Во рамки на проектот „Подигнување на свесноста за праведна транзиција и обновливи извори на енергија како решенија за напуштање на јагленот” спроведуван од Еко-свест, објавуваме повик за консултант за изработка на комуникациска стратегија за комуницирање на теми поврзани со енергетскиот сектор и енергетската криза.
ЦЕЛ НА АКТИВНОСТА
Цел на оваа активност е го унапреди капацитетот на проектниот тим за комуницирање на теми од областа на енергетиката со намера да придонесе кон дијалогот за ублажување на ефектите од кризата на конструктивен начин. Врз основа на изработената комуникациска стратегија која е предмет на овој повик, Еко-свест во наредниот период ќе спроведува јавна кампања од информативен карактер.
ЗАДАЧИ
Избраниот понудувач треба:
– Да спроведе најмалку два консултативни состаноци со проектниот тим на кој ќе се конкретизираат темите и прашањата поврзани со комуникациската стратегија;
– Согласно заклучоците од состаноците да изработи комуникациска стратегија за комуницирање на теми поврзани со енергетскиот сектор и енергетската криза. Предлог-комуникациската стратегија треба да опфати најмногу 5 (пет) страници со главни пораки, целни групи, типови на содржини, препорачани медиуми за комуницирање, како и предлог за други пропратни активности што може да придонесат кон целта на активноста;
– Да одржи кратка презентација на стратегијата пред проектниот тим со насоки како таа најдобро може да се спроведува и да ги одговори прашањата на проектниот тим кои ќе произлезат од истата.
ВРЕМЕНСКА РАМКА И ВРЕДНОСТ НА ДОГОВОРОТ
Времето на изработка на комуникациската стратегија е 15 (петнаесет) дена од потпишување на договорот.
Вредноста на договорот не може да надмине 150.675,00 денари бруто износ.
КРИТЕРИУМИ ЗА ПОНУДУВАЧИТЕ:
Повикот е отворен само за физички лица кои ги исполнуваат критериумите од повикот и ќе достават комплетна документација.
ПОТРЕБНА ДОКУМЕНТАЦИЈА ЗА ПРИЈАВУВАЊЕ:
При пријавувањето, заинтересираните понудувачи треба да достават:
Професионална биографија (CV) на понудувачот;
Портфолио со сработени комуникациски стратегии, со тоа што како предност ќе се сметаат сработени комуникациски стратегии на теми од енергетика, праведна транзиција, животна средина и климатски промени.
Целокупната документација треба да биде доставена на македонски јазик во електронска форма.
ПРИЈАВУВАЊЕ
Комплетната понуда, апликантите треба да ја испратат на еmail: davor@ekosvest.com.mk најдоцна до 31 август 2022 г., 16:00 часот, со назнака Апликација за изработка на комуникациска стратегија.
Некомплетни понуди или понуди испратени по предвидениот рок нема да бидат земени во предвид.
Еко-свест ќе го извести само оној кандидат чија понуда ќе биде избрана како најповолна.
Центарот за истражување и информирање за животната средина Еко-свест од Скопје отвора повик за ангажирање на 2 (двајца) локални проектни координатори/ки за програмските и проектни активности кои ќе ги реализира во својата локална канцеларија во Општина Вевчани.
Кандидатите треба да ги исполнуваат општите, како и следните посебни услови:
Основни познавања за работата на Еко-свест и работата во граѓанска организација;
Комплетирано соодветно образование;
Искуство во спроведени активности за заштита на животната средина ќе се смета за предност;
Познавање на процедури за спроведување на проекти, вклучително искуство во финансиско управување и администрирање на проекти;
Одлично познавање на македонски и англиски јазик;
Познавање на административно и канцелариско работење;
Докажана способност да работи со компјутери, како и одлично познавање на програмите од пакетот на Microsoft Office;
Возачка дозвола: Б категорија е пожелна.
Кандидатите треба да ги поседуваат следните вештини и способности:
за изразена комуникација (усна и писмена) и презентација;
за брзо прифаќање и прилагодување кон нови задачи и околности (адаптибилност);
за тимска работа во мултикултурно опкружување;
за извршување повеќе задачи истовремено и испорака на конкретни резултати во кратки рокови;
за работа надвор од канцеларија (по потреба);
за уредност и организираност.
