверзитетот o Да предложи надворешни граници и зонирање во ГИС за определеното подрачје o Да учествува на јавни консултативни состаноци за презентација и дискусија на нацртот и конечната Студија за валоризација на предложеното подрачје o Да пополни листа на закани и предизвици кои влијаат на лилјаците во образец од Еко-свест
*Еден консултант може да се пријави да изработи извештаи за повеќе од една таксономска група, односно повеќе од една тематска област. Исто така, група на консултанти може да се пријават за изработка на една такспномска група. *Извештаите од Студијата треба да бидат изработени на македонски или англиски јазик.
Контакт лица: *Ѓорѓи Митревски, Раководител на програма Води [email protected] тел.за контакт 071-232-103
Како дел од програмата New Energy Academy 2025, имавме можност да се запознаеме со првата енергетска заедница во Бугарија, EC RDNO – Габрово. Oваа енергетска заедница е континуиран процес и на енергетска транзиција и социјалните иновации. Општина Габрово има за цел да се справи со предизвиците на енергетскиот пазар, создавајќи нов модел за користење на обновливи извори на енергија во заедницата.
Енергетска заедница е концепт кој им овозможува граѓаните, малите бизниси и локалните власти да создадат заеднички сопствен извор на енергија преку користење на обновливи извори (на пр. фотоволтаична енергија), со цел да се намали влијанието на климатските промени и да се зголеми енергетската независност на заедницата, како и да се придонесе за локална општествена и економска корист.
Енергетска заедница EC RDNO – Габрово
Eнергетската заедница RDNO – Габрово е иновативна иницијатива на општина Габрово која има за цел да се справи со предизвиците на енергетскиот пазар. Обединувајќи ресурси, финанси, терени и знаење, проектот создава извор на сопствена енергија и оваа енергетска заедница е активна од 2022 година. Проектот на Габрово, кој е развиен со буџет од 100 000 евра, произведува 113 MWh годишно преку 181 фотоволтаични панели од 550 Wp. Со вкупна инвестиција од 80,000 евра и за 10 години може да се очекува принос од 22%.
Енергетската заедница брои 73 члена, вклучувајќи жители на Габрово, граѓани од други делови на Бугарија и шест правни лица. Членовите се разнородна група на профили, обединети од желбата да развијат иновативен пристап за обезбедување чиста енергија, да научат повеќе за кооперативниот модел и да инвестираат во соларно производство.
Оваа енергетска заедница во Габрово не е само обичен проект – тоа е модел за иднината каде граѓаните се активни учесници, а не само потрошувачи на енергија. Кога државата и граѓаните работат заедно, не само што создаваат одржливи енергетски решенија, туку и ја зајакнуваат локалната економија и еколошка стабилност.
Што се менува?
Традиционални модели: • Големите компании произведуваат енергија • Енергетските проекти се затворени за граѓаните • Граѓаните немаат глас и не учествуваат во донесувањето одлуки Новиот модел: • Вклучување на граѓаните во енергетскиот пазар • Соработка помеѓу јавните институции и локалните заедници • Граѓаните се ПРОСУМЕРИ • Пристап до енергетски проекти Габрово не е само инспирација, туку и доказ дека иднината на енергијата е зелена, демократска и локална. Овој пример ни покажа како преку солидарност и иновации, локалните заедници можат да создадат значајни промени. New Energy Academy 2025 е петмесечна програма за партнери на Европскиот климатски фонд (ECF) која се одржува од март до јуни 2025 година. Оваа петмесечна програма ќе им помогне на учесниците од Југоисточна Европа, Молдавија, Грузија, Украина и Словенија да развијат технички и прфесионални вештини, како и да се вклучат во мрежи за активно учество во енергетската транзиција во нивните земји.
Климатските промени се еден од најсериозните проблеми со кои се соочува светот денес. Ја загрозуваат безбедноста на граѓаните, нивното здравје и производството на храна. Како земја која ги трпи последиците од климатските промени, но нема финансиски средства да се справи со штетите и загубите, Република Македонија е исклучително ранлива на климатските промени. И токму поради ова станува исклучително важно сите чинители во земјата кои работат на климатските политики да ја усогласат и интензивираат комуникацијата на овие теми со граѓаните.
