by Elena Nikolovska | Oct 21, 2021 | Енергија, Клима, Природа, Соопштенија
Најновиот извештај на ЕУ за земјата сериозно забележува за недостигот на имплементација на новата и постоечка регулатива во поглавјето 27 – животна средина и клима. Тоа и недостигот на меѓусекторска соработка и координација стојат како проблеми кои оневозможуваат напредок во ова поглавје.
Транспорт
Доцнењето со развојот на акцискиот план за спроведување на Стратегијата за транспорт 2018-2030, како и сериозно слабите оперативни и административни капацитети за сите типови транспорт, се и ќе продолжат да бидат сериозен проблем за правилно спроведување на Зелената агенда во секторот транспорт. Напредокот е најслаб во усогласување со европското законодавство за железницата и за комбиниран транспорт, елементи што се круцијални за развојот на чист и одржлив транспортен сектор.
Енергија
Земјата носи амбициозни политики и планови во секторот енергија, меѓутоа како што е наведено и во извештајот, недостатокот на високо квалификуван персонал способен да ги спроведе сите овие нови стратегии, планови и закони значи дека имплементацијата ќе доцни или нема да се случи.
Во делот за обновливи извори, извештајот препорачува да се преиспита одлуката на Владата да ги задржи повластените тарифи за малите хидроцентрали затоа што или не им се потребни субвенции, или прават висока штета врз животната средина. Исто така препорачува да се отстранат лимитите за максимален инсталиран капацитет на другите технологии за да се забрза нивниот развој. Во делот за производители-потрошувачи е нагласено дека има преголем број административни пречки што ги одвраќаат граѓаните и го забавува спроведувањето.
Воздух
Загадувањето на воздухот во големите градови останува сериозен проблем. Извештајот повторно ги нагласува слабото спроведување, недоволната алокација на ресурси, и слабата интерсекторска соработка помеѓу централната и локалната власт како главни причини за слабиот напредок во овој сектор. Подобрата соработка и зголемувањето на финансиите посветени за мерки против загадувањето на воздухот се меѓу трите најважни препораки во целото поглавје 27 за животна средина.
Природа
Секторот природа бележи голем број на успешни национални и меѓународни процеси за прогласување на нови подрачја (Шар планина како национален парк, Охрид и Студенчишко блато како нови Рамсар подрачја, Длабока река како светско наследство во УНЕСКО ) и промени во законодавството кое е на праг на усвојување. Акцентот во извештајот е ставен на потребите да се забрза ре-прогласувањето на НП Маврово за национален парк, да се создаде систем за мониторинг на балканскиот рис како прв чекор кон неговата заштита и да се обезбеди државно финансирање за заштитените подрачја.
Вода
Една од клучните забелешки во секторот води е отсуство на плановите за управување со речните сливови и нивната имплементација. Поради ова сме сведоци на бројни штети врз речните екосистеми како резултат на издавање на неплански концесии.И тука главна забелешка е недостигот од меѓусекторска соработка помеѓу институциите во овој сектор.
Клима
Во моментот нашата земја носи климатски политики со висока амбиција која е во насока на остварување на зацртаните климатски цели во ЕУ, меѓутоа најголема забелешка во извештајот е минимална имплементација на Парискиот договор. Оваа забелешка најмногу се однесува на игнорирање на одредбите од Парискиот договор кои се однесуваат на внесување на климата во националното право како би се создала правна рамка за имплементација на ветените амбициозни цели со стратегијата за климатска акција и со ревидираните национални придонеси. Земјата сеуште нема закон за климатска акција кој треба да ја обезбеди институционалната и правна рамка за превземање активности. Потребно е сериозно разбирање на Парискиот договор како и Текстовите од Катовице за имплементација на договорот и внесување на климата во сите релевантни сектори.
by Elena Nikolovska | Oct 8, 2021 | Активно граѓанство, Клима, Соопштенија
Македонија во моментов има многу амбициозни политики за клима и енергија, но успешното спроведување на овие политики кои се носат на централно ниво ќе зависи од навременото и соодветно превземање на активности и мерки на локално ниво. Општините зафатени со овие процеси треба да бидат главните носители на процесите на праведна транзиција во земјата.
Климатските промени се најголемиот предизвик за носителите на одлуки денес. Нивните последици веќе ги трпат заедниците во светот, особено во земјите во развој како нашата кои немаат финансиски средства да се справат со штетите и загубите. Земјите од Западен Балкан, од кои повеќето сè уште се зависни од јаглен и лигнит, сепак ја потпишаа Софиската декларација и се заложија да станат клима неутрални до 2050 година.
