by Elena Nikolovska | Dec 2, 2024 | Блог, Клима, Области
29тата конференција за климатски промени под Конвенцијата за климатски промени на ОН (UNFCC) која започна на 11 ноември годинава наместо на 22ри заврши два дена подоцна бидејќи земјите преговараа околу текстот на одлуката од COP29. Ова ќе биде една од ретките конференции за клима без дефинитивни одлуки за многу од клучните теми на дискусија.
Преговорите годинава имаа за цел да обезбедат конечна одлука за следните точки:
- Нова цел за обезбедување повеќе финансии за климатска акција која ќе одговара на потребите на земјите во развој
Терминологија која се користи на преговорите NCQG (New collective quantified goal on climate finance)
Овие финансиски средства треба да бидат собрани од развиените земји и наменети за финансирање на мерки за ублажување (ОИЕ и нови иновативни технологии) и прилагодување кон климатските промени (активности за создавање отпорност кон климатските промени) на земјите во развој во форма на неповратни грантови.
Развиените земји се согласија да даваат 300 милијарди американски долари годишно во Фондот за адаптација со нова цел да се стигне до 1.3 трилиони американски долари до 2035.
- Зголемување на амбициите во новите Национални придонеси кон климатски промени кои треба да се поднесат во 2025
Терминологија која се користи во преговорите Global Stocktake, new NDCs,
Новите Национални придонеси кон климатски промени мора да вклучат јасни временски рокови за постигнување на ветените цели, особено за тоа како постепено да се укине потрошувачката и производството на фосилни горива.
Оваа фаза бара повисоки цели за намалување на емисиите и клучни резултати од минатите COP, како што се обврските за постепено укинување на фосилните горива и зголемување на капацитетите на обновлива енергија за три пати до 2030 година. Сепак дискусијата на COP29 околу зголемување на амбицијата во националните придонеси беше нејасна и речиси непостоечка и покрај силните заложби од научните организации како СМО и СЗО.
Светската здравствена организација (СЗО) побара од делегатите на COP29 да го интегрирање на здравјето во преговорите. Специјалниот извештај на СЗО за COP29 „Здравјето како аргумент за климатска акција“, ја нагласува важноста на управувачката структура која го интегрира здравјето во креирањето на климатските политики – и климата во креирањето здравствени политики – кои се од суштинско значење за напредок.
Светската метеоролошка организација (СМО) на COP29 го објави извештајот за состојбата со климата во 2024 според кој годинава била најтоплата досега по долгата низа на исклучително високи месечни средни глобални температури. Низ светот имало повеќе екстремни временски и климатски настани кои предизвикале загуба на човечки животи и значителни материјални штети.
- Забрзување на напорите за прилагодување и обезбедување доволно финансии
Global Goal on Adaptation (GGA)
Глобалната цел за адаптација, како што е утврдена со Парискиот договор, има три правци: зајакнување на капацитетот за прилагодување, зајакнување на отпорноста и намалување на ранливоста на климатските промени. Целта е да придонесе за одржлив развој и да обезбеди соодветен одговор на адаптација во контекст на договорената температурната цел – ограничување на зголемувањето на глобалната температура на многу под 2 Целзиусови степени, а истовремено продолжување на напорите за ограничување на зголемувањето на 1,5 степени.
Покрај потврдување на веќе договорената глобална цел за адаптација, земјите избегнуваа да дискутираат за конкретни и мерки и чекори кои треба да се направат за да се забрзаат напорите за адаптација, а со тоа и целосна одговорност кон неразвиените земји кои ги трпат најголемите загуби и штети. Единствен напредок беше иницирањето на Патоказот за адаптација од Баку околу кој ќе се дискутира на COP30 во Белем, Бразил и кој би требало да ги движи напред активностите за адаптација.
- Напуштање на фосилните горива
Терминологија која се користи на преговорите
Mitigation Work Programme (MWP)
United Arab Emirates just transition work programme (JTWP)
Во последниот дел од преговорите делегатите сеуште преговараа околу спомнувањето на целта од задржување на глобалното затоплување под 1.5°C – на кое упатуваат сите извештаи на меѓувладиниот панел за климатски промени (IPCC). Наместо тоа присигнуваа барања од делегатите дискусијата да се задржи на задржување на глобалното затоплување под 2°C.
