Еко-свест започна со кампања за информирање на јавноста и институциите за потребите од итно донесување на нов Закон за природата.
Проблемот со заштитата на природата постои одамна. Притисокот кој го прават инфраструктурните проекти врз природните предели и вредности е огромен, а сепак ова прашање никогаш не било приоритет. Привилегирани се инвеститорите кои често не ги следат прописите, а граѓаните се оставени сами да ја штитат средината во која живеат.
Сѐ почесто граѓаните сами се обидуваат да спречат штетен инфраструктурен проект бидејќи системот не успеал да идентификува или спречи штета врз природата. Голем удел во ваквата пракса имаат несоодветните законски решенија кои не нудат суштинска имплементација и функционална заштита на терен.
Законот за природа во нова верзија беше подготвен во 2018 година, но никогаш не се усвои. Во меѓувреме се развија голем број на Директиви од европоското законодавство, а и се сменија работите во пракса. Оттука, нов закон за природа во кој ќе се елиминираат нефункционалните аспекти и кој ќе ја унапреди заштитата на природата е потребниопт чекор напред.
Не за Европа, или некој друг. За нас и нашите идни генерации.
НА МАКЕДОНИЈА Ѝ Е ПОТРЕБЕН НОВ ЗАКОН ЗА ПРИРОДАТА ВЕДНАШ!
🌿 Да го заштитиме нашето највредно- реките и езерата, планините и шумите, растенијата и животните. 🌿Новиот Закон за природа не е почеток, тој е следниот клучен чекор за вистинска заштита на природата! 🌿Нашата природа е светско наследство – нејзината заштита е одговорност кон нас и кон светот! 🌿Секое одложување на новиот закон за природа ја ослабува заштита која на природата и е итно потребна! 🌿Владата има одговорност да преземе чекор и да го донесе новиот Закон за заштита на природата!
Во рамки на своите активности за ослободување на речните текови, Еко-свест објавува повик за компании за изразување интерес за физичко отстранување на бетонска бариера.
Локацијата на бариерата е во близина на Шупљи Камен.
Повикот е отворен од 12.09.2025 до 19.09.2025 година.
Заинтересираните компании можат да изразат интерес за давање понуда најдоцна до 19.09.2025 година во 17:00 часот.
Компаниите кои изразиле интерес ќе бидат поканети на консултативен состанок и ќе им бидат доставени детални информации и технички проект за отстранувње.
Изразувањето интерес треба да се достави во електронска форма на [email protected] Наслов на пораката Изразување интерес.
Претходно искуство со отстранување и демонтажа на градеѓни објекти
Поседување на неопходна механизација
Поседување соодветни дозволи и лиценци за работа.
За било какви прашања, контактирајте го Ѓорѓи Митревски на [email protected]
Опис на бариерата која е предмет на отстранување
Стар тенковски мост вон употреба и се наоѓа во Општина Куманово, во местото Шупљи камен.
Димензии: Должина: 52 m Висина: 5,3 m Надморска висина: 280 m Географски координати: географска должина: 21° 47′ 34,4′′ географска ширина: 42° 5′ 4,99′′
Центарот за истражување и информирање за животната средина „Еко-свест“ во рамки на своите проекти, објавува повик за ангажман на правен советник од областа на животната средина.
Цел на активноста Консултантот ќе биде ангажиран во времетраење од 1 година. Ангажманот ќе се состои од повеќе активности детално опишани во повикот. Со цел успешно спроведување на проектните задачи, консултантот треба да има познавање на: • Националната и меѓународната правна рамка за заштита на водите, природата, видовите и нивните живеалишта, климатските промени, енергетиката, стандарди за оцена на влијанијата врз животната средина, учество на јавноста во донесување на одлуки, право на сопственост, имотно-правни права и сл.; • Искуство во работа со граѓански организации, граѓани и граѓански заедници во доменот на заштита на граѓанските права и правото на здрава животна средина.
Критериуми за апликантите Очекуваме понуди од понудувачи кои е пожелно да ги исполнуваат следните критериуми: • Високо образование од областа на правните науки; • Добро разбирање на основните аспекти, проблеми и правни прашања од областа на животната средина; • Најмалку една до три години работно искуство; • Добри комуникациски и организациски вештини; • Искуство во подготовка на претставки, жалби и тужби.
Обем и опис на услугата Ангажираниот Правен советник ќе ги има следните работни задачи: • Обезбедување на правни информации, правна поддршка и правни совети на прашања кои произлегуваат од областите на делување на Еко-свест: клима, енергетика, природа, води, активно граѓанство; • Обезбедување на правна поддршка и совети за граѓански организации и граѓани по прием на барање за правна помош во доменот на заштита на животната средина; • Остварување на средби и состаноци со засегнати граѓани, иницијативи и граѓански организации и правна помош при подготовка на поднесоци; • Подготовка на правни иницијативи, жалби, претставки и тужби по потреба; • Анализа на закони и уреби за потребите на целите на оваа задача; и • Идентификување на правни проблеми при спроведувањето и планирањето на политики од областа на животната средина.
Услови на повикот и начин на пријавување На повикот може да аплицираат индивидуални експерти. Заинтересираните кандидати кои ги исполнуваат условите, документите треба да ги достават во електронска верзија на е-пошта до [email protected] со назнака „Апликација за правен советник“. Документи кои кандидатите треба да се достават при апликација:
Професионална биографија/ Портфолио на компанијата;
Финансиска понуда за ангажманот (експертска дневница)
Предлог временска достапност за ангажманот (претставена во денови за период од 1 година)
Потпишана Потврда за посветеност: Кодекс на однесување на Еко-свест и декларација за судир на интереси за физички лица (Анекс 2) или Изјава за правни лица (Анекс 3). За сите прашања, контактирaјте нè на [email protected]. Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест во коментари под објавата за повикот и достапни за сите. Доставените материјали остануваат во архивата на Еко-свест. Понудите кои ќе пристигнат по наведениот рок или без целосна документација, нема да бидат разгледувани.