Сакаме да ги потсетиме носителите на одлуки во државава дека најавеното продолжување со работа на ТЕЦ Осломеј е спротивно на заложбите кои ги превземаа токму со Софиската декларација и Зелениот договор за земјите од Западен Балкан како и со националните стратешките документи а се коси и со високите климатски цели поставени во ревидираниот национален придонес кон UNFCCC. Било каква добивка која ќе ја имаме како резултат на продажбата на електричната енергија добиена од јаглен граѓаните кои живеат во близина на термоелектраните ја плаќаат со своето здравје, здравјето на своите деца и скусени години од својот живот. Потребата од стабилност и безбедност на енергетскиот систем во ниеден случај не го оправдува работењето на термоелектраните без соодветни мерки за заштита на животната средина.
Разбираме дека набавката која се случува сега е интервентна, меѓутоа тоа значи и дека во ниеден случај не смее да се дозволи ова да стане пракса на сметка на забрзаното воведувањето на новите обновливи извори на енергија во системот за да се задоволат потребите.
Со цел да го поттикнеме и поддржиме процесот на праведна транзиција во С. Македонија ги повикуваме кандидатите за градоначалници на локалните избори 2021 за регионите во кои се врши експлоатација на јаглен како и сите региони со отворени рудници и регионите на чија територија има индустриски капацитети со високи емисии на стакленички гасови да се обврзат дека ќе ги почитуваат основните принципи на праведната транзиција преку потпишување на крајот на овој документ и да ни го вратат потпишан на [email protected].
by Elena Nikolovska | Sep 29, 2021 | Повици
Центарот за истражување и информирање за животната средина “Еко-свест” од Скопје, во рамки на проектот „Граѓански организации во акција за климата’’ финансиран од Swedish International Development Cooperation Agency (SIDA), има потреба од ангажирање на обучувач за Result Based Monitoring (RBM).
ЦЕЛ НА АКТИВНОСТА
Цел на активноста е спроведување на обука за Result Based Monitoring (RBM) за 20 лица и развој на практични алатки за мониторирање и евалуација на проектните резултати.
ЗАДАЧИ
Обучувачот треба:
- Да подготви методологија и вежби за спроведување на 3 дневна обука во согласност со препораките и мерките за COVID-19
- Да достави план за спроведување на обуката
- Да спроведе обука за 20 лица во времетраење од 3 дена (по 8 часа дневно)
- Да овозможи поддршка и да даде насоки на проектниот тим за да ја развие рамката за мониторинг и евалуација на проектот и неговите резултати,
- Да спроведе прашалник за евалуација на обуката и да подготви извештај за спроведената обука.
ВРЕМЕНСКА РАМКА И ВРЕДНОСТ НА ДОГОВОРОТ
Периодот за реализација на оваа активност изнесува 1 месец од потпишување на договорот. Вредноста на договорот не може да надмине 2100 евра во денарска противредност во бруто износ (со вклучен персонален данок).
ПОТРЕБНА ДОКУМЕНТАЦИЈА ЗА АПЛИЦИРАЊЕ
При аплицирањето, кандидатите треба да достават:
- Биографија (CV) со детален опис за нивното поле на експертиза и претходно спроведени обуки во истиот/сличен домен,
- Методологија на спроведување на обуката со предлог модули како и предлог методологија за изработка на рамката за мониторинг и евалуација на проектот како главен резултат од обуката.
Целокупната документација треба да биде доставена на македонски јазик во електронска форма.
КРИТЕРИУМИ ЗА АПЛИКАНТИТЕ
- Најмалку 5 години професионално работно искуство во релевантна област
- Најмалку 3 (три) претходно спроведени обуки за RBM
- Одлични комуникациски/презентациски вештини
- Искуство со работа со проектни тимови и групна работа
- Основни познавања на еколошкиот сектор и неговото делување во област на климатските промени.
ЕВАЛУАЦИЈА НА КАНДИДАТИТЕ
Евалуационата комисија ќе ги извести сите кандидати за изборот. Канидатите ќе бидат оценувани по следните критериуми:
- Претходно искуство во спроведувањето на слични активности, профил на кандидатот и познавања- 50 бодови
- Понудена методологија – 50 бодови
Вкупно 100 бодови.