За оваа цел, на 13-14 март во Скопје, Еко-свест организираше работилница за подобрување на комуницирањето на климатските промени помеѓу сите засегнати страни но и со јавноста, а во насока на зголемување на знаењата и информациите за овие теми кај надлежните институции и граѓанските организации кои работат на темите заради постигнување на зацртаните климатски цели на земјата и подигнување на свеста кај граѓаните. Работилницата ја спроведе Рене Карунуган, д-р во политички комуникации со повеќе од една деценија искуство во комуникацирање клима, развој на медиумски стратегии и подигнување на капацитети за разбирање климатски комуникации.
На работилницата учество земаа претставници од Министерството за животна средина и просторно планирање, Министерството за енергетика, рударство и минерални суровини, Бирото за развој на образованието, претставници на општини и претставници од граѓански организации и иницијативи. Сите чинители заедно преку методот на ко-создавање работеа на лоцирање на целните групи, соодветни пораки и можни решенија за надминување на пречките во комуникацијата помеѓу институциите и помеѓу институциите и граѓаните, но и дефинирање на заедничка визија за она што се комуницира, како и со кој со цел подобрување на знаењето за климатските промени кај сите целни групи.
Резултатот од оваа работилница е документ за политики кои ќе содржи препораки од сите засегнати чинители за начинот на кој темите за климатски промени, мерките за климатска акција и климатските цели ќе се комуницираат помеѓу нив и кон јавноста. Документот ќе биде објавен до крајот на месец април.
Работилницата е во рамки на програмата „Граѓанските организации во акција за климатските промени“, имплементиран од Еко-свест, а финансирани од Шведска.
Центарот за истражување и информирање за животната средина „Еко-свест“ во рамки на проектот „ПЕЛАГОНИЈА БЕЗ ЈАГЛЕН“ има потреба да ангажира соработници за организирање на Младинско граѓанско собрание во Битолскиот Регион, со цел поддршка за праведната енергетска транзиција и иницијација на локална и национална дебата за иднината на регионот без употреба на јагленот.
Цел на активноста
Целта на активноста е ангажираната страна да спроведе активности за организирање на Младинското граѓанско собрание во Битола, со цел информирање и едукација на младите за праведната енергетска транзиција. Собранието ќе има за цел да ги дефинира приоритетите на младите за праведната транзиција и, во соработка со Универзитетот во Битола, да се изработи нацрт-концепт за првиот територијален план за праведна транзиција за Пелагонискиот Регион. Концептот ќе биде презентиран на засегнатите страни од општините во Пелагонискиот Регион и на донесувачите на одлуки на централно ниво.
Активностите кои ќе бидат предмет на продукција и реализација треба да бидат копродукција помеѓу Еко-свест и ангажираната страна.
Еко-свест нема да разгледува понуди и предлози во кои активностите не се фокусирани на организирање и спроведување на Младинското граѓанско собрание, или не вклучуваат младинско учество во процесот на информирање и едукација за праведната енергетска транзиција. Понудите треба да бидат насочени кон зголемување на свесноста за негативните ефекти на фосилните горива и промоција на одржливи, обновливи извори на енергија, како и активно вклучување на младите во процесот на креирање на решенија за одржлив развој и праведна транзиција во регионот.
Работни задачи и одговорности на понудувачот
Да организира Младинското граѓанско собрание во Битола, вклучувајќи избор на учесниците (минимум 50 млади луѓе од Пелагонискиот Регион) и обезбедување на сите логистички потреби.
Да обезбеди место за одржување на собранието, како и сите потребни ресурси и материјали за успешно спроведување на активностите.
Да спроведе едукативна работилница, дискусии и интерактивни активности кои ќе се фокусираат на праведната енергетска транзиција и улогата на младите во овој процес.
Да осигура дека сите активности ќе бидат водени од експерти во областа на енергија и одржлив развој.
По завршувањето на собранието, понудувачот ќе биде одговорен за собирање на сите препораки и ставови од учесниците и за изработка на нацрт-концепт за првиот територијален план за праведна транзиција за Пелагонискиот Регион.
