Успешната соработка помеѓу граѓаните, нашиот бесплатен сервис „Зелен телефон“ и инспекциските служби на Општина Кисела Вода донесе уште еден позитивен исход за заштита на животната средина и здравјето на луѓето.
По примена пријава на „Зелен телефон“ за секојдневно ширење на неподнослива миризба и густ црн чад од приватен имот во населбата Црниче, нашиот тим поднесе барање за вонреден инспекциски надзор до надлежните општински служби.
Реакција на инспекциските служби од Општина Кисела Вода
Општинскиот инспектор изврши вонреден инспекциски надзор на локацијата. Притоа беше констатирано присуство на голема количина отпад од стар мебел (третирано и бојадисано дрво), кој несовесно се користел како гориво за затоплување – пракса која е строго забранета и исклучително штетна по здравјето.
Изрекување мерки и краен резултат
На сопственикот на имотот му беше изречено решение со законски рок од 30 дена за итно и целосно отстранување на недозволениот отпад.
По истекот на рокот, инспекциските служби извршија контролен надзор. Со официјален записник е потврдено дека граѓанинот целосно постапил по решението – недозволениот отпад е отстранет, а на локацијата е затечено само еколошки дозволено огревно дрво.
Важноста на граѓанскиот активизам
Овој случај е одличен пример за тоа како будните граѓани и ефикасните институции можат да направат реална промена. Загадувањето на воздухот нѐ засега сите, а брзиот синџир на пријавување и дејствување е клучот за почиста средина.
Иако грејната сезона е позади нас и за овој случај беа потребни месеци за решавање на истиот, се надеваме дека ваквата крајна состојба ќе остане непроменета и дека ќе биде поттик за решавање на ваков тип на случаи почесто.
Упатуваме голема благодарност до инспекциските служби на Општина Кисела Вода за професионалноста и брзата разрешница, како и до граѓаните кои не молчат пред еколошките прекршоци.
Центарот за истражување и информирање за животната средина „Еко-свест“има потреба од ангажирање на правно лице за подготовка на дизајн, припрема и печатење на материјали со различни содржини и намени.
Цел и задачи на активностите
Избраната компанија треба да обезбеди услуги за дизајн, припреми за печатење и печатење на следните видови материјали, по барање и насоки од Нарачателот:
1. Публикации А4 и А5 формат во електронска и печатена верзија (текстуален дизајн, дизајн со графикони и табели, дизајн со графикони, табели, инфографици, дизајн на корица, печатење на различни видови на хартија, црно бел печат или полн колор, пласификат на корица, различни видови на поврзување и коричење).
2. Материјали на А0 формат во електронска и печатена верзија (дизајн на плакат, печатење постери)
4. Инфографикони во различен формат (дизајн А3, А4, А5 формат)
5. Електронски содржини за постови за социјални медиуми (Instagram / Facebook)- визуели (дизајн на пост, cover, reel (видео), видео пост, покана)
6. Промоција на социјални медиуми (boost)
7. Други материјали за промоција (рол банер, визит карти, стикери, беџеви, торби, постери, маици, блузони, флаери, брошури, акредитации)
8. Други материјали и услуги кои може да ги понуди добавувачот во насока на исполнување на целите на Еко-свест (фотографирање и снимање настан, анимирано видео итн.)
Содржините, визуелниот идентитет и другите потребни параметри за дизајн, подготовка и печатење на материјалите ќе бидат обезбедени од страна на Еко-свест, заедно со сите потребни насоки за тираж, квалитет и намена на материјалите.
Временска рамка за доставување на понуда
Периодот за доставување на Понуда е до 22.07.2026 година.
Временска рамка за спроведување на активноста
Со избраниот понудувач ќе биде склучен рамковен договор со трајност од 2 години со можност за негово продолжување.
Потребна документација за пријавување
– Краток опис на компанијата (портфолио);
– Најмалку три референтни проекти слични на бараната услуга;
– Список на клиенти;
– Тековна состојба од Централен регистар на Република Северна Македонија не постара од 6 месеци;
– Биографија од најмалку едно лице со искуство во дизајнирање кое би било ангажирано за активноста;
– Финансиска понуда во која ќе биде наведена цена за секоја од наведените точки, во завосност од квалитетот и тиражот посебно, како и финална цена за целата услуга со вклучен ДДВ;
Компанијата мора да ги исполнува следниве критериуми:
Активна компанија која е формирана согласно Законите во Република С. Македонија, и постои најмалку 5 години.