Земјите се согласија околу правилата за глобален пазар на јаглерод поддржан од ОН. Овој пазар ќе го олесни тргувањето со јаглеродни кредити, поттикнувајќи ги земјите да ги намалат емисиите и да инвестираат во проекти поволни за климата. COP29 појасни како земјите ќе одобрат трансакции со јаглеродни кредити и ќе управуваат со регистрите за следење. Дополнително, воспостави механизми за обезбедување на еколошки интегритет преку однапред технички прегледи во транспарентен процес.
Според централизираниот механизам за кредитирање на јаглерод, Механизмот за кредитирање од Париз сега вклучува задолжителни заштитни мерки за заштита на животната средина и човековите права. Овие заштитни мерки гарантираат дека проектите не можат да продолжат без информирана согласност од домородните народи. Дискусија за напуштање на фосилните горива немаше, а изостана и спомнување на напуштање на фосилните горива во конечниот текст на одлуката.
И покрај тоа, граѓанските организации изразија загриженост дека токму тргувањето со емисии на јаглерод без заложби за постепено напуштање на фосилните горива само дополнително ги загрозува локалните заедници и преговорите за клима. Прочитајте ја оваа кратка анализа на Карбон Бриф да дознаете зошто договорот постигнат за пазарите на јаглерод од член 6 на COP29 во Баку ризикува да ги олесни каубојските пазари на јаглерод во време кога на светот му треба шериф.
Сите нацрт одлуки од COP29 може да ги погледнете тука.
by Elena Nikolovska | Nov 22, 2024 | Објави, Повици
Центарот за истражување и информирање за животната средина „Еко-свест“ за своите редовни активности објавува постапка за ангажирање на агенција за односи со јавност со барање за доставување понуда.
Барање за доставување понуди
Временска рамка за доставување на понуда
Се покануваат заинтересираните страни да достават свои понуди за наведените активности на електронската адреса [email protected], со назнака „Понуда за ПР агенција“. Рокот за доставување на понуди ќе биде отворен од 22.11.2024 година, најдоцна до 02.12.2024 година во 17:00 часот.
Очекуваме понуди од понудувачи кои е пожелно да ги исполнуваат следните критериуми:
• активна компанија која е формирана согласно македонските закони и постои најмалку 6 години, што се докажува со тековна состојба од Централниот регистар, не постара од шест месеци;
• Реализирани минимум 5 (пет) кампањи во последните 3 (три) години за мобилизирање на јавноста и подигање на јавната свест на прашања и теми поврзани од значаен јавен интерес како: екологија, заштита и унапредување на животната средина и природата, односно спроведени кампањи за добро владеење или заштита на здравјето на населението;
• поседување на соодветни технички и административни капацитети и услови за продукција и пост-продукција на графички содржини, анимации и видео материјали или соработка со соодветен произведувач кој ги има овие капацитети и ресурси и истите да бидат достапни и за нарачателот, во случај истите самостојно да не ги поседува;
• да поседува тим составен од: графички дизајнер, монтажер, специјалист за социјални и дигитални медиуми, copywriter или сценарист и, минимум 1 специјалист за односи со јавноста, што се докажува со приложување на соодветни работни биографии на професионалците коишто ќе бидат предложени како тим од страна на заинтересираните страни; доставувањето на работни биографии за секоја од бараните позиции за членовите на тимот е задолжително;
• соодветно работно искуство на секој член од предложениот тим кое нема да биде помало 2 (две) години, што ќе може да се докаже преку деталните работни биографии;
• поседување препораки од коминтенти или партнери со кои претходно соработувале;
• способност за работа со крајни рокови и работа под притисок;
• логистички способности за организирање на настани.
Потребна документација за доставување понуди
Технички дел од понудата:
• Предлог маркетинг и комуникациски нацрт план;
• Краток опис на компанијата;
• Професионални биографии (CV-а) на лица од тимот кој ќе работи на кампањата;
• Контакт од референци со кои е остварена претходна соработка.
Финансиски дел од понудата:
• Тековна состојба од субјектот, не постара од 6 месеци;
• Финансиска понуда по ставки изразена во македонски денари со вклучен ДДВ.
Доставените материјали остануваат во архивата на Еко-свест.
Пoнудите кои ќе пристигнат по наведениот рок или без целосна документација, нема да бидат разгледувани.
Критериуми за избор на најсоодветна понуда
По истекот на рокот за пријавување, ќе се креира Комисија од 3 члена, која ќе изврши бодување на пристигнатите понуди.
Бодувањето на пристигнатите понуди ќе се изврши на следниот начин:
- Предлог нацрт план – релевантност и иновативност на пристапот (50 поени)
- Портфолио и искуство на предложените членови на тим (30 поени)
- Финансиска понуда (20 поени)
Еко-свест ќе ги контактира сите понудувачи, не подоцна од 7 работни дена од истекот на периодот за доставување на понуда, за да ги извести за резултатот од постапката.
