Во 2019 година Владата на Република Северна Македонија ја усвои Стратегијата за развој на енергијата до 2040 година, а во 2022 година Националниот план за енергија и клима. Во двата документи се планира изградба на 1400 MW соларни и 750 MW ветерни електрани до 2040 година. До 2040 година над 80% од електричната енергија ќе се произведува од обновливи извори на енергија, наспроти сегашната ситуација каде електраните на лигнит придонесуваат со 80% од домашното производство.
Без јасен план за тоа како да се продолжи со распоредувањето на обновливите извори на енергија и каде да се лоцираат, може да се очекуваат повеќе неуспеси ипредизвици. Без соодветни проценки пред планирањето, поставувањето на проекти за обновлива енергија може да дојде во конфликт со приоритетите на користење на земјиштето, природно заштитените подрачја и локалните заедници. Овие конфликти честопати доведуваат до продолжување на времето потребно за комплетирање на проектната документација и вистинска имплементација на терен. Сепак, 63 отсто од граѓаните во Северна Македонија сметаат дека инвестирањето во енергетски проекти мора да биде приоритет.
Имајќи го ова предвид, владините институции треба да се следат низа принципи за да се забрза енергетската транзиција без да се нанесува штета на животната средина, природата и локалните заедници, истовремено зачувувајќи го земјоделското земјиште.
Прва фаза на проектот
Во соработка со The Nature Conservancy и Македонската академија на науките и уметностите (МАНУ), Еко-свест работи на проект за паметно енергетско планирање во земјата. Со спроведување на фокус групи и анкета на репрезентативен примерок, како и серија консултации со релевантни чинители во секторот, Еко-свест изготви Принципи и препораки за паметно енергетско планирање.
Во втората фаза на проектот се продолжува со анализа и картирање на локации за изградба на вакви проекти согласно утврдена методологија, на земјиште кое нема друга употребна вредност. Секако, принципот на заштита на природата и локалното население се клучни и движечки вредности во овој проект. Дополнително на ова, формирано е Советодавно тело на проектот, од претставници на национални и меѓународни институции како и експертска работна група која ја ревидира работата на МАНУ и овозможува уште поквалитетно истражување и резултати од овој проект.
Студијата резултираше со мапа на одржливи локации, првенствено на некорисно и загадено земјиште, за развој на обновливите извори на енергија во Македонија. Доколку инвестициите се насочат кон соларни и ветерни електрани на само половина од овие одредени локации, овие проекти би можеле да генерираат 7,7 терават-часови електрична енергија годишно.
СОЛАРЕН ПОТЕНЦИЈАЛ Се проценува дека 50 GW соларна фотоволтаична инсталирана моќност може да се развие во области со оцена повисока од 4,2 означени со темно црвена боја, или 11 GW доколку не се земат предвид областите значајни за растенијата и локациите кои се значајни за птиците.
ВЕТЕРЕН ПОТЕНЦИЈАЛ Околу 457 MW инсталирана моќност на ветерни централи може да се развијат во области со оценка повисока од 3,7 означени со темно виолетова боја, или 354 MW доколку не се земат предвид областите значајни за растенијата и локациите кои се значајни за птиците.
Центарот за истражување и информирање за животната средина Еко-свест од Скопје отвара повик за вработување на Координатор за финансии и администрација.
За Еко-свест
Мисијата на Еко-свест е да истражува, информира и делува кон унапредување на јавните политики и навиките за одржливо живеење и заштита на животната средина.
Еко-свест поддржува и поттикнува граѓанска свесност и активно учество и промовира практични решенија во соработка со организации и институции.
Посебни цели и задачи на „Еко-свест“ се:
– Информирање за потенцијалните негативни влијанија врз животната средина и луѓето;
– Промовирање на решенија за здрави и одржливи пракси и политики во областа на заштита на животната средина и застапување на истите во процесите на креирање политики;
– Истражувања и анализи во област на заштитата на животната средина и човековото здравје;
– Промовирање и застапување за учество на јавноста во процесите на донесување одлуки во област на животната средина и поддршка на заедниците за остварување на ова право;
– Информирање и едуцирање на јавноста за можните негативни влијанија и начините за спречување и избегнување на истите врз животната средина и човековото здравје особено кај жените, децата и старите лица;
– Формирање и водење на коалиции и други тела составени од организации, експерти и институции со цел заедничко застапување за заштита на животната средина;
– Активно учество во постапките на измена и донесување на законски акти во област на заштита на животната средина;
– Спроведување на посебни активности во областите на:
заштита на климата
заштита на природата
заштита на медиумите на животната средина (воздух, води, почва)
одржлив развој на локалните заедници
одржлив транспорт
одржливи и паметни решенија за енергетскиот систем
одржливо управување со отпадот
иновации во заштитата на животната средина
паметно просторно планирање
поддршка на заедниците и активно граѓанство.