Понудите треба да се достават по електронски пат на македонски јазик.
Доставените материјали остануваат во архивата на Еко-свест.
Пријавување
Комплетната понуда кандидатите треба да ја испратат на email:[email protected]најдоцна до 22.07.2026 година до 16:00 часот, со назнака Доставување понуда за дизајн и печатење.
Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот. Пријавите кои ќе пристигнат по наведениот рок или без целосна документација, нема да бидат разгледувани. Повеќе информации или прашања можете да поставите на [email protected] и тел. +38970249785.
Критериум за избор на најсоодветна понуда
Евалуационата комисија ќе ги извести само оние кандидати чија понуда ќе биде избрана. Канидатите ќе бидат оценувани по следните критериуми:
– Портфолио и референтни проекти – 40 бодови
– Биографија на лицето задолжено за дизајн – 20 бодови
– Понудена цена – 40 бодови
Вкупно 100 бодови
Договор ќе биде склучен со оној кандидат кој освоил најголем број бодови.
Еко-свест ќе гo контактира избраниот понудувачи, не подоцна од 7 работни дена од истекот на периодот за доставување на понуда. Во рок од 3 дена од донесувањето на Одлуката, Еко-свест ги информира сите понудувачи за исходот од постапката. Понудувачите имаат право да поднесат Приговор во врска со постапката во рок од 3 календарски дена.
НАПОМЕНА!
Еко-свест ќе бара од избраниот понудувач пред склучување на договор за соработка да ја достави следната документација: Tековна состојба/потврда за регистрирана дејност на добавувачот; потврда за солвентност/бонитет; потврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси од страна на избраниот кандидат (физичко лице) или изјава дека ги исполнува критериумите за учество (правно лице).
ДОВЕРЛИВОСТ
Сите информации кои се поврзани со оценка на понудите нема да бидат споделувани со никој кој не е официјално вклучен во процесот на селекција, дури и по завршување на процесот на избор. Сите податоци ќе се третираат како доверливи и нема да се користат, прибираат, споделуваат за други цели надвор од овој повик и целта на истиот.
Проектното подрачје се наоѓа на планината Јабланица, предел кој придонесува за одржување на локалните хидролошки процеси. Вевчанска Река е витална планинска артерија на Јабланица и дел од хидролошкиот систем што ги храни Вевчанските Извори (заштитено подрачје во категорија III на IUCN), продолжувајќи низводно кон сливот на Црн Дрим. Реката е препознатлива по својата чиста вода и разновидниот воден биодиверзитет. Поради овие карактеристики, таа е клучен дел од локалните слатководни екосистеми.
Во горниот тек на Вевчанска Река се наоѓа локалитетот Јанков Камен, каде што е создадено вештачко езерце со нарушување на природниот тек на реката. Иако целта на ова езерце била да овозможи место за рекреативни активности, бариерата негативно влијае врз речните процеси и живеалиштата на водениот свет.
Вештачката бариера е изградена околу 2010 година за естетски цели, но таа ја нарушува природната хидрологија на реката. Оваа брана создава застоена акумулација која се соочува со еутрофикација, ниско ниво на кислород и непријатни миризби, што го загрозува водниот биодиверзитет и го нарушува квалитетот на водата.
Проектот на Еко-свест за отстранување на оваа бариера и враќање на реката во својата природна состојба претставува дел од нашата стратешка цел за обнова на природата и реставрација на уништените екосистеми.
Примарната цел на проектот е отстранување на браната на Јанков Камен и затворање на нејзиниот подземен систем на цевки за да се врати Вевчанска Река во својот првобитен природен тек. Со отстранувањето на оваа мала брана, проектот има цел да елиминира еден извор на еколошка деградација и да ја врати надолжната поврзаност од изворите на реката па сè до нејзиниот долен тек и влив во Црн Дрим. Се очекуваат повеќе исходи од еколошка, социјална, образовна, економска и политичка перспектива. Проектот ќе обезбеди непречен и слободен тек на реката во должина од 14 километри и ќе спречи загадување на хидролошкиот систем и околните екосистеми во заштитеното подрачје.
Отстратентото езерце ќе го замениме со автентичен планински екосистем, претворајќи го локалитетот во „жива лабораторија“ за локалната заедница и туристите. Исто така, оваа обнова ќе ја заштити долгорочната туристичка вредност на Вевчани, осигурувајќи дека регионот ќе остане дестинација за еколошки свесни туристи. Со овој проект, Општина Вевчани ќе биде лидер во грижата за животната средина и природата, усогласувајќи ја локалната политика со Стратегијата на ЕУ за заштита и обнова на биодиверзитет до 2030 година.