Работни задачи и одговорности
Ангажираните проектни координатори/ки ќе ги имаат следните работни должности и одговорности:
Давање активна поддршка во спроведување на проекти, како и учество во конципирање и спроведување активности за локалната канцеларија на Еко-свест во Вевчани;
Организирање на настани во локалната канцеларија на Еко-свест;
Пишување и прегледување на извештаи и редовно информирање и координација со надредените во организацијата;
Тесна соработка со останатите вработени во организацијата, како и со соодветните проектни партнери и чинители од областите во кои ќе работат;
Одржување врски со релевантните локални и национални чинители и партнери и проактивност во делувањето;
Извршување на работните задачи во согласност со политиките, деловниот и етички кодекс на Еко-свест;
Желба и мотив за работа во граѓанска организација која третира прашања и политики од животната средина, граѓанскиот активизам и одржливиот развој.
Работни услови
Неделното работно време е 40 часа. Со избраните кандидати ќе биде потпишан договор за вработување на определено време, со пробен период кој може да се продолжи врз основа на покажаните квалитети и перформанси. За конкретните работни места почетната плата е во нето износ од 30.000 денари. Еко-свест обезбедува дополнителни обуки и го поддржува и стимулира принципот на доживотно учење и надградување.
Почеток на работниот ангажман: од 01 септември 2022г.
Локација: Општина Вевчани, Република Северна Македонија.
Начин на пријавување и роковник
Заинтересираните кандидати/тки при пријавувањето треба да достават:
▪ Mотивациско писмо (максимум од 1 страна)
▪ Професионална биографија.
Пријавувањето се врши на електронската адреса: [email protected], а пријавата мора да се наслови со: Пријава за проектен координатор.
Рокот за пријавување е 25 август 2022 г.
Еко-свест ќе ги контактира само оние лица кои ќе бидат селектирани за интервју. Нецелосните и неправилните пријави нема да бидат разгледани. Изборот на кандидатите/ките ќе се изврши врз основа на Законот за работни односи.
Еко-свест е рамноправен работодавач и ги почитува сите различности.
Центарот за истражување и информирање за животната средина Еко-свест од Скопје отвара повик за ангажирање Административен соработник.
Еко-свест, од своето формирање како граѓанска организација, активно работи на темите тесно поврзани со заштитата и унапредувањето на животната средина и тоа:
заштита на природата и одржлив развој;
одржлив транспорт;
обновливи енергетски извори и енергетска ефикасност;
одржливо управување со отпадот;
климатски промени и декарбонизација.
Работни задачи и одговорности
Ангажираниот администратор/ка ќе ги има следните работни должности и одговорности:
Тековно и ажурно евидентирање на трошоците и распределба на трошоците по проекти;
Девизно, денарско, благајничко работење;
Подготовка и архивирање на излезни фактури, други финансиски документи и договори;
Администрација поврзана со човечки ресурси;
Набавка на основни средства и материјали за канцелариско работење, и следење на инвентарот на основни средства;
Логистичка поддршка на проектните координатори за организирање на настани и проектни активности;
Други задолженија кои произлегуваат од финансиско работење.
Кандидатите треба да ги исполнуваат општите, како и следните посебни услови:
Комплетирано соодветно формално и неформално образование;
Работно искуство со административно и канцелариско работење;
Докажана способност да работи со компјутери, пред сè напредно познавање на програмите од пакетот на Microsoft Оffice;
Искуство со работа на проекти за граѓанското општество во Северна Македонија или во странство, основно познавање од раководење на проектен циклус и познавање процедури за спроведување на проекти на странски донатори, со особен аспект на ЕУ финансирани проекти, ќе се смета за предност;
Одлично познавање на англиски јазик, а познавање на албанскиот јазик ќе се смета за предност;
Желба и мотив за работа во граѓанска организација која третира прашања и политики од животната средина и граѓанскиот активизам;
Желба за континуирано учење и надоградување.
Кандидатите треба да ги поседуваат следните вештини и способности:
отворена комуникација (усна и писмена) и презентација;
брзо прифаќање и прилагодување кон нови задачи;
тимска работа во мултикултурно опкружување;
извршување повеќе задачи истовремено;
уредност и организираност.
Работни услови
Неделното работно време е 40 часа. Со избраниот/ата кандидат/ка ќе биде потпишан договор за вработување на определено време, со пробен период од 1 (еден) месец кој може да се продолжи врз основа на покажаните квалитети и перформанси. Месечна нето плата, согласно политиката за плати е во износ од 45.000 денари, со прилагодување согласно искуството на вработениот. Конкретната плата на избраниот кандидат/ка ќе биде утврдена при потпишувањето на договорот за вработување.
