Опис: Во оваа студија се анализираат и идентификуваат потенцијалните области за подобрување на правната рамка што е релевантна за човековите права/слободата на изразување на бранителите на човекови права на здрава животна средина (БЧПЗЖС) во пет земји во Западен Балкан (Албанија, Босна и Херцеговина, Црна Гора, Северна Македонија, Србија). Студијата ги анализира и ги сумира главните притисоци, закани и одговори на прашањата со коишто се соочиле БЧПЗЖС и претставува компилација од пет извештаи за земјите подготвени со помош на ист а методологија.

Истражувачите во секоја земја го анализираа релевантното законодавство, фокусирајќи се на правата на слобода на изразување и пристап до информации и правата на слобода на здружување и собирање. Според потребите на земјите се анализирани и дополнителни права и процеси, при што тие ја вклучуваат, но не се ограничени на јавната администрација и нејзината реформа, процесите на јавни консултации и учество во донесувањето одлуки, како и други специфични права што произлегуваат од Архуската конвенција.

Опис: Во последните четириесет години општината Новаци во Северна Македонија е дом на комплесот РЕК Битола, кој се состои од термоелектрична централа на лигнит од 675 MW, површински рудници и депонии за пепел.

Нејзините жители дишат загадување што се испушта од комплексот и неговите објекти во форма на прашина, сулфур диоксид и азотни оксиди. Скоро од секоја страна селото е изложено на вадење и согорување на јаглен или депонирање на пепел: самата централа на северо-исток, главната депонија за пепел и рудникот за лигнит на исток и јаловината од рудникот за лигнит на југо-исток.
Главните загадувачи кои влијаат на квалитетот на воздухот во Новаци се честичките прашина (PM 10 и PM 2.5 ) и сулфур диоксидот (SO 2 ).

Опис: Анализа на трошоци и критичка анализа на „Националниот план за намалување на емисиите (НПНЕ) на сулфур диоксид (SO2), азотни оксиди (NOx) и прашина од постојните големи согорувачки инсталации во Република Македонија“.

Опис: Поради голем број социо-економски фактори, аерозагадувањето во Македонија станува алармантен проблем на национално ниво. Анализите за скопскиот регион предвидуваат покачување на аерозагадувањето и за 30% до 2025 година доколку не се преземат сериозни и системски мерки. Од градовите каде што има мерни станици, Скопје, Битола и Тетово се најзагадени градови во земјата. Овие градови исто така редовно се наоѓаат на листата на најзагадени градови во Европа, но и во светот.

Опис: Анализата за развој на алтернативни видови на туризам во кичевскиот регион е направена во рамките на проектот „GEAR – Green Economy for Advanced Region“, како надополнување на „Економската анализа – премин кон развој без лигнит: случај Осломеј“.

Економската анализа обработува предвидено сценарио за иницирање на алтернативни економски активности во три сектори (земјоделство, преработувачка индустрија и туризам) преку кои постепено во период од пет години преку праведна транзиција е придвидена супституција на целосната работна сила од на РЕК Осломеј.

Активностите од туризмот се очекуваат да креираат работни места за 20% од вкупниот број на работници по истекот на превидените пет години (ЕКОСВЕСТ, 2019).