Еко-свест ја започнува Програмата за грантови за 2026 година, со цел да ги поддржи граѓанските организации и нивните партнери во предводењето на промените кон праведно и отпорно општество. Програмата се реализира со поддршка на Кралството на Шведска и се заснова на моделот на „Обновлива правда“ (Restorative Justice), кој ја нагласува важноста на демократизацијата на експертизата и активното вклучување на граѓаните во креирањето на еколошката иднина.
Зошто ја спроведуваме оваа програма?
Северна Македонија се соочува со еколошка ранливост и институционална стагнација. Граѓанските организации имаат клучен потенцијал да бидат „чувари на јавниот интерес“ и партнери во имплементацијата на системски решенија, но често се ограничени од недостаток на ресурси и техничка експертиза. Оваа програма не само што финансира проекти, туку систематски го гради капацитетот на граѓанскиот сектор.
Цели на програмата
Грантовите се насочени кон постигнување на следните стратешки цели:
Техничко застапување: Подобрување на капацитетите за анализа и застапување на еколошки регулативи (усогласени со ЕУ Поглавје 27).
Институционален надзор (watchdogging): Обезбедување транспарентност и одговорност во носењето одлуки.
Заштита на природата: Управување со заштитени подрачја и обнова на екосистеми.
Практични решенија: Имплементација на пилот-проекти за декарбонизација и заштита на природата.
Јавна свест: Подигање на климатската писменост и градење на граѓански активизам.
Организациска отпорност: Градење на внатрешни управувачки вештини на организациите.
За кого е наменета програмата?
Право на учество имаат граѓански организации регистрирани согласно Законот за здруженија и фондации, кои постојат и се регистрирани најмалку 4 години пред објавувањето на овој повик. Организациите се охрабруваат да формираат партнерства со други локални чинители (други организации, општини, бизниси и др.)
Финансиски информации
Вкупен фонд:21.500.000 денари
Износ по грант: Минимум 1.200.000 денари – Максимум 4.300.000 денари.
Времетраење:12 до 14 месеци.
Информации за аплицирање
Процесот се одвива во две фази:
Фаза I (Концепт на проект): Потребно е да се поднесе Концепт на проект со проценка на буџет и соодветна документација до 31 јули 2026 година.
Фаза II (Целосен предлог-проект): Само избраните кандидати од првата фаза ќе бидат поканети да поднесат целосен предлог-проект најдоцна до 30 септември 2026 година, преку електронската платформа на ekosvest.com.mk.
Ве покануваме на информативна сесија по повод објавениот Повик за концепти во рамки на нашата Програма за грантови 2026.
Сесијата ќе се одржи online на 21 јули со почеток во 11 часот. За време на сесијата ќе ги презентираме целите на Програмата и очекувањата од концептите, а вие ќе можете да поставите прашања.
Доколку сакате да се приклучите на оваа сесија, Ве молиме регистрирајте се на следниот линк
Центарот за истражување и информирање за животна средина „Еко-свест“ од Скопје, преку локалната канцеларија Вевчани, во рамки на проектот „Поддршка на одржливо управување со Заштитеното подрачје Вевчански извори – Фаза 2“, поддржан од ПОНТ (Prespa Ohrid Nature Trust), има потреба од ангажирање на двајца консултанти за креирање и подготовка на едукативен прирачник од областа на заштитата на природата, кој ќе биде соодветно адаптиран за ученици во средно образование (средношколци).
ЦЕЛ НА АКТИВНОСТА
Целта на оваа активност е да се изработи сеопфатен едукативен прирачник кој на креативен, интерактивен и иновативен начин ќе ги доближи темите за заштита на животната средина и одржливото управување до средношколците. Содржината треба да поттикне критичко размислување, истражувачки дух и активна вклученост на младите во заштитата на локалната флора, фауна и природните ресурси.
ЗАДАЧИ НА КОНСУЛТАНТИТЕ
Избраните консултанти ќе треба да ги реализираат следниве задачи во блиска координација со проектниот тим на „Еко-свест“ Вевчани:
Конципирање и структура на прирачникот: Развој на детална рамка и содржина на прирачникот соодветна за средношколска возраст.