Работни задачи и одговорности: Ангажираниот Координатор за финансии и администрација ќе ги има следните работни должности и одговорности:
Тековно и ажурно евидентирање на трошоците и распределба на трошоците по проекти;
Девизно, денарско, благајничко работење;
Подготовка и архивирање на излезни фактури, други финансиски документи и договори;
Администрација поврзана со човечки ресурси;
Набавка на основни средства и материјали за канцелариско работење, и следење на инвентарот на основни средства;
Логистичка поддршка на проектните координатори за организирање на настани и проектни активности;
Други задолженија кои произлегуваат од финансиско работење.
Учествува во подготовка на годишен буџет ;
Учествува во подготовка на завршната сметка и годишниот завршен финансиски извештај на организацијата;
Ги спроеведува насоките и приоритетите на организацијата – Ги следи и евидентира работните часови и одморите на вработените, ги подготвува платите и друга документација поврзана со вработените
Дава информации за подготовка на договорите ;
Дава поддршка во подготовката на проектни буџети и финансиски и наративни извештаи кон донаторите
Ја евидентира состојбата со наплата и прием на средства, работи со конверзија на странски валути;
Подготвува интерни налози за исплата, ги евидентира трошоците во интерниот систем и евидентира изводи, изготвува налози за електронско банкарство Подготвува и евидентира излезни фактури и архивира финансиска документација;
Редовно ги пополнува и ажурира Регистарот на исплати на Еко-свест, Регистарот на барања, Регистарот на фактури, Регистарот на плати, Регистарот на проекти, Регистарот на сметки, Регистарот на режиски трошоци и Регистарот на добавувачи
Комуницира со надворешниот овластен сметководител на организацијата
Ги проверува проектните картици/извештаи изработени од надворешниот овластен сметководител ;
Спроведува постапки за набавки и подготвува повици
Управува со готовината во организацијата
Распределува режиски трошоци по проекти и го ажурира инвентарот на основни средства
Кандидатите треба да ги исполнуваат општите, како и следните посебни услови:
Комплетирано соодветно формално и неформално образование;
Работно искуство со административно и канцелариско работење;
Докажана способност да работи со компјутери, пред сè напредно познавање на програмите од пакетот на Microsoft Оffice;
Искуство со работа на проекти и буџети на граѓански организации вo Македонија или во странство, основно познавање од раководење на проектен циклус и познавање процедури за спроведување на проекти на странски донатори, ќе се смета за предност;
Одлично познавање на англиски јазик
Желба и мотив за работа во граѓанска организација која третира прашања и политики од животната средина и граѓанскиот активизам;
Желба за континуирано учење и надоградување.
Кандидатите треба да ги поседуваат следните вештини и способности:
отворена комуникација (усна и писмена) и презентација;
брзо прифаќање и прилагодување кон нови задачи;
тимска работа во мултикултурно опкружување;
извршување повеќе задачи истовремено;
уредност и организираност.
Работни услови: Неделното работно време е 40 часа. Локација на вршење на работните обврски е во Скопје. Со избраниот/ата кандидат/ка ќе биде потпишан договор за вработување на определено време, со пробен период од 1 (еден) месец кој може да се продолжи врз основа на покажаните квалитети и перформанси. Месечна нето плата, согласно политиката за плати е помеѓу 30 000 и 60 000 денари нето и се утврдува согласно искуството и вештините на кандидатот. Конкретната плата на избраниот кандидат/ка ќе биде утврдена при потпишувањето на договорот за вработување.
Начин на пријавување: Заинтересираните кандидати/тки при пријавувањето треба да достават:
Mотивациско писмо (максимум од 1 страна);
Професионална биографија;
Професионална препорака/референца е пожелна.
Пријавувањето се врши на електронската адреса: ivana@ekosvest.com.mk, а пријавата мора да се наслови со: Пријава за координатор за финансии и администрација.
Пријавувањето е тековно и трае до пополнување на работната позиција.
Еко-свест ќе ги контактира само оние лица кои ќе бидат селектирани за тестирање и интервју. Нецелосните и неправилните пријави нема да бидат разгледани. Изборот на кандидатите/ките ќе се изврши врз основа на Законот за работни односи. Еко-свест е рамноправен работодавач.
