Опис: Енергетиката претставува основна потреба на секоја модерна држава, па поради тоа државите посебно ги акцентираат прашањата поврзани со истата. Но покрај националниот интерес на државите, енергетиката е прашање чиј фокус излегува надвор од националните интереси, пред се поради нерамномерната распределба на енергенсите и развојот на самиот сегмент енергетика. Имено, бројни меѓународни и регионални документи се изготвени и потпишани со цел да се обезбеди енергија за основните потреби на државите за нормално функционирање, и задоволување на основните потреби на луѓето во секојдневниот живот.

Опис: Целта на ова истражување е двојна – прво да утврди дали во Македонија има превработеност во термоелектраните, истовремено утврдувајќи дали за Македонија би важело искуството од ЕУ дека индуструијата заснована на јаглен ќе мора да го намали бројот на вработени дури и ако нови рудници се отвораат. Втората цел е да се утврди дали секторите ЕЕ и ОИЕ нудат поголем вработувачки потенцијал, што е случај во ЕУ, но треба да се утврди за Македонија.

Опис: Анализите во оваа студија се однесуваат на три сектори: енергетика, транспорт и земјоделство. Методологијата на студијата е заснована на преглед на три национални стратегии со кои се предвидува развојот во истите сектори: Нацрт-стратегијата за развој на енергетиката во Република Македонија до 2035 година, Националната транспортна стратегијата на Република Македонија (2007-2017) и Националната стратегија за земјоделството и руралниот развој на Република Македонија за периодот 2014-2020 година.

Description: The Smart Ohrid concept was proposed in January 2016 as a comprehensive solution for the reduction of traffic congestion and the promotion of tourism in the Ohrid region, centering on Galichica National Park. It involves a series of measures that would result in the reduction of the need for car mobility in the national park and a modal shift to other sources of transport. Smart Ohrid is based on the widely accepted principles of transport management in developed societies, where it has been long recognized that the construction of new roads leads to further traffic congestion due to induced demand.

Опис: Oваа предфизибилити студија ги содржи резултатите и анализите спроведени во рамките на стручна оценка и прецизирање на општите решенија предложени како дел од концептот „Смарт Охрид“. Студијата беше реализирана во текот на 2017 година. Целта на студијата е да обезбеди релевантни информации и практични решенија кои ќе послужат како основна алатка на одговорните субјекти од локалната и централната власт за реализација на оваа пилот идеја, која може да најде примена и на многу други слични простори во Република Македонија.