Договор ќе биде склучен со оној кандидат кој ќе добие најголем број бодови.
ПРИЈАВУВАЊЕ
Комплетната понуда, апликантите треба да ја испратат на еmail: [email protected] најдоцна до 13 октомври 2021 г., 16:00 часот со назнака ,,Апликација за обучувач за RBM“
Некомплетни понуди или понуди испратени по предвидениот рок нема да бидат земени предвид.
Повеќе информации можете да добиете на [email protected].
Целосниот повик на следниот линк.
by Elena Nikolovska | Sep 20, 2021 | вработуваме-затворен
Центарот за истражување и информирање за животната средина Еко-свест од Скопје отвара повик за ангажирање на координатор за односи со јавност.
Задолженијата на координаторот за односи со јавност ќе бидат објаснети подолу во овој повик.
Повикот е отворен од 20.09.2021 година за сите заинтересирани лица кои ги исполнуваат барањата од повикот и ќе ги поднесат следните документи:
• Биографија (CV)
• Контакт информации до три референци
• Мотивациско писмо
Се бара 1 лице кое ќе ги задоволи барањата од повикот. Позицијата е на полно работно време.
Прашања во врска со повикот
Сите прашања во врска со повикот слободно може да се постават на следната електронска адреса: [email protected] најдоцна до 25.09.2021 година.
Учество на повикот
Сите кандидати треба подготвената документација да ја пратат најдоцна до 30.09.2021 (четврток) на следната електронска адреса: [email protected] со наслов на пораката: Пријава за координатор за односи со јавност.
Повеќе информации на следниот линк.
by Elena Nikolovska | Aug 13, 2021 | Повици
Центарот за истражување и информирање за животната средина “Еко-свест” од Скопје, во рамки на проектот „Граѓански организации во акција за климата’’ финансиран од Swedish International Development Cooperation Agency (SIDA), а спроведуван од Центарот за истражување и информирање за животната средина Еко-свест Скопје, Македонското здружение на млади правници и CNVP има потреба од ангажирање на обучувач за антикорупциски мерки и политики.
ЦЕЛ НА АКТИВНОСТА
Цел на активноста е спроведување на обука за антикорупциски мерки и политики за 20 лица.
ЗАДАЧИ
Обучувачот треба:
- Да подготви методологија и вежби за спроведување на обуката во согласност со препораките и мерките за COVID-19
- Да достави план за спроведување на обуката
- Да спроведе обука за 20 лица
- Да подготви извештај за спроведената обука
ВРЕМЕНСКА РАМКА И ВРЕДНОСТ НА ДОГОВОРОТ
Периодот за реализација на оваа активност изнесува 2 месеци од потпишување на договорот. Вредноста на договорот не може да надмине 2000 евра во денарска противредност во бруто износ (со вклучен персонален данок).
ПОТРЕБНА ДОКУМЕНТАЦИЈА ЗА АПЛИЦИРАЊЕ
При аплицирањето, кандидатите треба да достават:
- Биографија (CV) со детален опис за нивното поле на експертиза
- Список на теми кои би се опфатиле со обуката и предлог времетраење на обуката
- Цена на чинење на услугата во МКД (бруто износ со вклучен персонален)
Целокупната документација треба да биде доставена на македонски јазик во електронска форма.
КРИТЕРИУМИ ЗА АПЛИКАНТИТЕ
- Најмалку 5 години професионално работно искуство во релевантна област
- Најмалку 3 (три) претходно спроведени обуки за антикорупциски мерки и политики
- Одлични комуникациски/презентациски вештини
ЕВАЛУАЦИЈА НА КАНДИДАТИТЕ
Евалуационата комисија ќе ги извести само оние кандидати чија понуда ќе биде избрана. Канидатите ќе бидат оценувани по следните критериуми:
- Претходно искуство во спроведувањето на слични активности и предложена методологија- 70 бодови
- Понудена цена за активноста- 30 бодови
Вкупно 100 бодови.
Договор ќе биде склучен со оној кандидат кој ќе добие најголем број бодови.
ПРИЈАВУВАЊЕ
Комплетната понуда, апликантите треба да ја испратат на еmail: [email protected] најдоцна до 13 септември 2021 г., 16:00 часот со назнака ,,Апликација за обучувач за антикорупциски мерки и политики“.
Некомплетни понуди или понуди испратени по предвидениот рок нема да бидат земени предвид.
Повеќе информации можете да добиете на [email protected].
Најнови коментари