Нацрт-концептот треба да ги вклучува конкретните решенија за праведната транзиција, како и предлози за имплементација на истите.
Презентација на нацрт-концептот пред локалните власти, донесувачите на одлуки на централно ниво и други засегнати страни во регионот.
Обезбедување соодветна документација на сите чекори во продукцијата на осмислените активности и предложување соодветен модел за споделување на правата за понатамошна дистрибуција и/или изведба на активностите по некомерцијални и комерцијални услови по завршување на проектот.
Детален преглед со опис на работната задача се наоѓа во Анекс 1 од Повикот.
Временска рамка за доставување на понуда
Краен рок за пријавување е вторник, 13 март 2025 година, до 12:00 часот на електронската адреса: [email protected] , со назнака: Пријава за активности кои вклучуваат младинско учество. Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот. Пријавите кои ќе пристигнат по наведениот рок или без целосна документација, нема да бидат разгледувани.
Еко-свест ќе го контактира избраниот понудувач, не подоцна од 7 дена од истекот на периодот за доставување на понуда.
Критериуми за избор на најсоодветна понуда
По истекот на рокот за пријавување, ќе се креира Комисија од 3 члена, која ќе изврши бодување на пристигнатите понуди.
Бодувањето на пристигнатите понуди ќе се изврши на следниот начин:
– Техничка понуда (70 поени)
– Финансиска понуда (30 поени)
Потребна документација за пријавување
Технички дел на понудата:
Предлог активности кои ќе се спроведуваат заедно со краток опис, вклучувајќи го бројот на учесници (млади луѓе од Пелагонискиот Регион) и начинот на нивно вклучување..
Податоци за тимот кој ќе работи на организацијата и спроведувањето на активностите.
Доказ за претходно исто/слично искуство, заедно со референци од истото.
Податоци за контакт на лицето одговорно за пријавата и комуникацијата со Еко-свест.
Финансиски дел на понудата:
Финансиска понуда.
Тековна состојба на правниот субјект кој е носител на понудата, не постара од 6 (шест) месеци.
Доставените материјали остануваат во архивата на Еко-свест.
Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2023 или 2024 (за правни лица); pотврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси од страна на избраниот кандидат (физичко лице) или изјава дека ги исплонува критериуме за учество (правно лице); биографии (CV) на консултантите; листа на референци/портфолио.
Временска рамка за спроведување на активноста
Периодот на имплементација е помеѓу 17 март и 31 јули 2025 година.
Буџет
Максималниот буџет достапен за извршување на горенаведените задачи изнесува 3.000,00 ЕУР (во денарска противвредност според курсот од конверзијата на средствата од примената транша од донаторот) со вклучен ДДВ износ.
Заинтересираните треба да достават понуди во македонски денари, со посебно назначен ДДВ и вкупен износ на понудата. Предложениот буџет треба да биде разложен по клучни ставки од реализацијата. Нема наложен формат за поднесување на буџет и истиот треба да биде предложен од заинтересираните кандидати.
Во предложениот буџет треба да бидат вклучени сите трошоци потребни за целосна реализација, промоција и изведба на активностите, со сите потребни трошоци за сите учесници, без дополнителни трошоци за Еко-свест
Центарот за истражување и информирање за животната средина „Еко-свест“ во рамки на програмата за заштита на води, реализирана преку проектите „Заштита на реките преку воспоставување на мониторинг и практики за обновување на речните живеалишта во заштитени подрачја“, „Заедно за реките“, како и „Да го спасиме синото срце на Европа“ има потреба да ангажира соработници за организирање на работилници со деца и млади во локалните заедници.
Проектот „Заштита на реките преку воспоставување на мониторинг и практики за обновување на речните живеалишта во заштитени подрачја“, спроведуван од Еко-свест во соработка со локални граѓански организации, а поддржан од Prespa Ohrid Nature Trust (PONT) има за цел да ги идентификува и документира заканите за реките и речните екосистеми во две заштитени подрачја во Северна Македонија (Маврово и Шар Планина), да развие практики за мониторинг на реките и да спроведе мерки за заштита.
