Опис: Оваа анализа има за цел да ги идентификува и категоризира главните закани што влијаат врз реките и речните живеалишта во Националните паркови Маврово и Шар Планина. Со примена на мултидисциплинарен пристап, заканите се мапирани според нивната локација, тип и влијание врз видовите и живеалиштата, користејќи податоци од студии, планови, теренски истражувања и научна литература. Резултатот е дигитална база на податоци што овозможува идентификација на приоритетни жаришта и насочено дејствување за нивно ублажување. Анализата нуди сеопфатен преглед на состојбата на речните екосистеми и дава препораки за подобро управување и заштита, засновани врз принципите на Рамковната директива за води (WFD).

Опис: Овој документ претставува платформа за застапување за унапредување на законодавството поврзано со енергетските заедници и потрошувачите-производители (просумери) во Република Северна Македонија. Во него се анализира актуелната состојба, се нагласува потребата од регулаторни и институционални реформи за децентрализирана енергија во процесот на енергетска транзиција и активно вклучување на граѓаните во производството и користењето обновлива енергија. Документот дава препораки за усогласување со ЕУ-директивите, креирање поволна регулаторна рамка, финансиски стимули, техничка поддршка, како и транспарентност и вклучување на општините и заедниците во енергетскиот систем.

Опис: Овој бриф за политики дава осврт на итната потреба за ефективна, инклузивна и координирана комуникација за климатските промени во Северна Македонија. Документот е развиен преку партиципативен процес кој вклучуваше анкета со повеќе засегнати страни, како и национална работилница во Скопје. Тој ги истакнува предизвиците и пружа заеднички составени препораки за политики во пет клучни области: координација, градење капацитети, распределба на ресурси, краткорочни акции (1–5 години) и долгорочни акции (5–10 години).