Изработка на едукативни содржини: Подготовка на теоретски и практични модули кои вклучуваат релевантни информации, илустрации, примери од праксата и студии на случај (case studies) поврзани со Заштитеното подрачје Вевчански извори.
Интерактивни и практични вежби: Креирање на активности за теренска работа, квизови, дебатни теми, групни вежби и методологија за наставниците/модераторите кои ќе го користат прирачникот.
Предложување на дополнителни дигитални или визуелни алатки кои можат да ја збогатат содржината на прирачникот и да го направат попривлечен за младите.
ВРЕМЕНСКА РАМКА ЗА ДОСТАВУВАЊЕ НА ПОНУДА
Периодот за изразување на интерес за учество на повикот е 7 дена од објавување на отворениот повик, до 14.07.2026.
ВРЕМЕНСКА РАМКА И ВРЕДНОСТ НА ДОГОВОРОТ
Временска рамка: Периодот на реализација на активноста е 6 (шест) месеци од датумот на потпишување на договорот, со можност за продолжување до најмногу 9 (девет) месеци поради објективни причини.
Буџет: 1800 ЕУР по експерт
КРИТЕРИУМИ ЗА АПЛИКАНТИТЕ
Апликантите треба сумарно (заеднички) да ги исполнуваат следниве критериуми:
Завршено високо образование (или повисоко) во соодветна област (биологија, екологија, заштита на животна средина, географија, педагогија или сродни науки).
Најмалку 5 години професионално работно искуство во областа на образованието, неформалното образование или заштитата на природата, со фокус на иновативни пристапи во работењето со млади.
Најмалку 1 претходно изработен едукативен материјал (прирачник, брошура, програма или водич) наменет за средношколска возраст или млади.
ПОТРЕБНА ДОКУМЕНТАЦИЈА ЗА АПЛИЦИРАЊЕ
Пожелно е кандидатите да аплицираат здружено. Повикот е отворен за национални и меѓународни консултанти.
Кандидатите треба да достават:
Биографија (CV) со детален опис на стручноста и релевантното искуство.
Финансиска понуда во МКД или ЕУР (бруто износ со вклучен персонален данок).
Најмалку три референци од претходни слични ангажмани.
Табела на референтни проекти со краток опис.
Пополнета изјава (Анекс 1– Декларацијата за немање на судир на интереси ако е физичко лице )
Целокупната документација се доставува во електронска форма на македонски јазик (или на англиски јазик доколку се работи за меѓународен експерт).
ЕВАЛУАЦИЈА НА КАНДИДАТИТЕ
По истекот на рокот за пријавување, ќе се креира Комисија од 3 члена, која ќе изврши бодување на пристигнатите понуди.
Евалуационата комисија ќе ги контактира само оние кандидати кои ќе бидат избрани. Оценувањето ќе се врши според следниве критериуми:
Биографија и претходно искуство: 60 бодови
Понудена цена за ангажманот: 40 бодови
Вкупно: 100 бодови
Договорот ќе биде склучен со кандидатите кои ќе освојат најголем број бодови.
Еко-свест ќе гo контактира избраниот понудувач, не подоцна од 7 работни дена од истекот на периодот за доставување на понуда. Во рок од 3 дена од донесувањето на Одлуката, Еко-свест ги информира сите понудувачи за исходот од постапката. Понудувачите имаат право да поднесат Приговор во врска со постапката во рок од 3 календарски дена.
Пријавување
Комплетната понуда, изјавување интерес и изјава, понудувачите треба да ја испратат на еmail: [email protected] најдоцна до 12.07.2026 година до 16:00 часот со назнака: Креирање и подготовка на едукативен прирачник(име на понудувачот).
Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб-страницата на Еко-свест под објавата за повикот.
Некомплетни понуди и понуди испратени по предвидениот рок нема да бидат земени предвид. Повеќе информации или прашања можете да поставите на [email protected] и тел. +38978449209
Еко-свест ќе бара од избраниот понудувач пред склучување на договор за соработка да ја достави следната документација: потврда/информација од Централен Регистар за забрана за вршење дејност и регистар за казни на физилки лица; изјави за доверливост и непостоење на конфликт на интереси од страна на избраниот кандидат (физичко лице) (Анекс-2); биографии (CV) на консултантите; листа на референци/портфолио.
Доверливост
Сите информации кои се поврзани со оценка на понудите нема да бидат споделувани со никој кој не е официјално вклучен во процесот на селекција, дури и по завршување на процесот на избор. Сите податоци ќе се третираат како доверливи и нема да се користат, прибираат, споделуваат за други цели надвор од овој повик и целта на истиот.