Проектот „Заедно за реките“, кој е поддржан од The Nature Conservacy, има цел прогласување на заштитено подрачје во Демир Капија и обезбедување на активна заштита на дел од долното течение на реката Вардар и нејзините чисти и недопрени притоки.
Проектот „Да го спасиме синото срце на Европа“ поддржан од Фондацијата Еуронатур има цел да обезбеди заштита на реките и екосистемите од штетното влијание на малите хидроцентрали, преку развивање и имплементирање на законски решенија, ни и поддршка на локалните заедници кои се изложени на негативните влијаниеја од изградбата на малите хидрицентрали.
Проектните активности ќе опфатат едукација на деца и млади за природните вредности на средината во која живеат преку повеќе активности: уметнички работилниц, инсталации, изложби, театарски претстави, изработка на книги/печатени материјали и други медиуми наменети за комуницирање на соодветни пораки со локалната заедница.
Цел и задачи на активностите
Целта на овие активности и работилници е да се едуцираат децата и младите за природните вредности на средината во која што живеат и преку нив да се пренесат пораки до локалната заедница. Исто така, преку овие активности ќе се подигне свеста на децата и младите и ќе се поттикне нивното учество во напорите за зачувување на природните вредности.
Работни задачи на избраниот/избраните кандидати:
1. Фотографска работилница со деца и млади во локалните заедници
Да припреми методологија за одржување на работилница со деца и млади во локалните заедници каде Еко-свест ги спроведува своите активности, при што преку употреба на фотографијата како средство за истражување и уметничка практика, ќе се едуцираат децата и младите за природните вредности на средината во која живеат и ќе се пренесат пораки до локалната заедница. Да подготви и обезбеди неопходни материјали за спроведување на работилницата. Да ја организира и одржи работилницата на која со истражување на флората и фауната преку примена на аналогни фотографски техники, уметнички колаж и други графички техники до децата и младите ќе се доближат природните вредности на нивната средина. Да организира изложба во локалната заедница преку која децата и младите ќе испратат пораки до својата локална заедница. Да обезбеди фото/видео документација на настаните и активностите и да припреми материјали за комуницирање преку социјалните медиуми на Еко-свест во соработка и одобрување од Еко-свест. Да дизајнира и испечати едукативен материјал (публикација/книга), базирана на материјалите создадени на работилницата, а кој ќе служи како едукативен материјал за децата од локалните заедници и ќе биде дистрибуирана во училиштата и другите едукативни центри.
2. Театарска работилница со деца и млади во локалните заедници
Да подготви методологија за одржување на работилница со деца и млади во локалните заедници каде Еко-свест ги спроведува своите активности, при што преку употреба на уметнички практики карактеристични за изведбените уметности ќе се едуцираат децата за природните вредности на средината во која живеат и ќе се пренесат пораки до локалната заедница. Да подготви и обезбеди неопходни материјали за спроведување на работилницата. Да ја организира и одржи работилницата со деца на која преку истражување на флората и фауната низ методите на креативен активизам преку изведбени уметности ќе се доближат природните вредности на нивната средина. Да подготви и обезбеди неопходни материјали за продукција и да реализира театарска претстава/перформанс во локалната заедница која ќе вклучува сценографија, костими, музика, инсталации и други изразни форми, преку која децата и младите ќе испратат пораки до својата локална заедница. Да обезбеди фото и видео документација на настаните и активностите и да припреми материјали за комуницирање преку социјалните медиуми на Еко-свест во соработка и одобрување од Еко-свест.
Временска рамка за доставување на понуда
Периодот за доставување на Понуда е до 25.02.2025 година.
Временска рамка за спроведување на активноста
Периодот за спроведување на оваа активност ќе биде во тековната 2025 и 2026 година.
Локации на спроведување на работилниците
Демир Капија, Маврово и Шар Планина.
Потребна документација за пријавување
Заинтересираните понудувачи треба да достават засебни понуди за секоја работилница по ставки.