Пристигнатите прашања од кој било од заинтересираните понудувачи ќе бидат одговорени и доставени до сите поканети понудувачи и објавени на веб страницата на Еко-свест под повикот.
Сите понудувачи кои не биле избрани на повикот имаат можност во рок од 5 календарски дена да поднесат Приговори по однос на постапката.
Еко-свест ќе подготви одговор по евентуалните приговори до понудувачите-жалители.
По истекот на рокот за приговори, од избраниот понудувач, освен горенаведените податоци, ќе се побара да достави дополнителна документација која вклучува тековна состојба/потврда за регистрирана дејност на добавувачот; потврда за солвентност/бонитет; pотврда/информација од Централен Регистар за забрана за вршење дејност и регистар за казни на правни лица; уверение за платени даноци и придонеси; изјави за доверливост и непостоење на конфликт на интереси од страна на избраниот кандидат (физичко лице) или изјава дека ги исплонува критериуме за учество (правно лице); биографии (CV) на консултантите; листа на референци/портфолио. Дополнителната документација се доставува не подоцна од 3 работни дена по истекот на рокот за поднесување Приговори и ќе биде предмет на анализа од страна на Раководителот на финансии на Еко-свест и проектниот координатор.
Договор со избраниот понудувач ќе се склучи најдоцна во рок од 7 работни дена.
Повеќе информации во Анекс 1 од повикот.
by Elena Nikolovska | Nov 20, 2024 | Објави, Повици
за учество и поддршка за изработка на нацрт-методологија за мерење еколошки проток на површинските води и воспоставување на редовен мониторинг на еколошкот проток во пилот подрачја во НП Маврово и НП Шар Планина.
Центарот за истражување и информирање за животната средина „Еко-свест“ во рамки на проектот „Заштита на реките преку воспоставување мониторинг и практики за обновување на речните живеалишта во заштитените подрачја“ финансиран од Prespa Ohrid Nature Trust, објавува повик за ангажман на консултант за изработка на нацрт-методологија за мерење еколошки проток на површинските води и воспоставување на редовен мониторинг на еколошкот проток во пилот подрачја во НП Маврово и НП Шар Планина.
Цел на активноста
Консултантот ќе биде ангажиран на долгорочна основа, во времетраење од потпишувањето на договорот до завршување на проектните активности во август 2026 година. Ангажманот ќе се состои од повеќе еднократни активности детално опишани во повикот, како и редовни мониторинг и тренинг активности кои ќе траат до август 2026 година. Со цел успешно спроведување на проектните задачи, консултантот треба да има познавање на:
• Рамковната директива за води (Water Framework Directive), што претставува водечки документ за европските практики за управување со водите и степенот на нејзина имплементација во земјава,
• Постоечкиот Закон за води, новиот предлог-закон за води и останатите законски одредби во областа,
• Методологиите за мерење на ниво и проток на води,
• Опремата и уредите за хидролошки и хидраулични мерење,
• ГИС софтвери за просторна обработка на податоци,
• Хидролошко-хидраулични модели за пресметување и симулација на хидролошко-хидраулични параметри.
Критериуми за апликантите
Очекуваме понуди од понудувачи кои е пожелно да ги исполнуваат следните критериуми:
• Високо образование во областа на хидрологијата,
• Минимум 10 години искуство во областа на хидрологијата и водните ресурси,
• Искуство во областа на хидрогеологијата и хидробиологијата
• Работно искуство на територијата на НП Маврово и НП Шар Планина и демонстрирано познавање на состојбите во речните сливови на територијата на двата парка,
Обем и опис на услугата
Избраниот експерт во календарскиот рок од 10.12.2024 до 31.08.2026 година, следејќи ја динамиката на проектот, треба да ги спроведе следниве активности:
1. Учество и поддршка за изработка на нацрт-методологија за мерење еколошки проток на површинските води неопходен за одржување на висок еколошки статус на реките во НП Маврово и НП Шар Планина
2. Воспоставување на редовен мониторинг на еколошкиот проток во пилот подрачјата во НП Маврово и НП Шар Планина
3. Подготовка на податоци (статистички и графички) за потребите на кампањските/ комуникациските активности на проектот.
Детален преглед со опис на работните задачи се наоаѓа во Анекс 1 од овој Повик.
Услови на повикот и начин на пријавување
На повикот може да аплицираат индивидуални експерти.