Центарот за истражување и информирање за животна средина Еко-свест од Скoпје има потреба од адвокатски услуги од компании/индивидуални лица.
Цел и задачи
Ангажираната компанија/индивидуално лице ќе биде одговорно за адвокатските услуги и ќе има за цел да пружи правна помош за следните правни дејства:
– Состав на сите видови договори за кои ќе се јави потреба во секојдневното работење на корисникот на адвокатските услуги;
– Изготвување на интерни акти, правилници, одлуки и други потребни акти од делокругот на работа на корисникот на адвокатските услуги;
– Состав и поднесување на тужби до надлежните судови, во име и за сметка на корисникот;
– Застапување на корисникот на адвокатските услуги во текот на целата постапка за конкрентиот предмет кој ќе се води пред надлежниот суд;
– Состав и поднесување на сите видови поднесоци и писмена кои се потребни за правилно и законито водење на постапките;
– Давање правни совети, мислења и толкувања, врз основа на усни запознавања и проучување на писмен материјал во доменот на работата на корисникот;
– Состав на редовни и вонредни правни лекови;
– Застапување на интересите на нарачателот на услугата пред надлежните нотари, судови, извршители, финансиски институции и други органи кои вршат јавни овластувања, и вршење на други правни дејствија поврзани со тековното работење на нарачателот на услугата, наплата на неговите побарувања, остварување права во соодветни постапки или друг вид на правни работи.
Временска рамка за доставување на понуда
Периодот за доставување понуди е 7 календарски дена од објавување на отворениот повик односно до 01.02.2024 година.
По истекот на овие 7 дена Еко-свест ќе оформи комисија која ќе биде задолжена за избор на најдобра понуда.
Еко-свест ќе го контактира избраниот понудувач, не подоцна од 7 дена од истекот на периодот за доставување на понуда.
Потребна документација за пријавување
Заинтересираните компании треба да достават:
Понуда за адвокатски услуги со вклучен ДДВ
Потпишана изјава (види Анекс 1)
Кратко портфолио на компанијата
Тековна состојба не постара од 6 месеци
Заинтересираните индивидуални лица треба да достават:
Понуда за адвокатски услуги со вклучен ДДВ
Портфолио/Биографија
Лиценца за работа
Целокупната документација треба да биде доставена на македонски јазик во електронска форма.
Критериуми за понудувачите
Активна компанија која е формирана согласно Законите во Република Северна Македонија, и постои најмалку 5 години најмалку 5 години работно искуство за индивидуални лица.
На повикот може да се пријават правни и физички лица кои ги исполнуваат наведените правни и технички услови.
Доверливост
Сите информации кои се поврзани со оценка на понудите нема да бидат споделувани со никој кој не е официјално вклучен во процесот на селекција, дури и по завршување на процесот на избор. Сите податоци ќе се третираат како доверливи и нема да се користат, прибираат, споделуваат за други цели надвор од овој повик и целта на истиот.
Пријавување и контакт информации
Понудите треба да се испратат на email: [email protected] најдоцна до 01.02.2024 година до 16:00 часот, со назнака Доставување на понуда. Евентуални прашања за повикот можат да се достават до [email protected] најдоцна до 01.02.2024 година.
Анекс 1. Изјава од понудувач
ИЗЈАВА
Јас, долупотпишаниот ____________________________ (име и презиме) во дункција на овластен застапник на ____________________________(име на компанија) со целосна морална и материјална одговорност изјавувам дека правното лице кое го застапувам нема ограничувања да биде понудувач во овој повик и дека поконкретно
Правното лице не се наоѓа во стечајна постапка, банкрот или судски спор, правното лице нема склучено договор со доверители без можност да ги сервисира обврските кон кредиторите, и истото нема суспендирање на деловните активности на правниот субјект, односно активностите на правното лице не се предмет на постапка во врска со овие прашања илине се во каква било аналогна ситуација што произлегува од слична постапка предвидена во националното законодавство и регулативи;
Правното лице и овластениот застапник не се осудени за прекршок по основ на непрофесионално однесување, со пресуда која има сила на res judicata;
Правното или физичко лице застапник не е обвинето за тежок прекршок и/или недолично професионално однесување, по било кој основ докажано како праведно обвинето;
Правното или физичкото лице застапоник не се утврдени за виновни со правосилна пресуда или со правосилна административна одлука за тешко недолично професионално однесување прекршувајќи ги важечките закони и прописи или етичките стандарди апликативни за професионалната област во рамки на која субјектот делува, или соучествувајќи во било какво несоодветно однесување кое има влијание врз неговиот професионален кредибилитет и кога таквото однесување укажува на погрешна намера или груба небрежност, вклучително и особено кое било од следното: измама или небрежно погрешно прикажување на информации потребни за проверка на отсуството на основи за исклучување или исполнување на критериумите за избор или спроведување на договорот, вршење притисок или влијание при процесот на донесување одлука, или обид да се добијат доверливи информации за предности во постапката на набавка;
Правното лице ги исполнува обврските за плаќање на придонеси за социјално осигурување на вработените или плаќање даноци согласно законските одредби на земјата во која правниот субјект е основан или со одредбите важечки за земјата каде треба да се спроведе договорот;
Правното лице не е предмет на пресуда која има сила на res judicata за измама, корупција, инволвираност во криминални дејствија или која било друга незаконска активност штетна за финансиските интереси на организацијата и донаторите.