1. За индивидуални лица*:
Технички дел: Предлог методологија за спроведување на работилницата (да се нагласи за која работилница се работи). Портфолио (биографија) Доказ за претходно исто/слично искуство, заедно со референци од истото. Потпишана декларација (види Анекс 1). Финансиски дел: Детална финансиска понуда за работилница по ставки (да се нагласи за која работилница се работи и да се прикаже детален преглед на трошоците). Забелешка: Заинтересираните треба да достават понуди во македонски денари, со посебно назначен бруто износ со вклучен персонален данок. Предложениот буџет треба да биде разложен по клучни ставки од реализацијата. Нема наложен формат за поднесување на буџет и истиот треба да биде предложен од заинтересираните кандидати. Во предложениот буџет треба да бидат вклучени сите трошоци потребни за целосна реализација, промоција и изведба на активностите, со сите потребни трошоци за сите учесници, без дополнителни трошоци за Еко-свест.
2. За организации/правни лица**:
Технички дел: Предлог методологија за спроведување на работилницата (да се нагласи за која работилница се работи). Портфолио на вработените во организацијата. Потпишана изјава (види Анекс 2). Доказ за претходно исто/слично искуство, заедно со референци од истото. Тековна состојба не постара од 6 месеци.
Финаниски дел: Детална финансиска понуда по работилница по ставки (да се нагласи за која работилница се работи и да се прикаже детален преглед на трошоците). Забелешка: Заинтересираните треба да достават понуди во македонски денари, со посебно назначен ДДВ и вкупен износ на понудата. Предложениот буџет треба да биде разложен по клучни ставки од реализацијата. Нема наложен формат за поднесување на буџет и истиот треба да биде предложен од заинтересираните кандидати. Во предложениот буџет треба да бидат вклучени сите трошоци потребни за целосна реализација, промоција и изведба на активностите, со сите потребни трошоци за сите учесници, без дополнителни трошоци за Еко-свест.
Од избраниот понудувач, освен горенаведените податоци, ќе се побара да достави дополнителна документација: потврда од казнена евиденција за физички лица; потврда дека не е изречена прекршочна санкција забрана за вршење на професија, дејност или должност – физичко лице.
**Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2023 (за правни лица); потврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; декларации за доверливост и непостоење на конфликт на интереси за сите физички лица кои би биле ангажирани од страна на организацијата; биографии (CV) на консултантите/физичките лица кои би биле ангажирани; листа на референци/портфолио за истите. Целокупната документација треба да биде доставена на македонски јазик во електронска форма.
Критериум за избор на најсоодветна понуда
По истекот на рокот за доставување понуди Еко-свест ќе оформи комисија која ќе биде задолжена за избор на најдобра понуда. Еко-свест го задржува правото да избере различни добавувачи за различни работилници. Еко-свест ќе го контактира избраниот понудувач/избраните понудувачи, не подоцна од 7 дена работни дена од истекот на периодот за доставување на понуди. Пристигнатите понуди ќе се бодуваат согласно следните критериуми и бодови:
• Концепт на понудата и искуство на понудувачот (60 бодови)
• Финансика понуда (40 бодови)
Вкупно 100 бодови
Во текот на реализацијата на активностите, Еко-свест го задржува правото да избере една или повеќе од понудени ставки за соодветно спроведување на активностите согласно достапните буџети.
Критериуми за понудувачите
Активна организација која е формирана согласно законите во Република Северна Македонија, и постои најмалку 2 години и најмалку 5 години работно искуство за индивидуални лица. На повикот може да се пријават правни и физички лица кои ги исполнуваат наведените правни и технички услови. Договор ќе биде склучен со оној понудувач кој освоил најголем број бодови во однос на наведените критериуми. Комисијата за евалуација на понудите го задржува правото да го информира само понудувачот чија понуда била избрана како најсоодветна за овој повик.
Пријавување
Комплетната понуда кандидатите треба да ја испратат на email: [email protected] најдоцна до 25.02.2024 година до 16:00 часот, со назнака Доставување понуда за едукативни активности и работилници. За сите прашања, контактирајте нѐ на [email protected] најдоцна до 20.02.2025 година. Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот најдоцна до 21.02.2025. Доставените материјали остануваат во архивата на Еко-свест. Пoнудите кои ќе пристигнат по наведениот рок или без целосна документација, нема да бидат разгледувани.
Најнови коментари