Рокови и временска рамка Повикот е отворен од 12 септември 2025 година до 30 септември 2025 година до 16:00 часот. Консултантски ангажман ќе започне со потпишување на договорот во текот на месец октомври 2025 година.
По истекот на рокот за пријавување, ќе се креира Комисија од 3 члена која ќе изврши бодување на пристигнатите понуди. Кандидатите за секоја тематска област ќе бидат оценувани според следните критериуми:
Професионална биографија/ Портфолио на компанијата – 60 бодови;
Финансиска понуда за ангажманот (експертска дневница) – 40 бодови. Вкупно 100 бодови
Еко – свест ќе ги контактира избраните понудувачи, не подоцна од 7 дена од истекот на периодот за доставување на понуда.
*Напомена
Од избраниот понудувач, освен горенаведените податоци, ќе се побара да достави дополнителна документација која вклучува потврда/информација од Централен Регистар за забрана за вршење дејност и регистар за казни на физички лица; изјави за доверливост и непостоење на конфликт на интереси од страна на избраниот кандидат (физичко лице); потврда за казнена евиденција за физички лица; биографии (CV) на консултантите; листа на референци/портфолио. Договор ќе биде склучен со кандидатите кои освоиле најголем број бодови во сооднос квалитет на понуда и цена.
За потребите на своите проекти во доменот на заштитата на водите, Еко-свест има потреба од ангажирање на компанија за спроведување на анкета со репрезентативен примерок на ниво на целата држава.
ЦЕЛ НА АКТИВНОСТА
Целта на активноста е спроведување на репрезентативна анкета на ниво на целата држава за истражување на ставовите на граѓаните за отстранување на непотребни речни препреки, како дел од проектот со Dam Removal Europe.
Целта е да се обезбедат податоци кои ќе послужат како основа за понатамошна анализа, препораки и активности за заштита на водите и природата, како и за зголемено граѓанско учество.
ЗАДАЧИ НА ИЗБРАНАТА КОМПАНИЈА :
Подготовка и планирање • Целосно запознавање со целта и протоколите на проектот; • Преглед и усогласување на учесниците, и методологија за анкета и регуртација на учесници; • Разработка на интерен временски план.
Спроведување на репрезентативна анкета на ниво на целата држава • Организација и реализација на анкета врз репрезентативен примерок од населението во Македонија; • Консултации со тимот на Еко-свест за методологијата и формулирањето на прашалникот; • Сегментирање по демографски и социо-економски критериуми; • Анализа и презентација на резултатите.
Доставување необработени податоци • Доставување на ексел документ со сите влезни податоци од анкетата.
Крајна достава • Доставување на финален извештај од репрезентативната анкета на ниво на целата држава, кој ќе содржи методологија, обработени резултати и заклучоци, најдоцна до 24 октомври 2025 година; • Извештајот треба да биде подготвен на македонски јазик и доставен во електронска форма.
ВРЕМЕНСКА РАМКА
Периодот за спроведување на активностите е следниот: • Репрезентативната анкета на ниво на целата држава треба да се реализира во периодот од септември до октомври 2025 година, со предавање на финален извештај со резултати најдоцна до 24 октомври 2025 година.
ПОТРЕБНА ДОКУМЕНТАЦИЈА ЗА ПРИЈАВУВАЊЕ
При пријавувањето, заинтересираните компании треба да достават : 1. Краток опис на компанијата, портфолио со претходно искуство и краток план за спроведување на активностите (не повеќе од 1 страна); 2. Тековна состојба не постара од 6 месеци; 3. Финансиска понуда (Анекс 1); 4. Пополнета изјава (Анекс 3).
Доставените материјали остануваат во архивата на Еко-свест.
Од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; завршна сметка за 2024 (за правни лица); pотврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси од страна на избраниот кандидат (физичко лице) или изјава дека ги исплонува критериуме за учество (правно лице); биографии (CV) на консултантите; листа на референци/портфолио.
КРИТЕРИУМИ ЗА ПРИЈАВУВАЊЕ
Компанијата која се пријавува мора да ги исполнува следниве критериуми: 1 . Активна компанија, здружение или фондација формирано/а согласно Законите во С. Македонија, и постои најмалку 3 години.
2. Претходно искуство во подготовка, реализација и обработка на анкети на репрезентативен примерок.
ЕВАЛУАЦИЈА НА КАНДИДАТИТЕ
Евалуационата комисија го задржува правото да го извести само оној понудувач чија понуда ќе биде избрана. Кандидатите ќе бидат оценувани по следните критериуми: 1. Претходно искуство во спроведување на слични активности 70 бодови 2. Понудена цена за активноста 30 бодови Вкупно 100 бодови. Договор ќе биде склучен со онаа компанија која освоила најголем број бодови во сооднос квалитет на понуда и цена.
ДОСТАВУВАЊЕ НА ПОНУДИ
Комплетната понуда, апликатите треба да ја испратат на е-маил: [email protected] најдоцна до 17 септември 2025 година до 16:00 часот, со назнака Пријава за анкета.
Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест под објавата за повикот. Некомплетни понуди или понуди испратени по предвидениот рок нема да бидат земени предвид.
Еко-свест ќе го контактира избраниот понудувач, не подоцна од 7 дена од истекот на периодот за доставување на понуда.
Најнови коментари