На ден __________година Име и презиме на застапникот
Аерозагадувањето претставува национален проблем поради тоа што многу од нашите градови се соочуваат со него, но е и локален проблем и неблагодарно е да се каже дека може да се реши со една или две мерки. Причината за ова се крие во тоа што изворите на аерозагадувањето се различни. Поттекнуваат и од транспортот, од термоелектраните, од индустриските капацитети, од прашина од градежништвото и од домаќинствата.
Долго време притискаме за стратешки пристап кон решавање на аерозагадувањето иако пристапот е различен за Скопје, за Битола или за Тетово. Заради тоа во законот е предвидено локалните власти да бидат носители на овие мерки, а не централните институции како Министерството за животна средина.
Сметаме дека од тие причини мора да се зајакнат капацитетите, знаењата и ресурсите на општините за да можат да го решаваат овој проблем. Случајот со Битола е многу карактеристичен бидејќи во оваа општина има индустриски капацитет кој е од национално значење и загадува локално. Таму, на пример е многу важно и државата да има удел и да се види каква трансформација се планира за регионот.
Во Скопје не гледаме дека во изминатите години се работи многу интензивно на решавање на проблемот со аерозагадувањето. За жал, интерсекторската работна група за аерозагадување не се воспостави повторно и сега нема тело кое ќе дискутира какви политики ќе треба да се спроведат во овој правец. Знаеме дека има буџет за јавните објекти да го сменат начинот на затоплување и да го намалат локалното загадување, но не знаеме до каде е таа активност, колкав процент од загадувачите се елиминирани и колку уште средства се потребни за да се заврши таа активност.
Треба институциите да имаат поголема транспарентност, да споделат со јавноста што прават по прашањето за аерозагадувањето, граѓанскиот сектор може само да даде препораки, но институциите мораат да ги применуваат усвоените мерки. Секоја година го кажуваме истото, потребно е буџетот за животна средина да се зголеми, а тоа значи сите еколошки такси кои влегуваат во буџетот да се искористат за проекти за подобрување на животната средина и зачувување на човековото здравје преку намалување на загадувањето. Без тоа нема да можеме да влеземе во големите проекти од зелената агенда кои предвидуваат делумно грантирање, но и кредитирање. Тоа значи дека ние како држава мора да гарантираме дека вакви проекти можеме да финансираме. Заради тоа и долги години дискутираме дека мора да формираме Фонд за животна средина каде ќе се влеат средствата од еколошките такси и со него треба да управува Агенција за животна средина за да видиме реална имплементација на овие проекти.
Еко-свест започна нов проект со поддршка на Европската програма за отворени реки – организација за доделување грантови посветена на обновување на реките. Проектот има за цел да развие национална применлива методологија и база на податоци со симулатор за идентификување на приоритетните бариери за отстранување со користење на сливот на реката Пчиња како студија на случај.
Овој проект е прв проект поврзан со реставрација на реките преку отстранување на бариерите во државата. Тоа ќе даде можност да се воведе отстранувањето на браната како важен механизам за обновување на реките. Исто така, ќе ги идентификува клучните експерти и засегнати страни за други слични иницијативи посветени на обновувањето на реките“.
Eко-свест објавува повик до компании за доставување понуда за изработка на техничка документација за отстранување на каскади на Пчиња и Крива река.
Цел и задачи на активностите
Ангажираната компанија ќе биде одговорнa за:
I. Изработка на техничка документација за отстранување на постоечка каскада на Крива река и заштита на речното корито пред и по каскадата од 50 годишна вода
1. Геодетски елаборат за посебни намени за ажурирана геодетска подлога кој ќе содржи: снимање на попоречни профили на речното корито на водотекот со должина од околу 500м (250м возводно од објектот и 250м низводно), на меѓусебно растојание од 10 до 15м со не помалку од 10 точки по профил.