Начин на пријавување
Заинтересираните кандидати/тки при пријавувањето треба да достават:
Mотивациско писмо (максимум од 1 страна);
Професионална биографија;
Професионална препорака/референца е пожелна.
Пријавувањето се врши на електронската адреса: [email protected], а пријавата мора да се наслови со: Пријава за административен соработник.
Рокот за пријавување е најдоцна до 11 август 2022 г.
Еко-свест ќе ги контактира само оние лица кои ќе бидат селектирани за тестирање и интервју. Нецелосните и неправилните пријави нема да бидат разгледани. Изборот на кандидатите/ките ќе се изврши врз основа на Законот за работни односи. Еко-свест е рамноправен работодавач.
Повикот се објавува за прибирање на понуди за целосен редизајн на веб страната на Центарот за истражување и информирање за животната средина Еко-свест. Потребно е редизајнот на веб страната да го следи новиот визуелен идентитет кој ќе биде креиран по повод 20 години јубилеј од работата на Еко-свест. Редизајнот треба да обезбеди полесен пристап до информациите околу работата на Еко-свест, а се во интерес на граѓаните.
ПРИЈАВУВАЊЕ
Комплетната понуда, апликантите треба да ја испратат на е-маил: [email protected] најдоцна до 15.07.2022 година до 16:00 часот, со назнака Апликација за изработка на веб страна. Некомплетни понуди или понуди испратени по предвидениот рок нема да бидат земени предвид. Повеќе информации можете да добиете на тел. 070/206-451.
Скопје, 21 јуни 2022 – Новиот извештај на CEE Bankwatch Network покажува дека електраните што користат јаглен се уште загадуваат со огромни количини прашина и сулфур диоксид. Истовремено, нема никакви најави за инвестиции во контрола на загадувањето, но има најави за отворање нови рудници за јаглен и продолжување на нелегалното и штетното работење и во следните години.
Четврта година по ред CEE Bankwatch Network објавува извештај и анализа за емисиите на загадувачки супстанции од термоелектраните од Западен Балкан што користат јаглен. Како и во претходните едиции и оваа година македонските електрани, а пред се РЕК Битола, се меѓу најголемите загадувачи во регионот, но и во Европа.
Новите обрзувачки стандарди од Енергетската заедница за контрола на емисиите влегоа во сила во јануари 2018 година, а националната обврска за еколошка дозвола постои цели десет години предходно. Но и покрај долгиот поминат период, РЕК Битола и РЕК Осломеј се уште работат нелегално и без никакви инвестиции во контрола на загадувањето.
Иако поради недостатокот на гориво и дефектите, вкупните работни часови на електраните беа намалени во 2021 година, емисиите на загадувачи останаа високо над дозволените граници. Вкупните емисии на сулфур диоксид од Осломеј и Битола беа скоро 83.000 тони што е повеќе од пет пати над дозволеното. Емисиите на прашина (ПМ честички) беа околу 3.000 тони што е скоро двојно над дозволеното.
Ваквата ситуација се повторува со години, a под изговор на енергетската криза се прават планови за продолжување на работата на електраните наместо нивно затворање, па дури и отворање на нови рудници за јаглен и реактивирање на ТЕЦ Неготино каде се користи високо-загадувачки мазут како гориво.
„Проблемот со нерешавањето на загадувањето од електраните не може да се игнорира, особено во ситуација кога се планира да се продолжи нивното работење. Пораката од извештајот е многу јасна – тие мора или да се затворат или да се усогласат со европските стандарди. Во спротивно нивната работа чини премногу животи и предизвикува преголема штета“, изјави Давор Пехчевски од CEE Bankwatch Network, ко-автор на извештајот.
„Решението на енергетската криза не е отворање нови рудници за јаглен како што тоа се планира за РЕК Битола. Мора да се подготви и итно да се спроведе „план Б“ што ќе ги намали загубите во мрeжата, ќе ги отвори пазарите за трговија со енергија и значително ќе ги зголеми капацитетите од обновлива енергија. Секако, при ова мора да се примени принципот на праведна транзиција што ќе обезбеди рамномерен развој на економијата“, дополни Кристина Димитрова од Еко-свест.
Најнови коментари