Заинтересираните кандидати кои ги исполнуваат условите, документите треба да ги достават во електронска верзија на е-пошта до [email protected] со назнака „Апликација за изработка на нацрт-методологија за мерење еколошки проток на површинските води и воспоставување на редовен мониторинг на еколошкот проток во пилот подрачја во НП Маврово и НП Шар Планина“.
Документи кои кандидатите треба да се достават при апликација:
1. Биографија (CV) со детален опис за нивното поле на стручност/портфолио.
2. Понуда за изработка на нацрт-методологијата вклучувајќи финансиски предлог со детален преглед на трошоците за испорака на потребните активности наведени во овој повик (Анекс 1).
3. Потпишана Потврда за посветеност: Кодекс на однесување на Еко-свест и декларација за судир на интереси (Анекс 2).
Рокови и временска рамка
Повикот е отворен од 20 ноември 2024 година до 29 ноември 2024 година.
Заинтересираните понудувачи можат да ги испратат своите понуди најдоцна до 29 ноември 2024 година до 16:00 часот.
Консултантски ангажман ќе започне со потпишување на договорот, а треба да биде завршен до 31 август 2026 година.
Критериуми за избор на најсоодветен понудувач
По истекот на рокот за поднесување, комисија од три члена ќе ги оценува пристигнатите понуди. Кандидатите ќе бидат оценувани врз основа на следниве критериуми:
- Портфолио на кандидатот (50 поени)
- Финансиска понуда (50 поени)
Вкупно: 100 поени.
Еко-свест ќе го контактира избраниот понудувач најдоцна седум дена по завршувањето на периодот за поднесување на понудите. Договор ќе биде доделен на кандидатот со највисока вкупна оценка, имајќи ги предвид и квалитетот на понудата и цената.
Лице за контакт
За сите прашања, контактирајте нè на [email protected] најдоцна до 25.11.2024 година.
Пристигнатите прашања од кој било од заинтересираните понудувачи ќе бидат одговорени и објавени на веб-страницата на Еко-свест во коментари под објавата за повикот и достапни за сите.
Доставените материјали остануваат во архивата на Еко-свест.
Понудите кои ќе пристигнат по наведениот рок или без целосна документација, нема да бидат разгледувани.
Контакт лице:
Ѓорѓи Митревски, Раководител на програма Води
[email protected]
by Elena Nikolovska | Nov 18, 2024 | Објави, Повици
Eko-svest is launching a call for expression of interest for companies and consultants to perform an analysis of the socio- economic situation of Bitola coal region in North Macedonia.
The call is open from 18.11.2024 until 27.11.2024.
Interested consultants and companies can send their expression of interest to provide an offer no later than 27.11.2024 at 17:00 CET.
Consultants and companies who have expressed interest shall be invited to a consultative session and requested to submit an offer for carrying out the activity.
Expression of interest should be submitted in electronic form to [email protected] Subject title Expression of interest socio economic analysis.
The expression of interest package includes:
– Expression of interest letter
– Statement on exclusion criteria (Annex 2) submitted in English OR Macedonian
Criteria for companies and consultants for this call:
– Minimum of 5 years experience in energy sector analysis in the region
– Team of experts in the field with a track record of performing analysis.
– Socio- economic studies in the energy sector (region or country specific)
– Experience in coal plants and infrastructure
– Experience in energy transition analysis
The Terms of Reference of the assignment can be found as Annex 1 to this call.
For any questions, please contact Elena Nikolovska at [email protected]
by Elena Nikolovska | Nov 18, 2024 | Објави, Повици
Eko-svest is launching a call for expression of interest for companies and consultants to perform an analysis on how using PLS of environment and climate legislation could improve implementation in North Macedonia.
The call is open from 18.11.2024 until 27.11.2024.
Interested consultants and companies can send their expression of interest to provide an offer no later than 27.11.2024 at 17:00 CET.
Consultants and companies who have expressed interest shall be invited to a consultative session and requested to submit an offer for carrying out the activity.
Expression of interest should be submitted in electronic form to [email protected] Subject title Expression of interest PLS analysis.
The expression of interest package includes:
– Expression of interest letter
– Statement on exclusion criteria (Annex 2) submitted in English OR Macedonian
Criteria for companies and consultants for this call:
– Minimum of 3 years experience in Post Legislative Scrutiny
– Experience in EU environment and climate legislation
– Knowledge in Western Balkans context on environment and climate change
The Terms of Reference of the assignment can be found as Annex 1 to this call.
For any questions, please contact Elena Nikolovska at [email protected]
Најнови коментари