2. Основен проект за отстранување на постоечка каскада на Крива река и заштита на речното корито пред и по каскадата СО ВКЛУЧЕНА РЕВИЗИЈА.
Основниот проект ќе содржи:
– Хидролошки анализи за Крива река за повратен период од 50 години за добивање на
„водостопанска согласност“ од Министерство за животна средина и просторно планирање
– Хидрауличка анализа на речното корито на потег од 500м, 250м возводно од постоечката каскада и 250м низводно, со која ќе се покаже потребата од каскадата, односно нејзина рехабилитација или отстранување
– Определување на конструктивни карактеристики на објектите за заштита
II. Изработка на техничка документација за отстранување на бетонски објект на река Пчиња, место Шупљи Камен и заштита на речното корито пред и по објектот од 50 годишна вода.
1. Геодетски елаборат за посебни намени за ажурирана геодетска подлога кој ќе содржи: снимање на попоречни профили на речното корито на водотекот со должина од околу 700м (350м возводно од објектот и 350м низводно), на меѓусебно растојание од 10 до 15м со не помалку од 10 точки по профил.
2. Основен проект за отстранување на разрушен бетонски објект на река Пчиња, место Шупљи камен и заштита на речното корито пред и по објектот СО ВКЛУЧЕНА РЕВИЗИЈА.
Основниот проект ќе содржи:
– Хидролошки анализи за река Пчиња за повратен период од 50 години за добивање
на „водостопанска согласност“ од Министерство за животна средина и просторно
планирање
– Хидрауличка анализа на речното корито на потег од 700м, 350м возводно од бетонскиот објект и 350м низводно за постоечка состојба и проектирана состојба со која ќе се врати речното корито во негова природна состојба по отстранување на разручениот бетонски објект
– Хидрауличка анализа на речното корито на потег од 700м, 350м возводно од бетонскиот објект и 350м низводно за проектирана состојба со која ќе се обезбеди враќање на речното корито во негова природна состојба по отстранување на разрушениот бетонски објект
– Определување на конструктивни карактеристики на објектите за заштита
Во Анекс 2 се содржат дополнителните информации за конкретните каскади за отстранување.
Временска рамка за доставување на понуда
Периодот за доставување понуди е 10 работни дена од објавување на отворениот повик односно до 15 јануари 2024 година.
По истекот на овие 10 дена Еко-свест ќе оформи комисија која ќе биде задолжена за избор на најдобра понуда. Еко-свест е должен по изминати 7 дена, од завршувањето на Повикот, да ги извести понудувачите за резултатот од работата на Комисијата.
Неизбраните понудувачи имаат можност за жалба во рок од 5 дена по добиеното известување.
Прашања за повикот може да се достават најдоцна до 10.01.2024 година. Сите одговори на прашањата пристигнати во рокот ќе бидат објавени на веб страницата на Еко-свест под објавениот повик.
Временска рамка за спроведување на активноста
Заинтересираниот понудувач е потребно во својата понуда да предвиди временска рамка за изработка на активноста. Ќе бидат преферирани понуди со разумни и ефикасни рокови.
Потребна документација за пријавување
Заинтересираните понудувачи треба да достават:
Понуда за изработка на техничката документација со износ со вклучен ДДВ и временска рамка за изготвување
Потпишана изјава (види Анекс 1)
Кратко портфолио на компанијата
Тековна состојба не постара од 6 месеци
Целокупната документација треба да биде доставена на македонски јазик во електронска форма.
Критериуми за понудувачите
Активна компанија која е формирана согласно Законите во Република Северна Македонија, и постои најмалку 5 години.
На повикот може да се пријават правни лица кои ги исполнуваат наведените правни и технички услови.
Доверливост
Сите информации кои се поврзани со оценка на понудите нема да бидат споделувани со никој кој не е официјално вклучен во процесот на селекција, дури и по завршување на процесот на избор. Сите податоци ќе се третираат како доверливи и нема да се користат, прибираат, споделуваат за други цели надвор од овој повик и целта на истиот.
Пријавување и контакт информации
Понудите треба да се испратат на email: [email protected] најдоцна до 15.01.2024 година до 16:00 часот, со назнака Доставување на понуда.
Евентуални прашања за повикот можат да се достават до [email protected] најдоцна до 10.01.2025 година.
Најнови коментари