ENGLISH
The Center for Environmental Research and Information “Eko-svest” from Skopje, through its local office in Vevchani, within the framework of the project “Support for Sustainable Management of the Vevchani Springs Protected Area – Phase 2”, supported by PONT (Prespa Ohrid Nature Trust), requires the engagement of two consultants for the creation and preparation of an educational manual in the field of nature protection, which will be appropriately adapted for high school students.
Objective of the Activity
The objective of this activity is to develop a comprehensive educational manual that will introduce the topics of environmental protection and sustainable management to high school students in a creative, interactive, and innovative way. The content should encourage critical thinking, an investigative spirit, and active youth involvement in protecting the local flora, fauna, and natural resources.
Tasks of the Consultants
The selected consultants will need to complete the following tasks in close coordination with the project team of “Eko-svest” Vevchani:
Conceptualization and structure of the manual: Development of a detailed framework and content of the manual suitable for high school age.
Development of educational content: Preparation of theoretical and practical modules including relevant information, illustrations, practical examples, and case studies related to the Vevchani Springs Protected Area.
Interactive and practical exercises: Creation of fieldwork activities, quizzes, debate topics, group exercises, and a methodology for teachers/moderators who will use the manual.
Proposing additional digital or visual tools that can enrich the content of the manual and make it more appealing to youth.
Timeline for Submitting an Offer
The period for expressing interest in participating in the call is 7 days from the publication of the open call, until 14.07.2026.
Timeline and Contract Value
Timeline: The implementation period for the activity is 6 (six) months from the date of signing the contract, with the possibility of extension up to a maximum of 9 (nine) months due to objective reasons.
Budget: 1,800 EUR per expert.
Criteria for Applicants
Applicants must collectively (jointly) meet the following criteria:
Completed higher education (or higher) in a relevant field (biology, ecology, environmental protection, geography, pedagogy, or related sciences).
At least 5 years of professional work experience in the field of education, non-formal education, or nature protection, with a focus on innovative approaches in working with youth.
At least 1 previously developed educational material (manual, brochure, program, or guide) intended for high school age or youth.
Required Application Documentation
It is preferable for candidates to apply jointly. The call is open to national and international consultants. Candidates must submit:
Curriculum Vitae (CV) with a detailed description of expertise and relevant experience.
Financial offer in MKD or EUR (gross amount including personal income tax).
At least three references from previous similar engagements.
A table of reference projects with brief descriptions.
A completed statement (Annex 2 – Declaration of no conflict of interest if applying as a natural person/individual).
All documentation must be submitted in electronic form in the Macedonian language (or in the English language if it involves an international expert).
Evaluation of Candidates
After the application deadline expires, a 3-member Evaluation Committee will be formed to score the received offers. The Evaluation Committee will only contact the selected candidates. The evaluation will be conducted based on the following criteria:
Evaluation Criterion
Maximum Points
CV and previous experience
60 points
Offered price for the engagement
40 points
Total
100 points
The contract will be concluded with the candidates who score the highest number of points.
Eco-svest will contact the selected bidder no later than 7 working days from the expiration of the deadline for submitting offers. Within 3 days of making the Decision, Eco-svest will inform all bidders of the outcome of the procedure. Bidders have the right to submit an Appeal regarding the procedure within 3 calendar days.
How to Apply
Bidders should send their complete offer, expression of interest, and statement via email to: [email protected] no later than 14.07.2026 by 16:00, with the subject line: Creation and preparation of an educational manual (name of the bidder).
Questions received from any of the interested bidders will be answered and distributed to all invited bidders, as well as published on the Eco-svest website under the call announcement.
Incomplete offers and offers sent after the specified deadline will not be taken into consideration. For more information or questions, you can contact [email protected] or call +38978449209.
Eko-svest will require the selected bidder to submit the following documentation prior to signing the cooperation contract: a certificate/information from the Central Register regarding a ban on performing activities and the register of penalties for natural persons; confidentiality and non-existence of conflict of interest statements by the selected candidate (natural person)(Annex-2); CVs of the consultants; a list of references/portfolio.
Confidentiality
All information related to the evaluation of offers will not be shared with anyone who is not officially involved in the selection process, even after the selection process is completed. All data will be treated as confidential and will not be used, collected, or shared for other purposes outside of this call and its objective.
Најнови коментари